Sɛlɛ 26:41 - BAEBOLO ANZƐƐ BULUKU NWUANZANWUANZA

⁴¹ mɔɔ yemɔti medame memkpole bɛ na menvale bɛ mengɔle bɛ kpɔvolɛma maanle nu la bɛto gua, na saa akee bɛbɛlɛ bɛ ahonle ne mɔ mɔɔ ɛsolo la aze, na bɛsia bɛ nzi bɛfi bɛ amumuyɛ ne mɔ anwo a,

Sɛlɛ 26:41 ပူးပေါင်းရင်းမြစ်များ

1 Arl 21:29

“Wɔnwu kɛ Ehabe ɛzi ɛdo ɔ nwo aze bɛtɛɛ ɛmaa me la ɔ? Kɛmɔ yevu ɔ nwo la, me nee ye ɛnrɛli kɛkala wɔ ye mekɛ zo; kenle bie, wɔ ɔ ra ne mekɛ zo yɛɛ mebabɔ ye awuke ne a.”

2 Edk 12:12

Kɛmɔ ɔnlunle ɔ nwo la ati, Ɛdɛnkɛma yele ye ɛya kpole ne ɔ nwo zo, yeangu ye, na eza Dwuda maanle ne anu yɛle kpalɛ.

2 Edk 32:26

Na Hɛzikaya lunle ɔ nwo wɔ ye adubɛnwo ne anwo. Zɔhane ala yɛɛ menli mɔɔ wɔ Gyɛlusalɛm la amuala yɛle a. Yemɔti Ɛdɛnkɛma ɛya ne annyia amba bɛ nwo zo wɔ Hɛzikaya mekɛ zo toonwo ɔhɔle ayile nu.

2 Edk 33:19

Akee belemgbunli ne nzɛlɛlɛ nee kɛ Nyamenle zile diele ye, ye ɛtane ne mɔ mɔɔ ɔyɛle nee ye anzosesebɛ, mɔɔ ɔluale zo ɔsisile ɛleka ne mɔ mɔɔ bɛsonle, nee bozonle raalɛ Ahyela ne ananze mɔɔ ɔyɛle kolaa na nzinlii yeanlu ɔ nwo la, bɛhɛlɛ bɛ kɔsɔɔti wɔ Nyamenle Kpɔmanvolɛma Tetedwɛkɛ Buluku ne anu.

2 Edk 33:23

Yeannu ɔ nwo wɔ Ɛdɛnkɛma anyunlu, kɛmɔ ɔ ze Manasɛ yɛle la. Emɔn yɛle ɛtane molozo.

Ɛzela Buluku ne 9:13

Ndeanlɛ biala mɔɔ wɔva wɔdea yɛ nee debie biala mɔɔ ɛzi yɛ nwo zo wɔ yɛ ɛtane nee yɛ amumuyɛ ne mɔ ati la le ekyi, ɛhye ati yɛɛ kɛkala yɛdayɛ mɔɔ yɛha la yɛtɛte aze a.

Ɛzela Buluku ne 9:15

O Ɛdɛnkɛma, Yizilayɛ Nyamenle, wɔmɔ ɛdi pɛlepɛle, noko wɔnwu yɛ anwunvɔne wɔva yɛ ɛtane ne mɔ wɔhyɛ yɛ wɔmaa yɛdayɛ ekyi mɔɔ yɛha la yɛtɛte ngoane nu. Yɛka yɛto gua kɛ yɛdi fɔlɛ na yɛnfɛta ɛ nyunlu.”

Nihɛmaya Buluku ne 9:33

Ɛdi benle kɛ wɔhwe yɛ nzo a; yɛyɛ ɛtane bɔbɔ ɛdeɛ, noko wɔli nɔhalɛ.

Edwɛndolɛ Buluku ne 39:9

Medɔ mumule, membuke me nloa, ɔluakɛ ɛdawɔ yɛɛ wɔyɛ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Gyɛlɛmaya Buluku ne 4:4

Bɛmɛ Dwudama nee Gyɛlusalɛmma, bɛdu bɛ nwo bɛmaa medame Ɛdɛnkɛma, na bɛde bɛ ahonle nu, anrɛɛ bɛ ninyɛmunli ne mɔ mɔɔ bɛyɛ la ati, me ɛya ne bazɔ kɛ senle, na awie biala ɛnrɛhola ye nua.”

Gyɛlɛmaya Buluku ne 6:10

Membuale kɛ, “Saa meka edwɛkɛ ɛhye mefa mebɔ kɔkɔ a, nwane bɔbɔ a kɛdie me a? Bɛduodua bɛ nzo; ɛka edwɛkɛ a bɛndie. Ɛdɛnkɛma, ɛ nloa edwɛkɛ bɔbɔ yɛ bɛ ɛzelekɛ. Bɛ nye ɛnlie ɛ nloa edwɛkɛ ne anwo fee.

Yizikeɛle Buluku ne 14:23

Saa ɛnwu bɛ nyɛleɛ nee bɛ ndenle mɔɔ bɛlua nu la a, mɔɔ mebayɛ la bakyekye ɛ rɛle; na bɛbanwu kɛ mɔɔ meyɛ la meanyɛ ye mgbane. Medame Awulae Nyamenle a mese a.”

