Sɛlɛ 26:6 - BAEBOLO ANZƐƐ BULUKU NWUANZANWUANZA

⁶ “Mebamaa bɛ nzo nu adwo bɛ wɔ azɛlɛ ne azo, na bɛalie bɛ ɛnwomenle, yɛɛ awie biala ɛnrɛha bɛ ɛzulolɛ. Mebaye nane mɔɔ ɛnle kpalɛ la amuala wɔ azɛlɛ ne azo yɛɛ konle ɛnrɛzi maanle ne anu.

Sɛlɛ 26:6 ပူးပေါင်းရင်းမြစ်များ

2 Arl 2:24

Yilaehya hakyile ɔ nwo nleanle bɛ na ɔvale Ɛdɛnkɛma ɔwale bɛ amonle; na ɛkɛ ne ala bɛdi mbelɛ nwiɔ vi kpɔkɛ ne anu vindele ratetele bɛ nuhua abulanla nee nwiɔ anu.

1 Edk 22:9

Na ɔbɔle me ɛwɔkɛ kɛ, ‘Ɛbawo ralɛ nrenya mɔɔ bali ye ebia ne anzonudwolɛ nu a, ɔluakɛ mebamaa ɔ nwo adɔ ye wɔ ye agbɔvolɛ mɔɔ ɛbɔ ɛyia ye la kɔsɔɔti asa anu. Bɛbavɛlɛ ye Sɔlɔmɔn, na ye mekɛ zo, mebamaa Yizilayɛma kɔsɔɔti anzo nu adwo bɛ na bɛ nwo adɔ bɛ.

2 Edk 20:30

Yemɔti Belemgbunli Gyɛhɔhyafate akee ziele maanle ne anzonudwolɛ nu, ɔluakɛ Nyamenle bɔle ɔ nwo bane.

Dwobu Buluku ne 11:19

Ɛbala koonwu, yɛɛ awie biala ɛnrɛha wɔ ɛzulolɛ; na menli dɔɔnwo babiza wɔ moalɛ.

Dwobu Buluku ne 5:23

Ɔluakɛ ɛ nee ɛbɔ nu awolɛ mgbole bali ngitanwo, na aleɛabo nanemgbole nee wɔ adɛnla anzonudwolɛ nu.

Edwɛndolɛ Buluku ne 144:14

Maa yɛ nlankɛ ɛnrenzɛnrenzɛ; mmamaa bɛ ko kpɔne yɛɛ mmamaa bɛdi abawuo. Mmamaa yɛte nyane ɛzunlɛ biala wɔ yɛ kpalɛ ne mɔ azo.

Edwɛndolɛ Buluku ne 147:14

Ɔmaa anzonudwolɛ ba bɛ ɛweɛne ne mɔ azo; ɔmaa bɛnyia aleɛ bɛ kunlu dwo bɛ nwo.

Edwɛndolɛ Buluku ne 29:11

Ɛdɛnkɛma ɛmaa ye menli ne anwosesebɛ, na ɔva anzonudwolɛ ɔyila ye menli ne.

Edwɛndolɛ Buluku ne 3:5

Meda medafe na eza metunwue, ɔluakɛ Ɛdɛnkɛma a lɛ me a.

Edwɛndolɛ Buluku ne 4:8

Akee mebala mealafe anzonudwolɛ nu, ɔluakɛ, wɔmɔ Ɛdɛnkɛma ala, yɛɛ ɛsinza me a.

Edwɛndolɛ Buluku ne 85:8

Maa mendie mɔɔ Ɛdɛnkɛma Nyamenle ne baha la, ɔluakɛ ɔbaha anzonudwolɛ edwɛkɛ yeahile ye menli ne, ɔdaye ye menli ne mɔɔ ɛva bɛ ahonle ɛmaa ye la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:29

Menrɛva ɛvolɛ ko ala menrɛdu bɛ, anrɛɛ azɛlɛ ne kɛla ɛkɛ ne mgbane kɛmaa nanemgbole kɛzo zolɛ kɛgyegye bɛ.

Mrɛlɛbulɛ Buluku ne 3:24

Saa ɛtɛnla aze a, ɛnrɛzulo, yɛɛ saa ɛda a, wɔ nafelɛ bayɛ wɔ fɛ.

