Sɛlɛ 3:9 - BAEBOLO ANZƐƐ BULUKU NWUANZANWUANZA

^9-10 Akee ɔyeye ɛyelalɛ azubɔdeɛ ne akunlu ɛnlome ne, ɔpɛ ɔ dua ne mɔɔ ɛlɔ mɔɔ kɔne ɔ nzi bowule ne azo la, ɔyeye ɛnlome mɔɔ wɔ nane ne akunlu ninyɛne ne mɔ anwo, ye ɛzizira nwiɔ ne nee nwolɛ ɛnlome ne mɔɔ wɔ ɔ nze nu la amuala, yɛɛ ye ɛbolɛ nwo ninyɛne kɔsɔɔti ɔvi ɛyelalɛ azubɔdeɛ ne mɔɔ bɛfa bɛamaa Ɛdɛnkɛma la anu.

Sɛlɛ 3:9 ပူးပေါင်းရင်းမြစ်များ

2 Sam 6:17

Bɛvale Ɛdɛnkɛma Ngyekyeleɛ Ɛlɛka ne bɛraziele ɛleka mɔɔ ɛnee Devidi ɛziezie wɔ Ndanlɛ Sua ne anu ɛmaa ye la. Akee Devidi bɔle ɛyelalɛ nee anzonudwolɛ azu manle Ɛdɛnkɛma.

1 Arl 3:15

Sɔlɔmɔn dunwuele la ɔnwunle kɛ Nyamenle ɛdendɛ ɛhile ye wɔ ɛlalɛ nu. Nzinlii ɔhɔle Gyɛlusalɛm, ɛleka mɔɔ Ɛdɛnkɛma Ngyekyeleɛ Ɛlɛka ne wɔ la na ɔyelale nane ɔbɔle azu na eza ɔbɔle anzonudwolɛ azu ɔmanle Ɛdɛnkɛma. Eza ɔdole ye menli ne amuala ɛkponle.

1 Arl 8:63

Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ bɔle anzonudwolɛ azu manle Ɛdɛnkɛma. Na belemgbunli nee Yizilayɛma kɔsɔɔti dule Ɛzonlenlɛ Sua ne manle Nyamenle.

1 Arl 8:64

Kenle ko ne ala eza Sɔlɔmɔn bukele alie wienyi ne mɔɔ la Ɛzonlenlɛ Sua ne anyunlu la. Ɛkɛ ne noko, ɔyelale nane ɛnlome ɔbɔle azu yɛɛ ɔbɔle anzonudwolɛ azu. Ɔboalekɛ kɔbele azukponle ne mɔɔ wɔ Ɛdɛnkɛma Ɛzonlenlɛ Sua ne anu la le ekyi maa ninyɛne ne mɔ.

1 Edk 16:1

Bɛvale Ngyekyeleɛ Ɛlɛka ne bɛhɔziele ndanlɛ sua ne mɔɔ Devidi ɛzi ɛmaa ye la anu. Na bɛbɔle ɛyelalɛ azu nee anzonudwolɛ azu bɛmanle Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:22

“Eza ɛbayeye boane nyinli ne akunlu ɛnlome ne, dualɛ dɔlera ne, ɛnlome ne mɔɔ wɔ ɔ kunlu ninyɛne ne mɔ anwo, ye ezizira nwiɔ ne nee nwolɛ ɛnlome ne, nee ye ɛbolɛ ne anwo ninyɛne ne amuala, yɛɛ ye ɛzɔlɛ fema ne (ɔluakɛ ɔle sɛlɛvolɛ ɛwulalɛ boane).

Mrɛlɛbulɛ Buluku ne 23:26

Me ra nrenya, fa wɔ ahonle maa me, na fa me gyakɛ,

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Sɛlɛ 17:5

Ɛhye kile kɛ ɔwɔ kɛ Yizilayɛma fa bɛ azubɔlɛ nane ne mɔ mɔɔ bɛku bɛ wɔ ɛleka gyɛne gyɛne la bɛlɛ Ɛdɛnkɛma. Ɔwɔ kɛ bɛfa bɛmaa sɛlɛvolɛ ne wɔ Ɛdɛnkɛma Ndanlɛ Sua ne anuhɔlɛ ne na bɛku bɛ kɛ anzonudwolɛ azubɔdeɛ bɛmaa Ɛdɛnkɛma.

Sɛlɛ 7:3

Akee bɛyeye ɔ kunlu ɛnlome ne amuala, ɔ dua dɔlera ne, ɔ kunlu ninyɛne ne mɔ anwo ɛnlome ne, ye ɛzizira nwiɔ ne nee nwolɛ ɛnlome ne mɔɔ wɔ ɔ nze nu la, yɛɛ ye ɛbolɛ ne anwo ninyɛne ne mɔ, bɛyɛ azubɔdeɛ.

Sɛlɛ 8:25

Akee Mosisi vale nane ɛnlome ne, ɔ dua dɔlera ne, ɛnlome ne mɔɔ wɔ ɔ kunlu ninyɛne ne mɔ anwo la, ye ɛbolɛ nwo ninyɛne, ye ɛzizira nwiɔ ne nee nwolɛ ɛnlome ne, yɛɛ nane ne ɛzɔlɛ fema ne.

Sɛlɛ 9:19

Ɛnlankɛ ne nee boane nyinli ne mɔ akunlu ɛnlome ne, boane ne adua dɔlera ne, ɛnlome ne mɔɔ wɔ bɛ kunlu ninyɛne ne mɔ anwo, bɛ ɛzizira ne mɔ nee ninyɛne mɔɔ wɔ bɛ ɛbolɛ ne mɔ anwo, mɔɔ bɛyeyele la,

1 Sam 10:8

Ɛbalumua me nyunlu wɔ Gelegale, na mebarayia wɔ ɛkɛ na mearabɔ ɛyelalɛ nee anzonudwolɛ azu. Anrɛɛ kendɛ me ɛkɛ ne kenle nsuu kɔkpula kɛ menwɔrahile wɔ deɛ mɔɔ ɔwɔ kɛ ɛyɛ la.”