Sɛlɛ 27:8 - BAEBOLO ANZƐƐ BULUKU NWUANZANWUANZA

⁸ “Saa ahenle le ehyianli mɔɔ ɛngola ɛndua mɔɔ maamɛla ne se la a, ɛnee bɛva sonla ne mɔɔ bɛvale bɛbɔle ɛwɔkɛ ne la bɛrɛlɛ sɛlɛvolɛ ne bɛmaa ɔnlea ahenle ne mɔɔ bɔle ɛwɔkɛ ne la gyinlabelɛ nwo ɔpɛ bolɛ ɔmaa ɔdua.

Sɛlɛ 27:8 ပူးပေါင်းရင်းမြစ်များ

2 Arl 7:5

Yemɔti mɔɔ maanle nu ɛlɛdudu la bɛdwazole kɛ bɛkɔ Seleama azokoɛleɛ ne. Bɛhɔdwule ɛkɛ ne la bɛnwunle kɛ awie biala ɛnle ɛkɛ.

Gyɛlɛmaya Buluku ne 5:7

Ɛdɛnkɛma bizale ye kɛ, “Kɛ ɔyɛ mɔɔ ɔwɔ kɛ mefa bɛ ɛtane mekyɛ bɛ ɛ? Bɛ menli ne ɛkpo me, na bɛzonle nyamenle gyɛne gyɛne mɔɔ ɛnle ɛkɛ la. Memanle bɛ aleɛ bɛlile bɛ ko yile la, bɛdonle awuvolɛvalɛ mɛla ne, na bɛdule bɛdoale tuutuuma.

Sɛlɛ 12:8

“Saa ɔnrɛhola boane fa a, ɛnee ɔwɔ kɛ ɔfa abubule nwiɔ anzɛɛ mɔlɔnoma ngyikyi nwiɔ; bɛfa ko bɛbɔ ɛyelalɛ azu bɛmaa ye na bɛfa ko ne noko bɛyɛ ɛtane azubɔdeɛ. Sɛlɛvolɛ ne bayɛ mgbɔdalɛ nzɛlɛlɛ amaa ye, na ɔ nwo ade.”

Sɛlɛ 27:9

“Saa ɛwɔkɛ ne fane ayɛmoa nwo, na ayɛmoa ne le mɔɔ bɛfa bɛbɔ azu bɛmaa Ɛdɛnkɛma a ɔyɛ boɛ a, ɛnee ahyɛlɛdeɛ ne mɔɔ ahenle vale manle Ɛdɛnkɛma la anwo te.

Sɛlɛ 5:11

“Na saa ahenle ne angola abubule nwiɔ ne anzɛɛ mɔlɔnoma nwiɔ ne fa a, ɛnee ɔwɔ kɛ ɔfa esamo kilo nwiɔ ɔyɛ ɛtane azubɔdeɛ. Ɔnle kɛ ɔfa nwole ɔgua nu anzɛɛ ɔfa ɛyɛlɛ evuanlɛ biala ɔgua zolɛ, ɔluakɛ ɔle ɛtane azubɔdeɛ.

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.

Edwɛkpa ne kɛmɔ Maake hɛlɛle la 14:7

Bɛmɛ, bɛ nee ehyianvolɛma de dahuu, yɛɛ mekɛ biala mɔɔ bɛkulo la, bɛkola bɛboa bɛ; na mame, me nee bɛ ɛnrɛdɛnla dahuu.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.