Sɛlɛ 3:17 - BAEBOLO ANZƐƐ BULUKU NWUANZANWUANZA

¹⁷ Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”

Sɛlɛ 3:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:4

Debie ko ala a metua bɛ kɛ bɛmmadi a, yemɔ a le nane mɔɔ mogya ne tɛbɔ nu la, ɔboalekɛ mogya ne anu a ye ngoane wɔ a.

2 Edk 29:35

Saa ɛye ɛyelalɛ azubɔlɛ ninyɛne bebelebe ɛhye ɛsie ahane a, sɛlɛvolɛma ne a eza ɔwɔ kɛ yela nane ɛnlome bɔ anzonudwolɛ azu ne, na bɛgua nwanye ne mɔɔ bɛkɛva bɛkɛboka azubɔlɛ ninyɛne ne mɔ bɛkɛra la, bɛye ɛdɛne kolaa na bɛabɔ ɛyelalɛ azu ne a. Yemɔti akee bɛbɔle ɛzonlenlɛ bo wɔ Ɛzonlenlɛ Sua ne anu bieko.

Nihɛmaya Buluku ne 8:10

Akee Nihɛmaya zele bɛ kɛ, “Bɛhɔ sua nu na bɛhɔlie bɛ nye; bɛli debie mɔɔ yɛ fɛ na bɛnlo nwanye fɛlɛko. Bɛmaa menli mɔɔ ɛnlɛ bie la bie. Ɔluakɛ ɛnɛ le Ɛdɛnkɛma kenle nwuanzanwuanza. Bɛmmadi nyane, ɔluakɛ fɛlɛkolilɛ ne mɔɔ Ɛdɛnkɛma fa maa la le bɛ anwosesebɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:21

Aalɔn nee ɔ mra mrenya ne mɔ a ɔwɔ kɛ nea sɔ kɛnlaneɛ ne mɔɔ wɔ Ndanlɛ Sua ne anu mgbɛnu ɛdanlɛ ne mɔɔ wɔ Ngyekyeleɛ Ɛlɛka ne anyunlu la a, yɛɛ ɔwɔ kɛ ɔsɔ ɔgyinla me nyunlu ɛkɛ ɔvi nɔsolɛ toonwo alehyenlɛ. Yizilayɛma nee bɛ bo zo amra ɔwɔ kɛ sie mɛla ɛhye dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:43

Kenle biala mɔɔ Aalɔn nee ɔ mra mrenya ne mɔ ɛlɛba me nyunlu wɔ Ndanlɛ Sua ne anu anzɛɛ bɛlɛkɔ azukponle ne anwo wɔ Ɛleka Nwuanzanwuanza ne bɛahɔyɛ bɛ sɛlɛvolɛ gyima ne la, ɔwɔ kɛ bɛwula zɔhane adɛladeɛ ne mɔ, anrɛɛ bɛkɛli ɛzonle na bɛkɛwu. Ɛhye le mɛla mɔɔ wɔ ɛkɛ ne dahuu maa Aalɔn nee ɔ bo zo amra a.

Yizikeɛle Buluku ne 33:25

“Yemɔti ka kile bɛ kɛ, kɛ Awulae Nyamenle ne se la ɛne: Mɔɔ bɛdi nane mɔɔ ye mogya ne wɔ nu, bɛsonle bɛ mmonle ne mɔ, na bɛka mogya bɛgua la, asoo bɛkɛhola azɛlɛ ne fa yɛ bɛ ɛdeɛ bɔkɔɔ?

Yizikeɛle Buluku ne 44:15

Awulae Nyamenle zele me kɛ, “Livaema sɛlɛvolɛma mɔɔ le Zeedɔko abo zo amra la yɛɛ bara me nyunlu arazonle me a. Bɛmɛ yɛɛ bɛbarazonle me na bɛava nane ɛnlome nee mogya bɛabɔ azu bɛamaa me a, ɔluakɛ bɛmɛ a bɛgyinlanle bɛnleanle me Ɛzonlenlɛ Sua ne azo, bɛlile nɔhalɛ bɛmanle me wɔ mekɛ mɔɔ Yizilayɛma hakyile bɛ nzi zile me la a.

Yizikeɛle Buluku ne 44:7

Bɛgyakyi kɛ bɛkɛmaa nyɛvolɛ mɔɔ ɛsolo na bɛnze Nyamenle la kɛwolo me Ɛleka Nwuanzanwuanza ne bɛkɛhɔgua ɛkɛ ne evinli wɔ mekɛ mɔɔ bɛfa me aleɛ, nane ɛnlome nee mogya ne bɛarɛlɛ me la. Bɛyɛ ɛhye bɛtulu me ngyekyeleɛ ne bɛboka bɛ ninyɛndane bebelebe ne mɔ mɔɔ bɛyɛ la anwo.

