Sɛlɛ 26:9 - BAEBOLO ANZƐƐ BULUKU NWUANZANWUANZA

⁹ Mebanlea bɛ nwo zo kpalɛ na meamaa bɛawo mralɛ dɔɔnwo, na bɛ nwo azo, na meamoa me ngyekyeleɛ ne mɔɔ me nee bɛ kyekyele la azo.

Sɛlɛ 26:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:28

Na Nyamenle yilale bɛ, na ɔzele kɛ, “Bɛlɔ, bɛyɛ mɔnwo mɔnwo, bɛyi azɛlɛ ye na bɛzie azɛlɛ ye. Eza bɛzie azule nee nyevile nu fɛlɛ, anwomanyunlu nloma nee azɛlɛ ye azo abɔdeɛ biala mɔɔ die ɛnwomenle la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:20

Yehyemeeyɛle ɛdeɛ, mede mɔɔ wɔha la. Nea, meyila ye na mebamaa ɔ sa zo ada, bɛ nwo azo dɔɔnwo. Ɔbayɛ arelemgbunli bulu nee nwiɔ bɛ ze, na mebamaa yeayɛ maanle kpole kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:17

mebayila wɔ na meamaa ɛ bo zo amra ayɛ dɔɔnwo kɛ anwomanyunlu nwɔlɔra nee ɛnweazo anwea. Ɛ bo zo amra bali bɛ agbɔvolɛ nwo zo konim na bɛazie bɛ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:4

Mebamaa ɛ bo zo amra ayɛ dɔɔnwo kɛ anwomanyunlu nwɔlɔra. Mebava azɛlɛ ɛhye mɔ amuala meamaa ɛ bo zo amra, na ɛ bo zo amra anwo zo yɛɛ maanle maanle kɔsɔɔti mɔɔ wɔ ewiade la balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:14

Ɛ bo zo amra bayɛ kɛ azɛlɛ nwo anwea. Bɛbadende bɛadwu adɔleɛ, aduduleɛ, sɔlɔ nee nyiakɛ. Na ɛdawɔ nee ɛ bo zo amra anwo zo yɛɛ ewiade amra kɔsɔɔti balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:3

Nyamenle Bedevinli ne ɛyila wɔ na ɔmaa wɔ mralɛ dɔɔnwo na bɛyɛ mɔnwo amaa bɛayɛ ɛlɔne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:4

‘Mebamaa wɔawo, na ɛ nwo azo. Mebamaa wɔanyia menli dɔɔnwo; mebamaa bɛayɛ ɛlɔne; mebava azɛlɛ ɛhye meamaa ɛ bo zo amra ayɛ bɛ ɛdeɛ bɔkɔɔ.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:18

Na wɔmɔ, me nee wɔ bayɛ ngyekyeleɛ. Ɛ nee ɛ mra mrenya, nee ɛ ye, yɛɛ ɛ mra mrenya mraalɛ ne mɔ bavo ɛlɛne ne anu.

1 Arl 3:8

Meradɛnla wɔ menli pemgbenleamgbe ye mɔɔ awie ɛnze bɛ nloa mɔɔ ɛdawɔ wɔkpa nu wɔye bɛ la avinli.

2 Arl 13:23

Na Ɛdɛnkɛma nwunle bɛ anwunvɔne. Yeammaa adenle yeammaa bɛanzɛkye Yizilayɛma. Ɔboale bɛ, ɔboalekɛ ɔ nee Ebileham, Ayezeke nee Gyɛkɔbo lɛ ngyekyeleɛ. Yemɔti ɔ rɛle ɛtɛfile ye menli ne.

Nihɛmaya Buluku ne 2:20

Membuale bɛ kɛ, “Anwuma Nyamenle ne bakpogya yɛ sa zo amaa yɛ, ye sonvolɛma, yɛdwazo yɛayɛ bane ne mɔ boɛ. Na bɛmɛ, ɔnyɛ bɛ edwɛkɛ; bɛnlɛ agyadeɛ anzɛɛ sɛfonle biala wɔ Gyɛlusalɛm ɛke.”

Nihɛmaya Buluku ne 9:23

Ɛmanle bɛ mralɛ dɔɔnwo kɛ anwomanyunlu nwɔlɔra, na ɛmanle bɛhonle bɛvale maanle ne mɔɔ ɛvale ɛbɔle bɛ nlenya mɔ ɛwɔkɛ la.

Edwɛndolɛ Buluku ne 107:38

Ɔyila bɛ, ɔmaa bɛ nwo so dɔɔnwo; ɔmmaa bɛ nlankɛ anwo ɛnyɛ ekyi.