Mrɛlɛbulɛ Buluku ne 6:22

Bɛbali ɛ nyunlu wɔ wɔ ɛhɔlɛ nu, ɛda a bɛbazinza wɔ, yɛɛ ɛdwazo a bɛbadendɛ bɛahile wɔ,

Ayezaya Buluku ne 35:8

Bɛbakpakye ademgbole bɛado ɛkɛ, bɛbavɛlɛ ye “Nwuanzanwuanza Adenle.” Sonla mɔɔ anwo ɛnde la ɛnrɛva zolɛ, yɛɛ ahoasea ɛnrɛhola menli mɔɔ fa ɛkɛ la koasea yɛ.

Ayezaya Buluku ne 35:9

Awenade ɛnrɛhɔ ɛkɛ, yɛɛ nane biala mɔɔ di nane la ɛnrɛhɔ ɛkɛ. Awie ɛnrɛnwu bie bɔbɔ wɔ ɛkɛ, na bɛdabɛ mɔɔ bɛlie bɛ ngoane la baze ɛkɛ.

Ayezaya Buluku ne 45:7

Medame a mebɔ wienyi nee awozinli a, medame a memaa sonla kpazi na memaa munzule to ye a, medame a mele Ɛdɛnkɛma mɔɔ yɛ ninyɛne ɛhye mɔ kɔsɔɔti a.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Gyɛlɛmaya Buluku ne 30:10

“O me sonvolɛ Gyekɔbo abo zo amra, bɛmmasulo, O Yizilayɛma, bɛmmamaa bɛ ahonle tu; bɛnlea, mebalie bɛ meavi moa moa lɔ, mebalie bɛ bo zo amra meavi maanle ne mɔɔ bɛyɛ ahanra wɔ nu la anu. Yizilayɛma bazia ara sua nu, bɛ nwo badɔ bɛ, bɛ nzo nu adwo bɛ, na awie biala ɛnrɛha bɛ ɛzulolɛ.

Gyɛlɛmaya Buluku ne 31:26

Ɔdwule ɛke la, mendunwuele na membukele me nye, na me nye liele me nafelɛ ne anwo.

Yizikeɛle Buluku ne 14:15

“Saa memaa nanemgbole ba azɛlɛ ne azo kɛ bɛzɛkye debie biala, memaa azɛlɛ ne tɔ mgbane, mɔɔ nanemgbole ne mɔ ati sonla biala ɛngola ɛngɔ zolɛ la a,

Yizikeɛle Buluku ne 14:17

“Anzɛɛ saa metwe konle mebato maanle zɔhane anu, na memaa adenle kɛ bɛhu menli nee nyɛmoa mɔɔ wɔ nu la amuala a,

Yizikeɛle Buluku ne 14:21

Awulae Nyamenle ne se, “Na saa akee mefa me ndeanlɛ fane nna ɛhye mɔ: konle, ɛhɔne, nanemgbole mɔɔ di menli, yɛɛ ewulenzane megua Gyɛlusalɛmma anwo zo, kɛ mefa meaminli menli nee nyɛmoa abo zo ɛ!

Yizikeɛle Buluku ne 34:25

Me nee bɛ bayɛ anzonudwolɛ ngyekyeleɛ na meavoa nanemgbole ne mɔ meavi azɛlɛ ne azo, amaa bɛadɛnla fienemgbole ne anu anwondɔlɛ nu na bɛala kpɔkɛ nu mbaka ne mɔ abo bɛalafe.

Yizikeɛle Buluku ne 34:27

Ɛbɔ nu mbaka bazo ma amaa bɛ, na azɛlɛ ne amaa bɛ aleɛ ahye, na bɛ nwo adɔ bɛ wɔ bɛ maanle ne anu. Saa meye bɛ kɔme kpomgbolo, na medie bɛ mefi menli mɔɔ ɛva bɛ ɛyɛ bɛ ahanra la asa anu a, bɛbanwu kɛ medame a mele Ɛdɛnkɛma a.

Yizikeɛle Buluku ne 5:17

Mebamaa ɛhɔne nee nanemgbole arahu bɛ mra, na meamaa ewulenzane, konle nee kpolera adɔ bɛ avinli ahu bɛ. Medame, Ɛdɛnkɛma a mese a!”

