Sɛlɛ 26:5 - BAEBOLO ANZƐƐ BULUKU NWUANZANWUANZA

⁵ Bɛ bɛyɔba bara dɔɔnwo, yeahɔdwu vanye ma ɛdelɛ, na bɛade vanye ma toonwo yeahɔdwu mekɛ mɔɔ bɛfa bɛdua aleɛ la. Bɛbanyia aleɛ bɛali bɛ ko ayi, na bɛ nwo ayɛ twetwe wɔ bɛ azɛlɛ ne azo.

Sɛlɛ 26:5 ပူးပေါင်းရင်းမြစ်များ

Edwɛndolɛ Buluku ne 144:13

Maa yɛ bonwolo ne mɔ ɛyi, mɔɔ aleɛ ngakyile kɔsɔɔti wɔ ɛkɛ; maa yɛ mboane ɛda, bɛyɛ apenle apenle nee apenle bulu bulu wɔ yɛ ɛya nu.

Edwɛndolɛ Buluku ne 90:1

O Ɛdɛnkɛma, wɔmɔ a wɔyɛ yɛ ɛvealeka wɔ awolɛndoazo kɔsɔɔti anu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:8

Na Mosisi hanle kɛ, “Nɔsolɛ nu Ɛdɛnkɛma bamaa bɛ nane bɛali na nwonlomɔ nu yeamaa bɛ kpanwo bɛali bɛ ko ayi, ɔboalekɛ Ɛdɛnkɛma ɛde bɛ ɛdendɛlɛ mɔɔ bɛtendɛ bɛtia ye la, na yɛmɛ, yɛle duzu? Tɛ yɛmɛ yɛɛ bɛtendɛ bɛatia yɛ a, bɛtendɛ bɛtia Ɛdɛnkɛma.”

Mrɛlɛbulɛ Buluku ne 1:33

na mɔɔ tie me ne la badɛnla anzonudwolɛ nu, ɔ nwo adɔ ye, mɔɔ ɔnrɛzulo munzule biala a.”

Mrɛlɛbulɛ Buluku ne 18:10

Ɛdɛnkɛma duma ne le aranemgbole; sonla mɔɔ le tenlene la nriandi kɔfea nu a, ɔ nwo kɔlɔnwo.

Ayezaya Buluku ne 1:19

Saa bɛkponle zo, bɛyɛ tieyɛ a, bɛbali debie kpalɛ biala mɔɔ wɔ azɛlɛ ne azo la bie.

Ayezaya Buluku ne 30:23

Akee Ɛdɛnkɛma bamaa ezule adɔ agua bɛ ma mɔɔ bɛlua la azo na bɛ bɛyɔba azo dɔɔnwo. Mekɛ ne anu bɛ nlankɛ bahɔ adidileka mɔɔ le mgbole la anu ahɔdidi.

Gyɛlɛmaya Buluku ne 23:6

Wɔ ye mekɛ zo, Dwudama banyia bɛ ti na Yizilayɛma anwo adɔ bɛ. Duma mɔɔ bɛbava bɛavɛlɛ ye la a le, ‘Ɛdɛnkɛma le tenlenenli.’

Hozia Buluku ne 2:18

Kenle zɔhane me nee ɛbɔ nu nanemgbole, anwomanyunlu nloma, yɛɛ debie biala mɔɔ twenle ɔ kɛnra aze la bayɛ ngyekyeleɛ; mebaye ɛda, konle dadeɛ nee konle meavi azɛlɛ ne azo, na me menli ne adɛnla bɛ nwo adɔ bɛ.

Hozia Buluku ne 2:20

Mebava wɔ meayɛ me ye nɔhalɛ nu, na ɛbanwu kɛ mele Ɛdɛnkɛma.

Dwowɛle Buluku ne 2:19

Ɛdɛnkɛma buale ye menli ne kɛ, “Bɛnlea, melɛbɛlɛ bɛ ma, nwanye, nee nwole, na bɛ nwo badɔ bɛ; menrɛmaa maanle maanle ɛnrɛgolo bɛ nwo bieko.

Dwowɛle Buluku ne 2:22

Bɛmmasulo, bɛmɛ ɛbɔ nu nanemgbole, ɔluakɛ fienemgbole nu adidileka ne mɔ ɛbua; mbaka ne mɔ so ma, feege baka nee vanye ɛzo dɔɔnwo.

Dwowɛle Buluku ne 2:26

Bɛbanyia aleɛ dɔɔnwo bɛali, bɛ ko ayi, na bɛaye Ɛdɛnkɛma bɛ Nyamenle ne ayɛlɛ, yemɔ a yeyɛ ninyɛne mgbole yemaa bɛ a. Me menli ne anyunlu ɛnrɛgua aze bieko.

Emɔzo Buluku ne 9:13

“Bɛnlea, mekɛ ne ɛlɛba, ” Ɛdɛnkɛma a se a, “abɛlɛ bavievia mralɛ dɔɔnwo abo menli mɔɔ bu la anwo zo, yɛɛ vanye ma bazo abo nwanyeyɛlɛ zo. Nwanye fɛlɛko bazonyi avi awoka ne mɔ azo, na yeaze awoka ngyikyi ne mɔ azo.

Edwɛkpa ne kɛmɔ Mateyu hɛlɛle la 23:37

“Gyɛlusalɛm, O Gyɛlusalɛm! Mɔɔ ɛku Nyamenle kpɔmanvolɛma, ɛsi menli mɔɔ Nyamenle ɛzoa bɛ wɔ ɛ nwo la awolɛ a! Fane dɔɔnwo yɛɛ mehulo kɛ anrɛɛ menwɔva me sa menwɔbɛla wɔ menli ne amuala kɛ akɔlɛ ɛdane butu ɔ mra anwo zo la, noko wɔammaa me adenle.

Ɛzoanvolɛma Gyima ne 14:17

Noko dahuu ɔdua ye ninyɛne kpalɛ mɔɔ ɔyɛ la azo ɔkile ɔ nwo ɔkile bɛ: ɔmaa bɛ ezule, yɛɛ ɛbuhenle ne dwu a ɔmaa bɛ aleɛ na ɔmaa bɛ nye die.”

Mɛla 11:15

Ɔbamaa bɛ ndile mɔɔ bɛ nlankɛ bali a, na bɛanyia aleɛ bɛali bɛ ko ayi.

1 Tem 6:17

Tendɛ kile bɛdabɛ mɔɔ bɛlɛ ngoane ɛhye anu anwonyia la kɛ bɛmmamemaa bɛ nwo zo, yɛɛ bɛmmafa bɛ nye bɛto ninyɛne mɔɔ pɛ nu se kɛ anwonyia la azo, bɛmaa bɛ nye ɛla Nyamenle mɔɔ maa yɛ debie biala molozo mɔɔ yɛfa yɛdie yɛ nye la anwo zo.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.