Yizikeɛle Buluku ne 20:43

Bɛbahakye bɛ ndenle mɔɔ bɛluale nu nee nyɛleɛ ɛtane ɛtane mɔɔ bɛyɛle bɛvale bɛzɛkyele bɛ nwo la, na bɛavu bɛ nwo wɔ bɛ ninyɛndane mɔɔ bɛyɛle la amuala anwo.

Yizikeɛle Buluku ne 44:7

Bɛgyakyi kɛ bɛkɛmaa nyɛvolɛ mɔɔ ɛsolo na bɛnze Nyamenle la kɛwolo me Ɛleka Nwuanzanwuanza ne bɛkɛhɔgua ɛkɛ ne evinli wɔ mekɛ mɔɔ bɛfa me aleɛ, nane ɛnlome nee mogya ne bɛarɛlɛ me la. Bɛyɛ ɛhye bɛtulu me ngyekyeleɛ ne bɛboka bɛ ninyɛndane bebelebe ne mɔ mɔɔ bɛyɛ la anwo.

Yizikeɛle Buluku ne 44:9

“Yemɔti medame Awulae Nyamenle, mese: Ɛyɛvolɛ biala mɔɔ ɛnze Nyamenle na yesolo, ɛyɛvolɛ biala mɔɔ wɔ Yizilayɛ maanle ne anu la, ɛnle kɛ kɔ me Ɛleka Nwuanzanwuanza ne.”

Yizikeɛle Buluku ne 6:9

bɛdabɛ mɔɔ bɛvi ɛsalɛ la ahakye me wɔ maanle maanle zɔhane mɔ mɔɔ hyele bɛ nuokɛ hɔle la avinli. Mebaha bɛ ahonle ɛtane ne mɔ mɔɔ manle bɛdele me nwo atua la aze na meazi bɛ nye ne mɔ mɔɔ bɛfa bɛkpondɛ awozonle bɛsonle bɛ la; na bɛ nwo bayɛ nyiane kpole wɔ bɛ ngome bɛ nye zo wɔ amumuyɛ nee bɛkyi ninyɛne ne mɔ mɔɔ bɛyɛ la ati.

Sɛlɛ 26:24

medame noko mebakpo bɛ, na medame mumua ne meadea bɛ fane nsuu wɔ bɛ ɛtane ne mɔ ati.

Sɛlɛ 26:28

akee mebava ɛya kpole kpalɛ meakpo bɛ, na medame mumua ne meadea bɛ ndeanlɛ fane nsuu wɔ bɛ ɛtane ne mɔ ati.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:7

ɔwɔ kɛ sonla zɔhane ka ye ɛtane ne mɔɔ yeyɛ la, na ɔsie ɔ bo zo, na eza ɔfa deɛ ne mɔɔ ɔzɛkyele ye la ngyɛnu nnu ɛkpɔ ko ɔboka nwolɛ ɔfa ɔmaa ahenle mɔɔ ɔvonle ye la.

Edwɛkpa ne kɛmɔ Mateyu hɛlɛle la 23:12

Awie biala mɔɔ kɛmemaa ɔ nwo zo la, bɛkɛha ye aze, na mɔɔ kɛha ɔ nwo aze la, bɛkɛmaa ye zo.

Edwɛkpa ne kɛmɔ Luku hɛlɛle la 14:11

Ɔluakɛ mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 18:14

Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Ɛzoanvolɛma Gyima ne 7:51

Sitivin hɔle zolɛ zele bɛ kɛ, “Bɛdabɛ, bɛ nzo yɛ se kpalɛ! Bɛnlie Nyamenle bɛnli fee; bɛkpɔla bɛ nzo anzi wɔ Nyamenle edwɛkɛ ne anwo! Bɛva bɛ nlenya mɔ agyakɛ, dahuu bɛko bɛtia Sunsum Nwuanzanwuanza ne!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Mɛla 10:16

Zɔhane ati, bɛmmayɛ anzosesebɛ bieko na bɛmaa bɛ ahonle nu ɛde.

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

Mɛla 31:21

Na saa edwɛkɛ to bɛ na munzule si bɛ nwo zo a, edwɛne ɛhye bara bɛ ti anu yeamaa bɛ ti anu aze bɛ, ɔboalekɛ bɛ bo zo amra bɔbɔ arɛle ɛnrɛvi edwɛne ɛhye. Bɛbahakye ye dahuu. Bɛtɛdwule azɛlɛ ne mɔɔ meva mebɔ bɛ ɛwɔkɛ la azo bɔbɔ, noko meze mɔɔ kɛkala angome bɛlɛdwenle debie mɔɔ bɛdwu a bɛbayɛ la anwo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Kɔlɔ 2:11

Bɛ nee Kelaese yɛle ko ala la yɛɛ bɛyɛle bɛ mrenyanu nzonlɛ a, tɛ nwonane nu, kɛmɔ menli yɛ la ɔ, ɛhye le Kelaese ɔdaye ye nzonlɛyɛlɛ mɔɔ ɔyɛ yɛ ɔfi nwonane ɛtane ɛhye mɔ tumi ne abo a.