Sɛlɛ 26:8 - BAEBOLO ANZƐƐ BULUKU NWUANZANWUANZA

⁸ Bɛ nuhua nnu bɔbɔ bahola aha menli ɛya agua ɛbɔ nu, yɛɛ bɛ nuhua ɛya bahola aha apenle bulu agua ɛbɔ nu; na bɛbahu bɛ kpɔvolɛma amuala.

Sɛlɛ 26:8 ပူးပေါင်းရင်းမြစ်များ

1 Edk 11:11

Mɔɔ lumua Devidi safohyenlema ne anu la a le Gyahyɔbɛyam. Ɔvi Hakemo abusua nu. Yemɔ a ɔli “Nsa Ne” ati a. Ɔvale atwɛ ɔ nee menli ɛya nsa honle na ɔhunle bɛ kɔsɔɔti.

1 Edk 11:20

Dwowabe adiema Abehyae a li Katakyiema “Abulasa Ne” ati a. Ɔvale atwɛ ɔhunle menli ɛya nsa, na ɔliele duma.

Ɛseta Buluku ne 9:16

Dwuuma mɔɔ wɔ belemgbunli ne maanzinli ne mɔ anu la bɛdabɛ bɛlile ahua na bɛhonle bɛliele bɛ nwo bɛvile bɛ kpɔvolɛma asa anu. Bɛhunle menli mɔɔ kpɔ bɛ la anu apenle ngoko abulasuu nee nnu, noko bɛanva bɛ sa bɛanga awie biala debie.

Sɛlɛ 26:7

Bɛbavoa bɛ kpɔvolɛma na bɛahu bɛ muala.

Zɛkalaya Buluku ne 12:8

Mekɛ ne anu mebawowa Gyɛlusalɛmma, amaa mɔɔ anwo ɛngyinla ye fee bɔbɔ wɔ bɛ avinli la anwo ayɛ se kɛ Devidi. Devidi abo zo amra bayɛ kɛ Nyamenle; bɛbayɛ kɛ Ɛdɛnkɛma soanvolɛ bɛali menli ne ati.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:4

Bɛye menli apenle ko bɛvi abusua ekpunli biala anu.”

Mɛla 28:7

“Ɛdɛnkɛma bamaa bɛali kpɔvolɛma mɔɔ kɛdwazo bɛ nwo zo la anwo zo konim. Bɛ kpɔvolɛma bava bɛ nyunlu ara na bɛava bɛ nzi bɛahɔ.

Mɛla 32:30

Kɛ ɔkɛyɛ na baholɛ avoa apenle, na menli nwiɔ aha apenle bulu agua ɛbɔ nu ɛ? Kyesɛ Ɛdɛnkɛma bɛ Bodane ne ɛdɔne bɛ ɛmaa, na Ɛdɛnkɛma ɛye bɛ ɛmaa.

Dwɔhyua Buluku ne 23:10

Bɛmɛ, bɛ nuhua ko biala kola maa menli apenle gua ndwɛlɛ aze, ɔboalekɛ Ɛdɛnkɛma bɛ Nyamenle ne a ɛlɛko amaa bɛ a, kɛmɔ ye ɛwɔkɛ ne se la.

Maanlebuvolɛma Buluku ne 15:15

Na ɔ nye bɔle asoaso awudwelɛ bowule amolɛ zo, na ɔvale ɔhunle menli apenle.