Sɛlɛ 3:1 - BAEBOLO ANZƐƐ BULUKU NWUANZANWUANZA

¹ “Saa awie fa ɛnlankɛ nyinli anzɛɛ belɛ azubɔdeɛ arabɔ anzonudwolɛ azu a, ɔwɔ kɛ ɔfa ɛnlankɛ mɔɔ anwo ɛnlɛ dɛne la a ɔfinde Ɛdɛnkɛma anyunlu a.

Sɛlɛ 3:1 ပူးပေါင်းရင်းမြစ်များ

1 Edk 21:26

Ɔzile azukponle ɔmanle Ɛdɛnkɛma wɔ ɛkɛ na ɔyelale nane ɔbɔle azu nee anzonudwolɛ azu wɔ zolɛ. Ɔzɛlɛle Ɛdɛnkɛma na Ɛdɛnkɛma diele ye na ɔmanle senle vi anwuma radɔle ɛyelalɛ azubɔdeɛ ne anu wɔ azukponle ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:24

Bɛzi ndɛtɛlɛ azukponle bɛmaa me na bɛva bɛ mboane nee nlankɛ azubɔdeɛ ne mɔ bɛbɔ ɛyelalɛ azu nee anzonudwolɛ azu wɔ zolɛ bɛmaa me. Ɛleka biala mɔɔ menwɔze bɛ kɛ bɛzonle me la, mebara mearayila bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:5

Na ɔzoanle Yizilayɛ mgbavolɛ ɔmanle bɛhɔbɔle ɛyelalɛ azu na bɛvale nlankɛ nyinli bɛbɔle anzonudwolɛ azu bɛmanle Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:28

Ɛhye le kpɔkɛ mɔɔ mebɔ mɔɔ menrɛhakyi ye ɛlɛ a. Saa me menli ne fa anzonudwolɛ azubɔdeɛ ne mɔ ba a, bɛ kɛnrazo ne nee bɛ ɛzɔlɛ ne mɔ le sɛlɛvolɛma ne mɔ ɛdeɛ. Ɔle menli ne ahyɛlɛdeɛ ɔmaa medame, Ɛdɛnkɛma.

Mrɛlɛbulɛ Buluku ne 7:14

“Ɛnee ɔwɔ kɛ mebɔ azu, na ɛnɛ meye me ɛwɔkɛ ne mɔ amuala;

Yizikeɛle Buluku ne 43:27

Saa kenle nsuu ne wie a, ɔvi ye kenle mɔtwɛ ne azo mɔɔ kɔ la, sɛlɛvolɛma ne akee babɔ menli ne ɛyelalɛ azu nee anzonudwolɛ azu ne mɔ. Na mebalie bɛ meado nu. Medame, Awulae Nyamenle a mese a.”

Sɛlɛ 1:10

“Saa sonla ne ahyɛlɛdeɛ ne le ɛyelalɛ azubɔdeɛ mɔɔ vi ɔdaye ye mboane anzɛɛ mbɔnkye nu a, ɔwɔ kɛ ɔfa nyinli mɔɔ anwo ɛnlɛ dɛne la.

Sɛlɛ 1:3

Saa ɔfa ɛnlankɛ yeabɔ ɛyelalɛ azu a, ɔwɔ kɛ ɔfa nyinli mɔɔ anwo ɛnlɛ dɛne la. Ɔwɔ kɛ ɔfa ɔbagyinla Ɛdɛnkɛma Ndanlɛ Sua ne anuhɔlɛ ne, amaa Ɛdɛnkɛma alie ɔdaye mumua ne ado nu.

Sɛlɛ 17:5

Ɛhye kile kɛ ɔwɔ kɛ Yizilayɛma fa bɛ azubɔlɛ nane ne mɔ mɔɔ bɛku bɛ wɔ ɛleka gyɛne gyɛne la bɛlɛ Ɛdɛnkɛma. Ɔwɔ kɛ bɛfa bɛmaa sɛlɛvolɛ ne wɔ Ɛdɛnkɛma Ndanlɛ Sua ne anuhɔlɛ ne na bɛku bɛ kɛ anzonudwolɛ azubɔdeɛ bɛmaa Ɛdɛnkɛma.

Sɛlɛ 3:6

“Saa awie fa boane nyinli anzɛɛ belɛ azubɔdeɛ arabɔ anzonudwolɛ azu a, ɔwɔ kɛ ɔfa boane mɔɔ anwo ɛnlɛ dɛne la.

Sɛlɛ 9:18

Ɔhunle ɛnlankɛ nyinli ne nee boane nyinli ne ɔbɔle anzonudwolɛ azu ne ɔmanle menli ne. Aalɔn amra mrenya ne mɔ vale mogya ne rɛlɛle ye, na ɔdole ɔguale azukponle ne anwo amuala ɔyiale.