Hozia Buluku ne 2:18

Kenle zɔhane me nee ɛbɔ nu nanemgbole, anwomanyunlu nloma, yɛɛ debie biala mɔɔ twenle ɔ kɛnra aze la bayɛ ngyekyeleɛ; mebaye ɛda, konle dadeɛ nee konle meavi azɛlɛ ne azo, na me menli ne adɛnla bɛ nwo adɔ bɛ.

Hozia Buluku ne 2:20

Mebava wɔ meayɛ me ye nɔhalɛ nu, na ɛbanwu kɛ mele Ɛdɛnkɛma.

Sɛlɛ 25:18

“Zɔhane ati bɛli me mɛla ne mɔ azo; bɛzie me ngyehyɛlɛ ne mɔ na bɛyɛ, amaa bɛ nwo adɔ bɛ wɔ azɛlɛ ne azo

Sɛlɛ 25:19

Azɛlɛ ne bamaa bɛ nzoleɛ dɔɔnwo, bɛbali bɛ ko ayi, na bɛ nwo adɔ bɛ.

Sɛlɛ 26:22

Mebatulu nanemgbole anwo ɛzulolɛ wɔ bɛ avinli, meamaa bɛahu bɛ mra, bɛazɛkye bɛ nlankɛ, amaa bɛ nwo ayɛ ekyi na bɛ ndenle ne mɔ azo adɔ mgbane.

Sɛlɛ 26:25

Mebamaa ɛlɔnema ara bɛ nwo zo na bɛahu bɛ bɛadua me ngyekyeleɛ ne mɔɔ bɛtulu ye la abo zo. Saa bɛnriandi bɛkɔfea bɛ azuamgbole zo a, mebava ewule meado bɛ nwo, meamaa bɛ kpɔvolɛma asa aha bɛ.

Sɛlɛ 26:7

Bɛbavoa bɛ kpɔvolɛma na bɛahu bɛ muala.

Maeka Buluku ne 4:4

Awie biala badɛnla ye vanye egyinli nu, yɛɛ ye feege mbaka bo anzonudwolɛ nu; awie ɛnrɛha bɛ ɛzulolɛ, ɔluakɛ Tumivolɛ Ɛdɛnkɛma a ɛdendɛ a.

Zɛfanaya Buluku ne 3:13

Yizilayɛma mɔɔ ɛha la ɛnrɛyɛ ɛtane; bɛnrɛbɔ adalɛ bɛnrɛbɛlɛbɛla awie mɔ, ɔluakɛ bɛbadidi na bɛala koonwu, awie ɛnrɛnwunlonwunla bɛ.”

Hagae Buluku ne 2:9

Amozi sua ɛdeɛ ne bayɛ kɛnlɛma kpole kpalɛ adɛla alumua ɛdeɛ ne, na ɛke yɛɛ mebamaa me menli ne akpazi a, medame Ɛdɛnkɛma a mese a.”

Zɛkalaya Buluku ne 9:10

Ɛdɛnkɛma se, “Mebabubu Yifelaem konle ehwili ne mɔ na meaye bɛ konle mgbɔnwɔ ne mɔ wɔ Gyɛlusalɛm. Mebabubu bɛ konle ɛda ne mɔ anu, na ɔbamaa anzonudwolɛ aha maanle maanle ne mɔ. Ye belemgbunlililɛ badwu ɛnwea ɛnwea, ɔvi Azule Yufileti ne anloa yeahɔdwu ewiade awieleɛ.”

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Ɛzoanvolɛma Gyima ne 12:6

Nɔe ne mɔɔ ɛnee aleɛ kye a Hɛlɔdo kɛye Pita kɛmaa menli ne la, ɛnee Pita la sogyama nwiɔ mɔɔ ɛlɛsinza ye la avinli, na bɛva nwɔnzɔnwɔnzɔ nwiɔ bɛgua ye, na bɛva bɛsosɔ sogyama nwiɔ ne, yɛɛ eza sogyama bie mɔ noko gyigyi anlenkɛ ne anloa ɛlɛsinza.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.