Sɛlɛ 26:44 - BAEBOLO ANZƐƐ BULUKU NWUANZANWUANZA

⁴⁴ Noko akee ɛhye mɔ ati, saa bɛwɔ bɛ kpɔvolɛma maanle nu a, menrɛbu me nye menrɛgua bɛ nwo zo, yɛɛ menrɛhyi bɛ menrɛmaa bɛnrɛzɛkye bɛ bɔkɔɔ, eza menrɛtulu me ngyekyeleɛ ne mɔɔ me nee bɛ kyekyele la. Ɔluakɛ medame a mele Ɛdɛnkɛma bɛ Nyamenle ne a.

Sɛlɛ 26:44 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:7

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

2 Arl 13:23

Na Ɛdɛnkɛma nwunle bɛ anwunvɔne. Yeammaa adenle yeammaa bɛanzɛkye Yizilayɛma. Ɔboale bɛ, ɔboalekɛ ɔ nee Ebileham, Ayezeke nee Gyɛkɔbo lɛ ngyekyeleɛ. Yemɔti ɔ rɛle ɛtɛfile ye menli ne.

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Nihɛmaya Buluku ne 9:31

Noko, kɛmɔ wɔ anwunvɔnezelɛ ne le kpole la ati, wɔamkpo bɛ yɛɛ wɔanzɛkye bɛ. Ɛle ɛlolɛ nee anwunvɔnezelɛ Nyamenle.

Edwɛndolɛ Buluku ne 103:13

Kɛ selɛ si nwu ɔ mra anwunvɔne la, zɔhane ala yɛɛ Ɛdɛnkɛma nwu bɛdabɛ mɔɔ bɛsulo ye la anwunvɔne a.

Edwɛndolɛ Buluku ne 89:33

Noko menrɛye me ɛhulolɛ kpundii ne ɔ nwo zo, yɛɛ mebali nɔhalɛ meamaa ye dahuu.

Edwɛndolɛ Buluku ne 94:14

Ɔluakɛ Ɛdɛnkɛma arɛle ɛnrɛvi ye menli; ɔnrɛkpo menli ne mɔɔ le ɔdaye ye ɛdeɛ la;

Gyɛlɛmaya Buluku ne 14:21

Ɔlua wɔ duma ne ati, mmakpo yɛ; mmasɛkye wɔ anyunlunyia belemgbunli ebia ne duma; kakye yɛ na mmatulu wɔ ngyekyeleɛ ne mɔɔ ɛ nee yɛ kyekyele la.

Gyɛlɛmaya Buluku ne 24:5

“Mebava Dwudama mɔɔ memaa bɛhye bɛ bɛhɔ nlɔnu wɔ Babelonia la meado feege kpalɛ ne mɔ anwo. Medame Ɛdɛnkɛma, Yizilayɛ Nyamenle a mese a.

Gyɛlɛmaya Buluku ne 30:11

Ɔluakɛ me nee bɛ lua kɛ medie bɛ ngoane; mebazɛkye maanle maanle mɔɔ memkpondenle bɛ zo la kɔsɔɔti, na bɛmɛ, menrɛbɔ bɛ bo zo; bɛnrɛva bɛ nwo dwɔɔ ɛdeɛ, noko mebazuzu meadea bɛ. Medame Ɛdɛnkɛma a mese a.”

Gyɛlɛmaya Buluku ne 31:20

“Yizilayɛ, ɛle me ra nrenya mɔɔ mekulo wɔ, ɛle ralɛ nrenya mɔɔ ɛla me ahonle nwo. Mekɛ biala mɔɔ menwɔva ɛ nwo ɛya la, ɛnee ɛ nwo adwenle gyi me adwenle nu. Yemɔti me nwo dɔ wɔ; nɔhalɛ, mebanwu wɔ anwunvɔne. Medame Ɛdɛnkɛma a mese a.

Gyɛlɛmaya Buluku ne 33:26

ɛnee mebakpo Gyekɔbo nee me sonvolɛ Devidi abo zo amra ne mɔ, yɛɛ menrɛmaa Devidi abo zo sonla ɛnrɛzie Ebileham, Ayezeke, yɛɛ Gyekɔbo abo zo amra. Ɔluakɛ mebaze bɛ anwunvɔne na meamaa bɛakpazi.”

Yizikeɛle Buluku ne 16:60

Noko akee mebahakye ngyekyeleɛ ne mɔɔ wɔ ngakula nu me nee wɔ kyekyele la, na me nee wɔ ayɛ ngyekyeleɛ mɔɔ ɛntulu ɛlɛ a.

Sɛlɛ 26:11

Me nee bɛ badɛnla yɛɛ menrɛkpo bɛ ɛlɛ.

Wulo 11:2

Nyamenle ɛtɛkpole ye menli ne mɔɔ mɔlebɛbo ne amuala ɔkpale nu ɔyele bɛ la. Se bɛze Nyamenle Edwɛkɛ ne ɛleka mɔɔ kile kɛ ɛnee Yelaegya ɛlɛsɛlɛ Nyamenle atia Yizilayɛma la?

Wulo 11:26

Na ɛhye bamaa Yizilayɛma amuala anyia ngoane, kɛmɔ Nyamenle Edwɛkɛ ne se la. Ɔse, “Ngoanedievolɛ ne vi Zayɔn bara, na yearaye amumuyɛ muala yeavi Gyekɔbo nlɔnra ne mɔ anu.

Maanlebuvolɛma Buluku ne 2:1

Ɛdɛnkɛma soanvolɛ vi Gelegale hɔle Bokem. Ɔzele bɛ kɛ, “Menyele bɛ menvile Yigyibiti azɛlɛ zo, me nee bɛ rale azɛlɛ ne mɔɔ menvale membɔle bɛ mgbanyima ɛwɔkɛ la azo. Menganle kɛ, ‘Menrɛtulu ngyekyeleɛ ne mɔɔ me nee bɛ kyekyele la ɛlɛ,