Sɛlɛ 27:2 - BAEBOLO ANZƐƐ BULUKU NWUANZANWUANZA

² “Ka kile Yizilayɛma kɛ: Saa awie fa sonla bɔ ɛwɔkɛ maa Ɛdɛnkɛma a, ɔkola ɔtua ezukoa ɔkpɔne sonla zɔhane,

Sɛlɛ 27:2 ပူးပေါင်းရင်းမြစ်များ

2 Arl 12:5

Sɛlɛvolɛ ko biala ɔdaye ɔbava ezukoa mɔɔ menli mɔɔ ɔnea bɛ nwo zo la kɛva kɛrɛlɛ ye la yeazie. Zɛhae ezukoa mɔɔ bɛbazie la, yemɔ yɛɛ bɛbava bɛayɛ Ɛzonlenlɛ Sua ne ɛleka mɔɔ kɛzɛkye la boɛ a.

Nolo 5:3

Gyimayɛlɛ dɔɔnwo maa bɛka ɛlalɛ, yɛɛ koasea tendɛ dɔɔnwo.

Sɛlɛ 27:1

Ɛdɛnkɛma zele Mosisi kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:2

Na Yizilayɛma vuale hilele Ɛdɛnkɛma kɛ, “Saa ɛmaa yɛdi menli ɛhye mɔ anwo zo konim a, yɛkɛdu bɛ nee bɛ azuamgbole ne mɔ yɛkɛmaa wɔ na yɛkɛzɛkye bɛ bɔkɔɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 30:3

“Anzɛɛ saa raalɛ ka ndane kɛ ɔyɛ debie yeamaa Ɛdɛnkɛma, anzɛɛ ɔfa ɔ nwo ɔbɔ ɛwɔkɛ ɔmaa Ɛdɛnkɛma, wɔ mekɛ mɔɔ ɔde ɔ ze sua nu la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:2

ɔva ngyehyɛlɛ ɛhye mɔ ɔmaa Yizilayɛma. “Saa nrenya anzɛɛ raalɛ bɔ ɛwɔkɛ kɛ ɔtu ɔ nwo yeazie ɛkɛ yeamaa Ɛdɛnkɛma a,

Mɛla 23:24

“Saa ɛkɔ ɛ diema bie vanye egyinli nu a, ɛkola ɛdi ma ne bie kpalɛ ɛmaa ɛ ko yi, dodo biala mɔɔ ɛkulo la, ɛkola ɛdi. Noko mmafa bie ɛto wɔ bondo nu ɛkɔ.

Maanlebuvolɛma Buluku ne 11:39

Siane nwiɔ ne dwule la ɔziale ɔrale ɔ ze anwo ɛkɛ ne, na ɔ ze vale ye yɛle mɔɔ ye ɛwɔkɛ ne se la. Ɛnee ɔ ra raalɛ ne ɛnze nrenya fee. Na ɔrayɛle maamɛla wɔ Yizilayɛ maanle nu

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”

1 Sam 1:28

Yemɔti medu ye memaa Ɛdɛnkɛma. Mekɛ dodo mɔɔ ɔdi ye wɔ azɛlɛ ye azo la, ɔle Ɛdɛnkɛma ɛdeɛ.” Na ɔyeyɛle Ɛdɛnkɛma wɔ ɛkɛ ne.