Sɛlɛ 27:10 - BAEBOLO ANZƐƐ BULUKU NWUANZANWUANZA

¹⁰ Ɔfa debie ɔkakyi ye a ɔnyɛ boɛ, yɛɛ ɔnle kɛ ɔkakyi ye ɔfa kpalɛ ɔdie ɛtane anzɛɛ ɔfa ɛtane ɔdie kpalɛ. Saa ɔfa ayɛmoa ɔkakyi ayɛmoa, na ɔle ayɛmoa mɔɔ sɔ ɛnyelɛ a, ɛnee ayɛmoa zɔhane nee mɔɔ ɔvale ɔbɔle ɛwɔkɛ ne la, bɛ mu nwiɔ bɛ nwo te na bɛle Ɛdɛnkɛma ɛdeɛ.

Sɛlɛ 27:10 ပူးပေါင်းရင်းမြစ်များ

Yizikeɛle Buluku ne 48:14

Ɔnle kɛ bɛtɔne azɛlɛ ɛhye bie anzɛɛ bɛfa bie bɛbɔ agyinlanu bɛdie debie. Ɔnle kɛ bɛfa bie bɛmaa awie biala, ɔluakɛ ɔle nwuanzanwuanza ɔmaa Ɛdɛnkɛma.

Sɛlɛ 27:11

Na saa ɛwɔkɛ ne kɔyɛ ayɛmoa mɔɔ anwo ɛnde na bɛfa bɛbɔ azu bɛmaa Ɛdɛnkɛma a ɔnyɛ boɛ a, ɛnee ahenle ɛva ayɛmoa ne ɛrɛla sɛlɛvolɛ ne ɛkɛ;

Sɛlɛ 27:9

“Saa ɛwɔkɛ ne fane ayɛmoa nwo, na ayɛmoa ne le mɔɔ bɛfa bɛbɔ azu bɛmaa Ɛdɛnkɛma a ɔyɛ boɛ a, ɛnee ahyɛlɛdeɛ ne mɔɔ ahenle vale manle Ɛdɛnkɛma la anwo te.