Sɛlɛ 10:15

Nane ɛzɔlɛ ne mɔɔ bɛfa bɛabɔ azu ne nee nane ne akɛnra azo ne mɔɔ bɛdo ye ehono la, ɔwɔ kɛ bɛfa bɛboka ɛnlome ne mɔɔ bɛyela la anwo bɛto ye ehono, kɛ ehono azubɔdeɛ wɔ Ɛdɛnkɛma anyunlu, na akee yeayɛ ɛdawɔ nee ɛ mra ne mɔ ɛdeɛ dahuu, kɛmɔ Ɛdɛnkɛma zele la.”

Sɛlɛ 10:9

“Mmano nza nwanye anzɛɛ nza ɛsesebɛ. Ɛdawɔ o, anzɛɛ ɛ mra mrenya ne mɔ o, bɛmmano nza kolaa na bɛahɔ Ɛdɛnkɛma Ndanlɛ Sua ne anu, anrɛɛ bɛkɛwu. Ɛhye bayɛ mɛla ala ɛkɛ dahuu amaa wɔ awolɛndoazo kɔsɔɔti.

Sɛlɛ 16:29

“Akee ɔbayɛ mɛla mɔɔ wɔ ɛkɛ ne dahuu ɔmaa bɛ a; siane nsuu ne kenle bulu ne azo, ɔwɔ kɛ bɛkye ɛhɔne mɔɔ bɛdabɛ o, nyɛvolɛ mɔɔ nee bɛ de la o, biala ɛnyɛ gyima a.

Sɛlɛ 16:34

Ɛhye bayɛ mɛla mɔɔ bɛntulu ye ɛlɛ la amaa bɛ, amaa bɛava kenle ko wɔ ɛvolɛ biala anu bɛayɛ mgbɔdalɛ nzɛlɛlɛ bɛamaa Yizilayɛma amuala, wɔ bɛ ɛtane ne mɔ ati.” Na Mosisi yɛle mɔɔ Ɛdɛnkɛma zele ye la amuala.

Sɛlɛ 17:7

Zɔhane ati ɔnle kɛ awie biala ku nane bɔ azu maa mbɔnkye awozonle ne mɔ na bɛbɔ tuutuu ɛbɛla mgbane biala. Ɛhye bayɛ mɛla amaa bɛ mekɛ biala, wɔ bɛ awolɛndoazo muala anu.

Sɛlɛ 19:26

“Bɛmmadi nane biala mɔɔ mogya ne gyi nu la. Ɔnle kɛ bɛye ngonyia anzɛɛ bɛbɔ ayɛne ɛbɛla biala.

Sɛlɛ 23:14

Mekɛ ne anu ɔnle kɛ bɛdi kpanwo anzɛɛ ma ngyehye, ma amolɛ anzɛɛ ma ndondo, kɔkpula mekɛ mɔɔ bɛkɛva bɛ azubɔdeɛ ne mɔ bɛkɛrɛlɛ Ɛdɛnkɛma la. Ɛhye le mɛla maa bɛ wɔ awolɛndoazo kɔsɔɔti anu wɔ ɛleka biala mɔɔ bɛwɔ la.

Sɛlɛ 23:21

Kenle ko zɔhane ɔwɔ kɛ bɛbɔ nolo, bɛyia bɛyɛ nzɛlɛlɛ; ɔnle kɛ awie biala yɛ gyima ɛsesebɛ. Ɛhye le mɛla mɔɔ wɔ ɛkɛ ne dahuu, wɔ awolɛndoazo muala anu, wɔ ɛleka biala mɔɔ bɛwɔ la.

Sɛlɛ 24:3

Aalɔn banlea ayɛ ahɛnlaneɛ ne mɔ boɛ na yeasosɔ bɛ nɔsolɛ biala, amaa bɛagyinla zolɛ toonwo alehyenlɛ. Ɔbazɔ yeazie mgbɛnu ne anzi, wɔ Ngyekyeleɛ Ɛlɛka ne mɔɔ gyi Nwuanzanwuanza Nu Nwuanzaanwu Ɛleka ne la anyunlu. Ɛhye le mɛla dahuu maa awolɛndoazo muala.

Sɛlɛ 24:9

Kpanwo zɔhane mɔ le Aalɔn nee ɔ mra mrenya ne mɔ ɛdeɛ, yɛɛ ɔwɔ kɛ bɛdi ye wɔ ɛleka mɔɔ le nwuanzanwuanza la, ɔboalekɛ ɔle azubɔdeɛ mɔɔ bɛyela bɛmaa Ɛdɛnkɛma la anu bie Ɔle nwuanzanwuanza kpalɛ kpalɛ na dahuu ɔle sɛlɛvolɛma ne mɔ ɛdeɛ.”

