Sɛlɛ 27:26 - BAEBOLO ANZƐƐ BULUKU NWUANZANWUANZA

²⁶ “Noko akee, kɛmɔ ayɛmoa biala ara mɔɔ ɔkɛlumua ɔkɛwo ye la le Ɛdɛnkɛma ɛdeɛ la ati, awie biala ɛnlɛ adenle kɛ ɔkɛdu ɔkɛmaa; saa ɔle ɛnlankɛ o, anzɛɛ boane o, ɔle Ɛdɛnkɛma ɛdeɛ.

Sɛlɛ 27:26 ပူးပေါင်းရင်းမြစ်များ

2 Arl 7:5

Yemɔti mɔɔ maanle nu ɛlɛdudu la bɛdwazole kɛ bɛkɔ Seleama azokoɛleɛ ne. Bɛhɔdwule ɛkɛ ne la bɛnwunle kɛ awie biala ɛnle ɛkɛ.

Nihɛmaya Buluku ne 10:36

Belamunli ralɛ nrenya biala mɔɔ yɛkɛwo ye la, yɛbava ye yɛahɔ Ɛzonlenlɛ Sua ne anu yɛahɔmaa sɛlɛvolɛma ne yɛamaa bɛadu ye bɛamaa Nyamenle, kɛmɔ Mɛla ne kile la. Eza yɛbadu yɛ ɛnlankɛ, boane, yɛɛ abɔnkye ralɛ biala mɔɔ bɛkɛlumua bɛkɛwo ye la yɛamaa Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:2

“Tu belamunli mralɛ kɔsɔɔti maa me, sonla o, nane o, biala mɔɔ kɛlumua kɛkpakye awodeɛ wɔ Yizilayɛ maanle nu la le me ɛdeɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:30

Zɔhane ala yɛɛ bɛyɛ bɛ nlankɛ nee bɛ mboane amra mɔɔ bɛkɛlumua bɛkɛwo bɛ la a. Bɛmaa bɛ nyɛmoa ne mɔ amra mɔɔ lumua la biala ɛli kenle nsuu wɔ ɔ nli anwo ɛkɛ, ye kenle mɔtwɛ ne azo, bɛva ye bɛmaa me.

Sɛlɛ 27:27

Saa ayɛmoa ne anwo ɛnde a, yemɔ ɔ menle kola tɔ ye bolɛ mɔɔ bɛkɛpɛ bɛkɛdo nwolɛ la, na ɔfa bolɛ ne ngyɛnu nnu ɛkpɔ ko ɔboka nwo. Saa yeangola ye kpɔne a, bɛbadɔne ye, kɛmɔ bɛsesenle ala la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:17

Na nlankɛ, mboane, yɛɛ mbɔnkye amra mɔɔ lumua la ɛdeɛ ɔnle kɛ bɛkpɔne bɛ; bɛva bɛ bɛbɔ azu, bɛle nwuanzanwuanza. Bɛdo bɛ mogya ne bɛgua azukponle ne anwo na bɛyela bɛ ɛnlome ne kɛ ɔle ɛyelalɛ azubɔdeɛ mɔɔ ye evuanlɛ sɔ Ɛdɛnkɛma anye a.

Mɛla 15:19

“Bɛ mboane nyinli anzɛɛ nlankɛ nyinli mɔɔ bɛkɛlumua bɛkɛwo bɛ la, bɛva bɛ bɛzie ahane bɛmaa Ɛdɛnkɛma bɛ Nyamenle ne. Bɛmmafa nlankɛ nyinli zɔhane mɔ bɛyɛ gyima biala yɛɛ bɛmmapepɛ mboane nyinli zɔhane mɔ anwo enrinli.