Sɛlɛ 27:30 - BAEBOLO ANZƐƐ BULUKU NWUANZANWUANZA

³⁰ “Azɛlɛ ne azo ngyɛnu bulu ɛkpɔ ko ne mɔ amuala, saa ma o, saa baka nzoleɛ o, biala le Ɛdɛnkɛma ɛdeɛ. Ɔle debie mɔɔ anwo te na ɔle Ɛdɛnkɛma ɛdeɛ a.

Sɛlɛ 27:30 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:20

Ayɛlɛyelɛ ɛha Anwuma Anwuma Nyamenle ne mɔɔ ɛye wɔ kpɔvolɛma ne ɛmaa wɔli bɛ nwo zo konim la.” Na Ebilam hyɛle debie biala mɔɔ ɔnyianle la anu bulu na ɔdule ɛkpɔ ko ɔmanle Mɛlekezɛdɛke.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:22

yɛɛ bolɛ ɛhye mɔɔ mekpɔnla ye sika wɔ ɛke la, bayɛ Nyamenle sua nu. Na debie biala mɔɔ ɛdawɔ Ɛdɛnkɛma ɛkɛmaa menwɔnyia la, menwɔhyɛ nu bulu menwɔdu ɛkpɔ ko menwɔmaa wɔ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:24

Saa bɛbu bɛ bɛyɔba ne a, ɔwɔ kɛ bɛkyɛ nu nnu na bɛtu ɛkpɔ ko bɛbɛlɛ belemgbunli ne na bɛdabɛ bɛfa nna. Bɛ ɛdeɛ ɛkpɔ nna ne, bie yɛɛ bɛbava bɛalua ɛya fofolɛ a, bɛbali bie na bɛamaa bɛ mra nee bɛ mbusua ne mɔ bie bɛali.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:26

Yemɔti Dwosefi lile mɛla kɛ Yigyibiti azɛlɛ ne kɔsɔɔti le belemgbunli ne ɛdeɛ. Mɛla ɛhye tɛbɔ ɛkɛ ne kɛkala kɛ, aleɛ biala mɔɔ kɛvinde azɛlɛ ne azo la, ɔwɔ kɛ bɛkyɛ nu nnu na belemgbunli ne nyia ɛkpɔ ko. Ahɔmenle ne mɔ azɛlɛ ɛdeɛ ne ala yɛɛ anyɛ belemgbunli ne ɛdeɛ a.

2 Edk 31:12

Bɛvale ninyɛne ne mɔɔ bɛdu bɛzie ahane bɛmaa Ɛdɛnkɛma la nee ngyɛnu bulu ɛkpɔ ngoko ne amuala bɛziele nu. Abɔlɔba kpanyinli mɔɔ ɛnee nea zolɛ la a le Livaenli Konanaya, yɛɛ mɔɔ li ɔ nzi la a le ɔ diema Hyemɛyae.

Nihɛmaya Buluku ne 12:44

Mekɛ ne anu bɛyele menli mɔɔ nea Ɛzonlenlɛ Sua ne ninyɛnezielɛ azua ne mɔ azo la. Ninyɛne mɔɔ kɔ azua zɔhane mɔ anu la a le debie biala mɔɔ bɛkɛnyia ye, abɛlɛ, nee ma mɔɔ bɛkɛlumua bɛkɛde ye ɛvolɛ biala anu la, yɛɛ ngyɛnu bulu ɛkpɔ ngoko ne mɔɔ bɛkɛva bɛkɛra la. Menli ɛhye mɔ a nea dielie ninyɛne ne fi ɛyazonlɛma ne mɔ mɔɔ zuozua azuamgbole ne mɔ la ɛkɛ a. Bɛfa ninyɛne ɛhye mɔ bɛnea sɛlɛvolɛma nee Livaema, kɛmɔ mɛla ne se la. Na Dwudama kɔsɔɔti anye liele sɛlɛvolɛma nee Livaema anwo.

Nihɛmaya Buluku ne 13:12

Na menli ne kɔsɔɔti bɔle ɔ bo bieko na bɛvale bɛ abɛlɛ, nwanye nee ɔlivi nwole bɛrale Ɛzonlenlɛ Sua ne ninyɛnezielɛ ɛleka ne.