Sɛlɛ 3:16

Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ mɔɔ bɔ evuanlɛ la. Nane ne ɛnlome ne amuala le Ɛdɛnkɛma ɛdeɛ.

Sɛlɛ 4:1

Ɛdɛnkɛma zele Mosisi kɛ,

Sɛlɛ 6:15

Bɛ nuhua ko bavula ma azubɔdeɛ ne mɔɔ bɛdi bɛyɛ ye esamo na nwole nee ɛyɛlɛ evuanlɛ wɔ nu la ɔ sa ko, na yeayela ye wɔ azukponle ne azo. Ye evuanlɛ sɔ Ɛdɛnkɛma anye.

Sɛlɛ 6:18

Aalɔn abo zo amra mrenya biala kola di bie. Meyɛ ɛhye mɛla mɔɔ wɔ ɛkɛ ne dahuu, wɔ awolɛndoazo biala anu na ɔfane ɛyelalɛ azubɔdeɛ mɔɔ bɛva bɛrɛlɛ Ɛdɛnkɛma la anwo. Awie biala mɔɔ anwo kɛha bie la anwo kɛde saanwu.”

Sɛlɛ 6:22

Sɛlɛvolɛ ne mɔɔ bɛbaye ye wɔ Aalɔn amra mrenya ne mɔ anu bɛamaa yeali ye agya la babɔ zɔhane azu ne amaa Ɛdɛnkɛma, kɛmɔ meyɛ ye mɛla na ɔla ɛkɛ ne dahuu la. Ɔwɔ kɛ bɛyela bɛ muala.

Sɛlɛ 7:23

“Ka kile Yizilayɛma kɛ, ɔnle kɛ bɛdi nane ɛnlome, saa ɛnlankɛ o, boane o anzɛɛ abɔnkye o.

Sɛlɛ 7:34

Ɔluakɛ nane ne akɛnra azo ne nee ɛzɔlɛ ne mɔɔ bɛkɛdu la, melie mevi Yizilayɛma ɛkɛ, mevi bɛ anzonudwolɛ azubɔdeɛ ne mɔ anu, na meva memaa Sɛlɛvolɛ Aalɔn nee ɔ mra ne mɔ na meyɛ ye kɛ dahuu biala ɔle bɛ ɛdeɛ.

Sɛlɛ 7:36

Ɛdɛnkɛma yɛle ye mɛla wɔ kenle mɔɔ bɛkpokpale bɛ nwole la kɛ ɔwɔ kɛ Yizilayɛma fa maa bɛ dahuu wɔ awolɛndoazo muala anu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:21

Bɛli mɛla ɛhye mɔ kɔsɔɔti azo wɔ melɛ tendenle mɔɔ bara la amuala. Ahenle ne mɔɔ kponde ɛnluanlɛ nzule ne la, ɔdaye noko ɔwɔ kɛ ɔkpo ye adɛladeɛ ne mɔ, awie biala mɔɔ kɛva ɔ sa kɛha nzule ne la ɛnee evinli ɛha ye toonwo ɔkɔdwu nɔsolɛ.

Edwɛkpa ne kɛmɔ Mateyu hɛlɛle la 16:24

Akee Gyisɛse zele ye ɛdoavolɛma ne kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo na ɔdoa me.

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

Mɛla 12:16

Noko akee anrɛɛ bɛmmadi bɛ mogya ne. Bɛhwi bɛgua aze kɛ nzule la.

Mɛla 12:23

Noko akee bɛnlea boɛ na bɛanli mogya ne. Ɔluakɛ mogya ne a le ngoane ne, yɛɛ ɔnle kɛ bɛfa ngoane ne bɛboka nane ne bɛdi.

Mɛla 12:24

Bɛmmadi mogya ne. Bɛhwi bɛgua aze kɛ asɛɛ nzule la.

Mɛla 15:23

Noko bɛmmadi ye mogya ne; bɛhwi bɛgua aze kɛ asɛɛ nzule la.

Mɛla 32:14

Ɔlile kyiisi na ɔnlonle nlankɛ nyɛfonzule, ɔlile Beehyan nlankɛ, mboane, nee mbɔnkye mɔɔ ɛlɔ, ɔlile hwiiti kpalɛ na ɔnlonle nwanye kpalɛ.

1 Tem 4:4

Debie biala mɔɔ Nyamenle ɛbɔ la le kpalɛ. Ɔnle kɛ yɛkpo biala. Ɔwɔ kɛ yɛfa moyɛlɛ yɛdie ɔ muala,