Sɛlɛ 9:4

yɛɛ akee boane nyinli ko nee ɛnlankɛ nyinli kpole ko bɛyɛ anzonudwolɛ azubɔdeɛ, na bɛva ma azubɔdeɛ mɔɔ bɛva nwole bɛfɔtɔ la bɛboka nwo bɛbɔ azu bɛmaa Ɛdɛnkɛma. Ɔluakɛ ɛnɛ Ɛdɛnkɛma baye ɔ nwo ahile bɛ.’ ”

Emɔzo Buluku ne 5:22

Bɛfa bɛ ɛyelalɛ azubɔdeɛ nee bɛ ma azubɔdeɛ ne mɔ bɛba bɔbɔ ɛdeɛ, noko menrɛlie, yɛɛ menrɛnlea bɛ nane dɔlera anzonudwolɛ azubɔdeɛ ne mɔ bɔbɔ.

Malakae Buluku ne 1:14

Munzule ɛha nzisi sonla ne mɔɔ lɛ boane nyinli wɔ ye nyɛmoa nu, ɔkɛva ɔkɛbɔ ɛwɔkɛ, na akee ɔkɛva ɛtane bie ɔkɛrabɔ azu ɔkɛmaa Ɛdɛnkɛma la, ɔluakɛ mele belemgbunli kpole, yɛɛ maanle maanle kɔsɔɔti sulo me.”

Malakae Buluku ne 1:8

Asoo saa bɛfa nane mɔɔ anye ɛzi la bɛba kɛ bɛva bɛbɔ azu bɛmaa me a, ɛnee bɛdabɛ bɛnea a bɛtɛbɔle munzule? Yɛɛ saa bɛfa nane mɔɔ ɛbubu anzɛɛ ewule ɛha ye la bɛba kɛ bɛva bɛbɔ azu bɛmaa me a, asoo ɛnee bɛtɛbɔle munzule? Bɛva ninyɛne zɔhane mɔ bɛhɔhyɛ bɛ amɛnlado ne. Asoo bɛnea a ɔ kunlu kɛdwo bɛ nwo anzɛɛ ɔ nye kɛlie bɛ nwo?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:8

Saa bɛfa ɛnlankɛ nyinli azubɔdeɛ bɛba kɛ ɛyelalɛ anzɛɛ bɛfa bɛaye ɛwɔkɛ anzɛɛ anzonudwolɛ azubɔdeɛ a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:14

ɔfa ahyɛlɛ ninyɛne ɛhye mɔ ɔmaa Ɛdɛnkɛma: boane ralɛ nyinli ko mɔɔ ɛli ɛvolɛ ko, mɔɔ anwo ɛnlɛ dɛne la bɛyɛ ɛyelalɛ azubɔdeɛ, boane ralɛ belɛ mɔɔ ɛli ɛvolɛ ko mɔɔ anwo ɛnlɛ dɛne la bɛyɛ ɛtane azubɔdeɛ, na bɛava boane nyinli kpole ko mɔɔ anwo ɛnlɛ dɛne la bɛayɛ anzonudwolɛ azubɔdeɛ.

Mɛla 12:27

Ɛkɛ ne yɛɛ bɛyela nane mumua nee ye mogya ne wɔ Ɛdɛnkɛma bɛ Nyamenle ne azukponle ne azo a. Bɛwola azubɔdeɛ ne mɔɔ bɛbali la anu mogya ne bɛgua Ɛdɛnkɛma bɛ Nyamenle ne azukponle ne azo na akee bɛdo nane ne bɛli.

Kɔlɔ 1:20

Ɛhye ati, ɔlua Ralɛ ne anwo zo, Nyamenle ɛbɔ kpɔkɛ kɛ ɔdie aleɛabo ninyɛne kɔsɔɔti mɔɔ wɔ anwuma nee aze la yeamaa ɔ nwo na yealua ɔ Ra ne ewule mɔɔ ɔwule meanubaka ne azo la azo ɔ nee bɛ ayɛ ko.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

Maanlebuvolɛma Buluku ne 20:26

Na Yizilayɛ ɛlɔnema ne kɔsɔɔti hɔle Bɛtɛle hɔzunle. Bɛhɔle Ɛdɛnkɛma anyunlu; bɛhyele ɛhɔne kenle ko ne toonwo nɔsolɛ. Bɛbɔle naneyelalɛ azu na bɛbɔle anzonudwolɛ azu bɛmanle Ɛdɛnkɛma.

Maanlebuvolɛma Buluku ne 21:4

Aleɛ hyenle la menli ne dwazole ndɛ yɛle azukponle, bɛyelale nane bɛbɔle azu, eza bɛbɔle anzonudwolɛ azu.