Sɛlɛ 4:13 - BAEBOLO ANZƐƐ BULUKU NWUANZANWUANZA

¹³ “Saa Yizilayɛ maanlema kɔsɔɔti andwenle nwolɛ na bɛannwu ye la ati bɛyɛ ɛtane na bɛdi fɔlɛ kɛ bɛyɛ ninyɛne mɔɔ Ɛdɛnkɛma ɛze bɛ kɛ bɛmmayɛ la bie,

Sɛlɛ 4:13 ပူးပေါင်းရင်းမြစ်များ

Ɛzela Buluku ne 10:19

Bɛbɔle ɛwɔkɛ kɛ bɛbɔ bɛ mraalɛ ne mɔ ewole, na bɛvale boane nyinli ko kɛ bɛva bɛbɔ bɛ ɛtane ne mɔ anwo azu.

Edwɛndolɛ Buluku ne 19:13

Twe wɔ akɛlɛ fi anyefuu ɛtaneyɛlɛ nwo; mmamaa bɛfo me nwo zo, amaa meanli ɛzonle, amaa meavi mɛladonlɛ mgbole nu.

Yizikeɛle Buluku ne 45:22

Kenle ko zɔhane, belemgbunli ne babɔ ɔdaye nee Yizilayɛma kɔsɔɔti ati ava ɛnlankɛ nyinli edonraa ko ayɛ ɛtane azubɔdeɛ.

Hozia Buluku ne 5:15

“Mebahwe me nwo meavi menli ne anwo kɔkpula mekɛ mɔɔ bɛkɛnwu bɛ ɛtane mɔɔ bɛyɛ, na wɔ bɛ amaneɛnwunlɛ ne anu, bɛkɛkpondɛ me bo zo la.”

Sɛlɛ 16:5

“Akee Yizilayɛ maanlema ne bava mbɔnkye nyinli nwiɔ bɛamaa yeava yeayɛ ɛtane azubɔdeɛ yɛɛ boane nyinli ko bɛamaa yeava yeayɛ ɛyelalɛ azubɔdeɛ.

Sɛlɛ 4:21

Sɛlɛvolɛ ne bava ɛnlankɛ ne avinde ahɔ azokoɛleɛ ne kandiba na yeayela ye wɔ ɛkɛ, kɛmɔ ɔyelale alumua ɛdeɛ ne la. Ɔle ezuavolɛ ne ɛtane azubɔdeɛ.

Sɛlɛ 5:17

“Saa awie anye ɛnla nwolɛ na ɔyɛ ninyɛne mɔɔ Ɛdɛnkɛma ɛze kɛ bɛmmayɛ la bie a, yeyɛ ɛtane, yɛɛ ɔdi fɔlɛ, na ye ɛtane zo ye.

Sɛlɛ 6:4

saa awie yɛ ɛtane na ɔdi nwolɛ fɔlɛ a, ɔwɔ kɛ ɔfa deɛ ne mɔɔ ɔwuale la bie, anzɛɛ ɔsisile awie ɔvale, anzɛɛ deɛ ne mɔɔ bɛvale bɛwulale ye lɔ awoba, anzɛɛ asedeɛ ne mɔɔ ɔvale la bie ɔsie ɔ bo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:22

“Na saa bɛfo na bɛanli mɛla ɛhye mɔ mɔɔ Ɛdɛnkɛma ɛva ɛmaa Mosisi la bie azo,

1 Kɔl 11:27

Zɔhane ati awie biala mɔɔ kɛli Awulae kpanwo ne anzɛɛ kɛnlo ye dwora ne anu wɔ adenle mɔɔ ɛnfɛta la anu la kɛli Awulae nwonane ne nee ye mogya ne anwo fɔlɛ.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

Dwɔhyua Buluku ne 7:11

Yizilayɛma ɛyɛ ɛtane. Bɛdo me mɛla ne mɔɔ menvale memanle bɛ la. Bɛva ninyɛne ne mɔɔ ɔwɔ kɛ bɛsɛkye bɛ la bie. Bɛwuale, bɛbɔle nwolɛ adalɛ na bɛva bɛvea bɛ ninyɛne nu.