Sɛlɛ 3:16 - BAEBOLO ANZƐƐ BULUKU NWUANZANWUANZA

¹⁶ Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ mɔɔ bɔ evuanlɛ la. Nane ne ɛnlome ne amuala le Ɛdɛnkɛma ɛdeɛ.

Sɛlɛ 3:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:4

Ebɛle noko hyele mboane mralɛ mɔɔ ye mboane ne mɔ bie lumuale wole bɛ la, na ɔvale bɛ nee bɛ ɛleka mɔɔ ɛlɔ kpalɛ la ɔbɔle azu ɔmanle Ɛdɛnkɛma. Ɛdɛnkɛma anye zɔle Ebɛle azubɔdeɛ ne,

2 Edk 29:35

Saa ɛye ɛyelalɛ azubɔlɛ ninyɛne bebelebe ɛhye ɛsie ahane a, sɛlɛvolɛma ne a eza ɔwɔ kɛ yela nane ɛnlome bɔ anzonudwolɛ azu ne, na bɛgua nwanye ne mɔɔ bɛkɛva bɛkɛboka azubɔlɛ ninyɛne ne mɔ bɛkɛra la, bɛye ɛdɛne kolaa na bɛabɔ ɛyelalɛ azu ne a. Yemɔti akee bɛbɔle ɛzonlenlɛ bo wɔ Ɛzonlenlɛ Sua ne anu bieko.

2 Edk 7:7

Akee Sɔlɔmɔn dule Ɛdɛnkɛma Ɛzonlenlɛ Sua ne anyunlu alie ne anwo avinli ɛkɛ ne manle Nyamenle, na ɔbɔle nane mumua ɛyelalɛ, ma ɛyelalɛ, nee anzonudwolɛ azubɔdeɛ ne mɔ ɛnlome azu wɔ ɛkɛ, ɔboalekɛ ɛnee ɛyelalɛ azubɔlɛ ninyɛne ne, ma azubɔdeɛ ne, nee nane ɛnlome azubɔdeɛ ne mɔ ɛnzo kɔbele azukponle ne mɔɔ Sɔlɔmɔn zile la azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:13

Akee fa ɛnlome ne mɔɔ wɔ ɔ kunlu ninyɛne ne mɔ anwo la, ninyɛne mɔɔ wɔ ye ɛbolɛ ne anwo, ye ezizira nwiɔ ne nee nwolɛ ɛnlome ne amuala na yela bɛ wɔ azukponle ne azo bɔ azu maa me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:22

“Eza ɛbayeye boane nyinli ne akunlu ɛnlome ne, dualɛ dɔlera ne, ɛnlome ne mɔɔ wɔ ɔ kunlu ninyɛne ne mɔ anwo, ye ezizira nwiɔ ne nee nwolɛ ɛnlome ne, nee ye ɛbolɛ ne anwo ninyɛne ne amuala, yɛɛ ye ɛzɔlɛ fema ne (ɔluakɛ ɔle sɛlɛvolɛ ɛwulalɛ boane).

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Yizikeɛle Buluku ne 44:15

Awulae Nyamenle zele me kɛ, “Livaema sɛlɛvolɛma mɔɔ le Zeedɔko abo zo amra la yɛɛ bara me nyunlu arazonle me a. Bɛmɛ yɛɛ bɛbarazonle me na bɛava nane ɛnlome nee mogya bɛabɔ azu bɛamaa me a, ɔluakɛ bɛmɛ a bɛgyinlanle bɛnleanle me Ɛzonlenlɛ Sua ne azo, bɛlile nɔhalɛ bɛmanle me wɔ mekɛ mɔɔ Yizilayɛma hakyile bɛ nzi zile me la a.

Sɛlɛ 17:6

Sɛlɛvolɛ ne bado ye mogya ne agua Ɛdɛnkɛma azukponle ne anwo ayia wɔ Ɛdɛnkɛma Ndanlɛ Sua ne anuhɔlɛ ne, na yeayela ye ɛnlome ne yeabɔ azu evuanlɛ yeamaa Ɛdɛnkɛma.

Sɛlɛ 4:26

Ɔbayela nane ne anu ɛnlome ne amuala wɔ azukponle ne azo, kɛmɔ bɛfa anzonudwolɛ azubɔdeɛ bɛabɔ azu a bɛyɛ ye la Yemɔti sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva ye ɛtane ne bɛkɛhyɛ ye.

Sɛlɛ 4:31

Ɔbayeye azubɔdeɛ ne akunlu ɛnlome ne amuala, kɛmɔ bɛyɛ anzonudwolɛ azubɔdeɛ la, na akee yeayela ye wɔ azukponle ne azo. Ye evuanlɛ sɔ Ɛdɛnkɛma anye. Sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva bɛkɛhyɛ ye.

Sɛlɛ 8:25

Akee Mosisi vale nane ɛnlome ne, ɔ dua dɔlera ne, ɛnlome ne mɔɔ wɔ ɔ kunlu ninyɛne ne mɔ anwo la, ye ɛbolɛ nwo ninyɛne, ye ɛzizira nwiɔ ne nee nwolɛ ɛnlome ne, yɛɛ nane ne ɛzɔlɛ fema ne.

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Edwɛkpa ne kɛmɔ Mateyu hɛlɛle la 22:37

Gyisɛse buale ye kɛ, “Fa wɔ ahonle muala, wɔ ɛkɛla muala, nee wɔ adwenle muala kulo Awulae wɔ Nyamenle ne.