Edwɛndolɛ Buluku ne 89:3

Ɛdawɔ wɔha kɛ, “Me nee me sonla ne mɔɔ mekpa nu meye ye la ɛyɛ ngyekyeleɛ, mebɔ me sonvolɛ Devidi ɛwɔkɛ kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:7

Noko Yizilayɛ abo zo amra ne dale, yɛle mɔnwo mɔnwo, bɛnyinle anwosesebɛ nu na bɛvale Yigyibiti maanle ne anu amuala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:25

Na Nyamenle nwunle Yizilayɛma tɛnlabelɛ nu, na nyane hanle ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:4

Eza me nee bɛ kyekyele ngyekyeleɛ kɛ mebava Keena azɛlɛ ne mɔɔ bɛdɛnlanle zolɛ kɛ nyɛvolɛ la meamaa bɛ.

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Gyɛlɛmaya Buluku ne 23:3

Akee mebaboɔboa me mboane ne mɔ mɔɔ ɛha azuamgbole ne mɔ kɔsɔɔti azo, ɛleka mɔɔ memanle bɛhɔguale la anloa mearagua ɛleka ko, wɔ tunli ko anu, na bɛbada, bɛ nwo azo.

Gyɛlɛmaya Buluku ne 23:4

Mebamaa bɛ mboaneneavolɛma mɔɔ banlea bɛ kpalɛ la; bɛnrɛzulo bieko, bɛ ahonle ɛnrɛdu, yɛɛ kokye ɛnrɛminli. Medame Ɛdɛnkɛma a mese a.

Gyɛlɛmaya Buluku ne 33:3

Bɛzu bɛvɛlɛ me, na mebalie zolɛ; mebaha ninyɛne mgbole nee mɔɔ vea mɔɔ bɛtɛnwunle bɛ ɛlɛ la anwo edwɛkɛ meahile bɛ.

Yizikeɛle Buluku ne 16:62

Me nee wɔ bayɛ ngyekyeleɛ, na wɔanwu kɛ medame a mele Ɛdɛnkɛma a.

Yizikeɛle Buluku ne 36:9

Ɔluakɛ, bɛnlea, mele bɛ ɛdeɛ. Mebahakyi me nye bɛ nwo zo, na bɛbazo bɛ ɛya bɛalua.

Sɛlɛ 26:15

saa bɛbulu me mɛla ne mɔ azo, na bɛkpo me ngyehyɛlɛ ne mɔ, na yemɔti bɛnrɛyɛ mɔɔ meze bɛ la amuala, na bɛtulu me ngyekyeleɛ ne a,

Edwɛkpa ne kɛmɔ Luku hɛlɛle la 1:72

Ɔhanle kɛ ɔbaze yɛ nlenya mɔ anwunvɔne, na ɔ rɛle ɛnrɛvi ye ngyekyeleɛ nwuanzanwuanza ne.

Mɛla 28:11

Na Ɛdɛnkɛma bayila bɛ yeamaa bɛakpazi, bɛawo mralɛ, bɛ nlankɛ ada, na bɛ egyinli nu ninyɛne ara dɔɔnwo wɔ azɛlɛ ne mɔɔ Ɛdɛnkɛma vale bɔle bɛ ze mɔ ɛwɔkɛ kɛ ɔbava yeamaa bɛ la azo.

Mɛla 28:4

“Ɛdɛnkɛma bayila bɛ yeamaa bɛanyia mralɛ dɔɔnwo, bɛyɔba dɔɔnwo wɔ bɛ ɛya ne mɔ anu, bɛ nyɛmoa bada, bɛ nlankɛ bazo, na bɛanyia mboane mralɛ dɔɔnwo.

Mɛla 7:13

Ɔbahulo bɛ, yeayila bɛ, na yeamaa bɛ nwo azo. Eza ɔbayila bɛ kunlu mralɛ na yeayila bɛ azɛlɛ ne, amaa bɛanyia abɛlɛ, nwanye, nee nwole dɔɔnwo; bɛ nlankɛ nwo bazo na bɛanyia mboane mralɛ dɔɔnwo wɔ azɛlɛ ne mɔɔ ɔvale ɔbɔle bɛ ze mɔ ɛwɔkɛ la azo.

Kɛlata mɔɔ bɛhɛlɛle bɛhɔmanle Hibuluma la 8:9

Ɔnrɛyɛ kɛ ngyekyeleɛ ne mɔɔ me nee bɛ nlenya mɔ kyekyele wɔ mekɛ mɔɔ menyele bɛ menvile Yigyibiti azɛlɛ zo la. Bɛanli nɔhalɛ wɔ zɔhane ngyekyeleɛ ne mɔɔ me nee bɛ kyekyele la anwo, yemɔti meandɛne bɛ zo, Medame Awulae a mese a.