Nihɛmaya Buluku ne 13:5

Ɔlua zolɛ ɔmanle Tobaya adenle ɔmanle ɔdɛnlanle ekpumgbunli kpole ko anu. Zɔhane ekpumgbunli ne bɛfa aleɛ mɔɔ bɛfa bɛbɔ azu, ɛyɛlɛ, Ɛzonlenlɛ Sua ne anu ninyɛne, abɛlɛ ngyɛnu bulu ɛkpɔ ko ne, nwanye yɛɛ ɔlivi nwole mɔɔ bɛfa bɛmaa sɛlɛvolɛma la a bɛgua nu a.

Sɛlɛ 27:29

Ɔnle kɛ bɛfa ezukoa bɛkpɔne sonla mɔɔ bɛdu ye bɛmaa Ɛdɛnkɛma kɛ bɛzɛkye ye la. Ɔwɔ kɛ bɛku ye.

Sɛlɛ 27:31

Saa awie kpondɛ kɛ eza ɔtɔ ye ngyɛnu bulu ɛkpɔ ko ne a, ɔwɔ kɛ ɔfa deɛ ne ati bolɛ ne ngyɛnu nnu ɛkpɔ ko ɔboka deɛ ne ati bolɛ ne anwo.

Edwɛkpa ne kɛmɔ Mateyu hɛlɛle la 23:23

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ bɛbu ɛlobɔ nu ɛya evuanlɛ mɔɔ le kɛ aabɛya la anu bulu bɛfa ko bɛmaa Nyamenle, na bɛbu bɛ nye bɛgua ninyɛne mɔɔ hyia kpalɛ wɔ mɛla ne anu, mɔɔ fane pɛlepɛlelilɛ, anwunvɔnezelɛ, yɛɛ nɔhalɛlilɛ nwo ngilehilelɛ la azo. Ɛhye mɔ a ɔwɔ kɛ bɛyɛ a, yɛɛ ɔnle kɛ bɛbu bɛ nye bɛgua mɔɔ ɛha la azo.

Edwɛkpa ne kɛmɔ Luku hɛlɛle la 11:42

“Munzule ɛha bɛdabɛ Falasiima, ɔluakɛ bɛmɛ, bɛkyɛ aledonlɛ nya nya evuanlɛ mɔɔ le kɛ kabɛle nee nya nya evuanlɛ mɔɔ ɛha, mɔɔ bɛfa bɛto aleɛ la anu bulu bɛtu ko bɛmaa Nyamenle, na bɛbu bɛ nye bɛgua pɛlepɛlelilɛ nee Nyamenle anwo ɛhulolɛ zo. Ninyɛne nwiɔ ɛhye yɛɛ ɔwɔ kɛ bɛyɛ a, yɛɛ eza ɔnle kɛ bɛbu bɛ nye bɛgua alumua ɛdeɛ ne mɔ azo.

Edwɛkpa ne kɛmɔ Luku hɛlɛle la 18:12

Dapɛne ko anu mekye ɛhɔne fane nwiɔ, yɛɛ mebu me ezukoa mɔɔ menyia ye la anu bulu metu ko memaa wɔ.’

Mɛla 18:8

Mekɛ mɔɔ ɔkɛze kɛ ɔyɛ ye gyima ne la, ɔwɔ kɛ ɔnyia debie biala mɔɔ bɛ nee ye kɛra la bie, kɛmɔ sɛlɛvolɛma mɔɔ ɛha la nyia ye ala la. Debie biala mɔɔ ye sua nu amra kɛva kɛnwa ye la ɔkola ɔfa ɔsie.

Mɛla 26:12

“Ɛvolɛ nsa biala bɛ aleɛ mɔɔ bɛkɛnyia ye la, bɛbu nuhua bulu, bɛdu ɛkpɔ ko bɛmaa bɛva bɛmaa Livaema, nyɛvolɛ, nrisa, yɛɛ ahunlanvolɛ mɔɔ wɔ bɛ azua ne mɔ azo la, amaa bɛdabɛ bɛanyia bie bɛali bɛ ko ayi.