Sɛlɛ 26:40 - BAEBOLO ANZƐƐ BULUKU NWUANZANWUANZA

⁴⁰ “Na saa bɛka bɛ amumuyɛ ne mɔ bɛto gua, bɛka bɛ ze mɔ amumuyɛ ne mɔ mɔɔ bɛ nye la nwo bɛyɛle bɛtiale me na bɛkpole me,

Sɛlɛ 26:40 ပူးပေါင်းရင်းမြစ်များ

1 Arl 8:47

na bɛnu bɛ nwo wɔ maanle zɔhane anu bɛse kɛ, ‘Ɛdɛnkɛma, yɛvo wɔ, yɛyɛ ninyɛne mɔɔ ɛnfɛta la yɛtia wɔ’ a, tie bɛ nzɛlɛlɛ.

1 Arl 8:48

Saa bɛnu bɛ nwo wɔ azɛlɛ ne mɔɔ bɛ kpɔvolɛma hyele bɛ donvula hɔle zo la azo na bɛyeye bɛ munli nu, bɛkakyi bɛ nye wɔ bɛ ze mɔ azɛlɛ ye, nee suakpole ɛhye mɔɔ wɔkpa nu wɔye, nee Ɛzonlenlɛ Sua ye mɔɔ mezi memaa wɔ la anwo bɛsɛlɛ wɔ a,

Ɛzela Buluku ne 10:11

Zɔhane ati bɛha bɛ ɛtane ne mɔ bɛhile Ɛdɛnkɛma, bɛ ze mɔ Nyamenle ne, na bɛyɛ mɔɔ ɔkpondɛ kɛ bɛyɛ la. Bɛhwe bɛ nwo bɛvi menli mɔɔ wɔ azɛlɛ ɛhye azo la anwo na bɛgyakyi bɛ nyɛvolɛ mraalɛ ne mɔ mɔɔ bɛgyigya bɛ la.”

Ɛzela Buluku ne 9:15

O Ɛdɛnkɛma, Yizilayɛ Nyamenle, wɔmɔ ɛdi pɛlepɛle, noko wɔnwu yɛ anwunvɔne wɔva yɛ ɛtane ne mɔ wɔhyɛ yɛ wɔmaa yɛdayɛ ekyi mɔɔ yɛha la yɛtɛte ngoane nu. Yɛka yɛto gua kɛ yɛdi fɔlɛ na yɛnfɛta ɛ nyunlu.”

Ɛzela Buluku ne 9:6

“O me Nyamenle, ɔyɛ me anyiemgba na ɔyɛ me nyiane bɔbɔ kɛ menwɔkpogya me nye zo menwɔnlea wɔ a, ɔluakɛ yɛ amumuyɛ ɛbɛla ne ɛbo zolɛ na yɛ ɛtane ne mɔ ɛdwu ɛ nyunlu.

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Gyɛlɛmaya Buluku ne 14:20

O Ɛdɛnkɛma, yɛnwu yɛ amumuyɛ mɔɔ yɛyɛ, nee egya mɔ ɛtane mɔɔ yɛle tiale wɔ la, ɔluakɛ yɛyɛ ɛtane yɛtia wɔ.

Gyɛlɛmaya Awolɛyelɛ 1:20

“O Ɛdɛnkɛma, nea me na melɛnwu amaneɛ, me ɛkɛla ɛminli me nwo, me ahonle mɔɔ la me kunlu la ɛlɛte, ɔboalekɛ mede ɛ nwo atua kpole kpalɛ. Menli ɛhunlɛ ɛlɛsɔ yɔɔ wɔ guabile zo, sua nu bɔbɔ, ewule ɛlie ebia.

Yizikeɛle Buluku ne 14:23

Saa ɛnwu bɛ nyɛleɛ nee bɛ ndenle mɔɔ bɛlua nu la a, mɔɔ mebayɛ la bakyekye ɛ rɛle; na bɛbanwu kɛ mɔɔ meyɛ la meanyɛ ye mgbane. Medame Awulae Nyamenle a mese a.”

Yizikeɛle Buluku ne 36:31

Na akee bɛbahakye bɛ ninyɛndane nee bɛ nyɛleɛ ɛtane ɛtane ne mɔ mɔɔ bɛyɛle la, na bɛavu bɛ nwo kɛ bɛyɛle amumuyɛ nee bɛkyi ninyɛne zɔhane mɔ a.

Hozia Buluku ne 5:15

“Mebahwe me nwo meavi menli ne anwo kɔkpula mekɛ mɔɔ bɛkɛnwu bɛ ɛtane mɔɔ bɛyɛ, na wɔ bɛ amaneɛnwunlɛ ne anu, bɛkɛkpondɛ me bo zo la.”

Sɛlɛ 26:21

“Saa bɛkɔ zolɛ na bɛandie me ne, na bɛkpo me a, mebamaa ewulenzane mɔɔ anu yɛ se tɛla bɛ ɛtane ne mɔ fane nsuu la adɔ bɛ nwo.

Sɛlɛ 26:24

medame noko mebakpo bɛ, na medame mumua ne meadea bɛ fane nsuu wɔ bɛ ɛtane ne mɔ ati.

Sɛlɛ 5:5

“Saa awie di fɔlɛ wɔ ɛhye mɔ biala anwo a, ɔwɔ kɛ ɔka ye ɛtane ne mɔɔ yeyɛ la wɔ bagua nu,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:7

ɔwɔ kɛ sonla zɔhane ka ye ɛtane ne mɔɔ yeyɛ la, na ɔsie ɔ bo zo, na eza ɔfa deɛ ne mɔɔ ɔzɛkyele ye la ngyɛnu nnu ɛkpɔ ko ɔboka nwolɛ ɔfa ɔmaa ahenle mɔɔ ɔvonle ye la.

Dwɔhyua Buluku ne 22:15

Bɛrale Wulubɛn, Gaade, yɛɛ Manasɛ Aduduleɛ mbusua ekpunli ne mɔ ɛkɛ wɔ Geleade maanzinli nu.

Dwɔhyua Buluku ne 7:19

Na Dwɔhyua zele ye kɛ, “Me ra nrenya, ka nɔhalɛ ne na fa anyunlunyia maa Ɛdɛnkɛma mɔɔ le Yizilayɛ Nyamenle ne, na ye ye ayɛlɛ; to mɔɔ wɔyɛ la kpaa nu. Ka mɔɔ wɔyɛ la kile me. Mmafa ɛfea me.”