Sɛlɛ 3:11 - BAEBOLO ANZƐƐ BULUKU NWUANZANWUANZA

¹¹ Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ ɔmaa Ɛdɛnkɛma.

Sɛlɛ 3:11 ပူးပေါင်းရင်းမြစ်များ

Edwɛndolɛ Buluku ne 22:14

Bɛwola me bɛgua kɛ nzule la, me mbowule ɛhoatihoati; me ahonle le kɛ ɛyɛlɛ, yeholo me kunlu.

Yizikeɛle Buluku ne 44:7

Bɛgyakyi kɛ bɛkɛmaa nyɛvolɛ mɔɔ ɛsolo na bɛnze Nyamenle la kɛwolo me Ɛleka Nwuanzanwuanza ne bɛkɛhɔgua ɛkɛ ne evinli wɔ mekɛ mɔɔ bɛfa me aleɛ, nane ɛnlome nee mogya ne bɛarɛlɛ me la. Bɛyɛ ɛhye bɛtulu me ngyekyeleɛ ne bɛboka bɛ ninyɛndane bebelebe ne mɔ mɔɔ bɛyɛ la anwo.

Sɛlɛ 21:17

“Ka kile Aalɔn kɛ ɔvi ɛnɛ mɔɔ kɔ la, wɔ bɛ awolɛndoazo ne mɔ amuala anu, ɔ bo zo amra ne anu biala mɔɔ anwo lɛ dɛne la ɛnle kɛ bikye me kɛ ɔfa aleɛ yeabɔ azu yeamaa ye Nyamenle.

Sɛlɛ 21:6

Ɔwɔ kɛ bɛmaa bɛ nwo te maa bɛ Nyamenle; ɔnle kɛ bɛgua bɛ Nyamenle ne anwo evinli. Ɔluakɛ bɛmɛ yɛɛ bɛbɔ ɛyelalɛ azu bɛmaa Ɛdɛnkɛma na eza bɛbɔ aleɛ azu bɛmaa bɛ Nyamenle ne a. Yemɔti ɔwɔ kɛ bɛmaa bɛ nwo te.

Sɛlɛ 21:8

Ɔwɔ kɛ ɛtu ye ɛsie ahane ɛmaa Nyamenle, ɔluakɛ ɔdaye a ɔfa aleɛ ɔbɔ azu ɔmaa wɔ Nyamenle ne a; ɔwɔ kɛ ɔ nwo te maa wɔ, ɔluakɛ medame, Ɛdɛnkɛma, mɔɔ mete ɛ nwo la, mele nwuanzanwuanza.

Sɛlɛ 22:25

“Nane biala mɔɔ bɛkɛnyia ye bɛkɛvi ɛyɛvolɛ ɛkɛ ne la, bɛmmafa bɛyɛ aleɛ azubɔdeɛ bɛbɛlɛ me. Kɛmɔ bɛpepɛle bɛ na bɛahu bɛ la, bɛ nwo lɛ dɛne; bɛfa bɛba a menrɛlie.”

Sɛlɛ 3:16

Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ mɔɔ bɔ evuanlɛ la. Nane ne ɛnlome ne amuala le Ɛdɛnkɛma ɛdeɛ.

Sɛlɛ 3:5

Aalɔn amra mrenya ne mɔ bayela bɛ wɔ ɛyɛne ne mɔɔ wɔ azukponle ne azo la azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Malakae Buluku ne 1:12

Na bɛmɛ, saa bɛka kɛ ‘Ɛdɛnkɛma azukponle ne anwo ɛnde yɛɛ kpanwo ne ɛnle kpalɛ’ a ɛnee bɛgua azukponle ne anwo evinli.

Malakae Buluku ne 1:7

Bɛfa aleɛ mɔɔ nwolɛ ɛnde la bɛgua me azukponle zo. Noko bɛbiza kɛ, ‘Kɛ yɛzi yɛgua ɛ nwo evinli ɛ?’ Bɛ adwenle a le kɛ Ɛdɛnkɛma azukponle ne bɔbɔ, ɔnle kɛ bɛdi ye eni.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:2

“Ka kile Yizilayɛma kɛ, ‘Me azubɔlɛ ne, aleɛ mɔɔ bɛfa bɛabɔ ɛyelalɛ azu mɔɔ sɔ me nye bɛamaa me la, bɛyɛ bɛ wɔ bɛ mekɛ nloa.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:24

Zɔhane ala yɛɛ bɛbɔ aleɛ ɛyelalɛ azu mɔɔ ye evuanlɛ sɔ Ɛdɛnkɛma anye la bɛmaa ye toonwo kenle nsuu a. Bɛyɛ ɛhye bɛboka dahudahu ɛyelalɛ azu ne nee nwanye azubɔlɛ ne anwo.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

1 Kɔl 10:21

Ɔnle kɛ bɛno Awulae dwora ne anu na eza bɛanlo mbɔnsam dwora nu; yɛɛ ɔnle kɛ bɛtɛnla Awulae ɛkponle nwo na eza bɛahɔdɛnla mbɔnsam ɛkponle nwo.

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.