Sɛlɛ 27:34 - BAEBOLO ANZƐƐ BULUKU NWUANZANWUANZA

³⁴ Ɛhye mɔ a le mɛla ne mɔ mɔɔ Ɛdɛnkɛma luale Mosisi anwo zo vale manle Yizilayɛma wɔ Saenae Boka a.

Sɛlɛ 27:34 ပူးပေါင်းရင်းမြစ်များ

Sɛlɛ 26:46

Mɛla nee ngyehyɛlɛ mɔɔ Ɛdɛnkɛma luale Mosisi anwo zo vale manle Yizilayɛma wɔ Saenae Boka la a le ɛhye mɔ.

Sɛlɛ 7:38

mɔɔ Ɛdɛnkɛma hyehyɛle manle Mosisi wɔ Saenae Boka, wɔ mekɛ mɔɔ ɔzele Yizilayɛma kɛ bɛva bɛ azubɔdeɛ ne mɔ bɛrɛlɛ Ɛdɛnkɛma la ɛne. Mekɛ ne anu ɛnee bɛwɔ Saenae fienemgbole ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:1

Mɔɔ Yizilayɛma vile Yigyibiti azɛlɛ zo la, ye ɛvolɛ nwiɔ ne anu, ye siane nwiɔ ne kenle ne mɔɔ lumua la azo, Ɛdɛnkɛma dendɛle hilele Mosisi wɔ Saenae fienemgbole ne anu wɔ Ɛdɛnkɛma Ndanlɛ Sua ne anu kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:6

Ɛhye le dahuu ɛyelalɛ azubɔdeɛ mɔɔ bɛhyehyɛle wɔ Saenae Boka, mɔɔ ye evuanlɛ sɔ Ɛdɛnkɛma anye a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:1

Aalɔn nee Mosisi mbusua ɛlɔnwɔne ne mɔ, wɔ mekɛ mɔɔ Ɛdɛnkɛma dendɛle hilele Mosisi wɔ Saenae Boka la, bɛmɛ ɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 36:13

Mɛla ɛhye mɔ a Ɛdɛnkɛma luale Mosisi anwo zo vale manle Yizilayɛma wɔ Mowabe ɛsɛlɛ ne anu, wɔ Azule Dwɔdan ne anloa, mɔɔ bikye Gyɛleko la a.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Mɛla 1:3

Yizilayɛma zile nu wɔ Yigyibiti la, ye ɛvolɛ abulanla ne azo, siane bulu nee ko ne kenle ne mɔɔ lumua la azo yɛɛ Mosisi dendɛle hilele menli ne na ɔhanle edwɛkɛ biala mɔɔ Ɛdɛnkɛma ɛze ye la ɔhilele bɛ a.

Mɛla 29:1

Edwɛkɛ agbɔkɛ mɔɔ wɔ ngyekyeleɛ ne mɔɔ Ɛdɛnkɛma manle Mosisi nee Yizilayɛma yɛle la anu la ɛne: Bɛyɛle ngyekyeleɛ ɛhye wɔ Mowabe azɛlɛ zo, yɛɛ asolo mɔɔ Ɛdɛnkɛma nee bɛ yɛle wɔ Saenae Boka la.

Mɛla 4:45

Mɛla nee ngyehyɛlɛ mɔɔ Mosisi vale manle Yizilayɛma la ɛne. Mekɛ mɔɔ bɛvile Yigyibiti na bɛwɔ Azule Dwɔdan ne aduduleɛ bɔnza ne anu, mɔɔ ɛnee bɛ nee Bɛtepiyɔ sua zo anye bɔ zolɛ la yɛɛ ɔvale mɛla ɛhye mɔ ɔmanle bɛ a. Mekɛ ne anu ɛnee bɛwɔ Amɔle Belemgbunli Saehɔn mɔɔ ɛnee sie Hɛhyebɔn la maanle nu. Mosisi nee ye ɛlɔnema ne lile ɔ nwo zo konim wɔ mekɛ mɔɔ bɛvi Yigyibiti bɛrale la.

Mɛla 4:5

“Bɛnlea, mehilehile bɛ mɛla nee ngyehyɛlɛ ne mɔ, kɛmɔ Ɛdɛnkɛma me Nyamenle ne vale manle me la, amaa bɛayɛ ye zɔhane wɔ azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo.