Sɛlɛ 26:4 - BAEBOLO ANZƐƐ BULUKU NWUANZANWUANZA

⁴ yemɔ ɛlobɔ ne dwu a, mebamaa ezule adɔ na azɛlɛ ne aye aleɛ dɔɔnwo amaa bɛ, na kpɔkɛ nu mbaka amaa bɛ nzoleɛ.

Sɛlɛ 26:4 ပူးပေါင်းရင်းမြစ်များ

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

Dwobu Buluku ne 5:10

Ɔmaa ezule tɔ azɛlɛ ye azo na ɔgugua nzule wɔ ɛbɔ ne mɔ azo.

Edwɛndolɛ Buluku ne 104:13

Ɛtɔ ezule ɛfi ɛleka mɔɔ ɛde la ɛdoɔloa awoka ne mɔ; wɔ nyilalɛ ɛyi azɛlɛ ye tɛkɛɛ.

Edwɛndolɛ Buluku ne 67:6

Azɛlɛ ye ɛhye aleɛ dɔɔnwo ɛmaa yɛ, Nyamenle, yɛ Nyamenle ne, ɛyila yɛ.

Edwɛndolɛ Buluku ne 67:7

Nyamenle ɛyila yɛ; bɛmaa ewiade amuala ɛzulo ye!

Edwɛndolɛ Buluku ne 68:9

O Nyamenle, ɛmanle ezule dɔle dɔɔnwo wɔ ɛleka biala. na ɛmanle agyadeɛ mɔɔ ɛlɛsɛkye la yɛle boɛ.

Edwɛndolɛ Buluku ne 85:12

Ɛhɛe, Ɛdɛnkɛma bava mɔɔ le kpalɛ la amaa, na yɛ azɛlɛ ye bamaa yɛ aleɛ dɔɔnwo.

Edwɛndolɛ Buluku ne 85:13

Tenleneyɛlɛ bali Ɛdɛnkɛma anyunlu, na yeaziezie adenle ne yeamaa ye.

Ayezaya Buluku ne 30:23

Akee Ɛdɛnkɛma bamaa ezule adɔ agua bɛ ma mɔɔ bɛlua la azo na bɛ bɛyɔba azo dɔɔnwo. Mekɛ ne anu bɛ nlankɛ bahɔ adidileka mɔɔ le mgbole la anu ahɔdidi.

Ayezaya Buluku ne 5:6

Meto ye ɛkɛ ne mgbane, bɛnrɛbɔ nuhua ndile, yɛɛ bɛnrɛpepɛ vanye mbaka ne mɔ azo. Ndile nee mbowule bafifi ava ye. Eza menrɛmaa ezule ɛnrɛdɔ ɛnrɛgua zolɛ.”

Gyɛlɛmaya Buluku ne 14:22

Asoo maanle maanle ne mɔ nyamenle ne mɔ kola tɔ ezule? Asoo anwomanyunlu angome kola tɔ ezule? Tɛ wɔmɔ Ɛdɛnkɛma yɛ Nyamenle ne a tɔ ezule a? Yɛ anyelazo a le wɔ, ɔluakɛ ɛdawɔ a ɛyɛ ninyɛne ɛhye mɔ amuala a.

Yizikeɛle Buluku ne 36:30

Mebamaa bɛ mbaka azo dɔɔnwo na bɛ ɛya nu aleɛ ahye, amaa ɛhɔne angu bɛ angua bɛ nyunlu aze bieko wɔ maanle maanle ne mɔ anyunlu.

Dwowɛle Buluku ne 2:22

Bɛmmasulo, bɛmɛ ɛbɔ nu nanemgbole, ɔluakɛ fienemgbole nu adidileka ne mɔ ɛbua; mbaka ne mɔ so ma, feege baka nee vanye ɛzo dɔɔnwo.

Sɛlɛ 25:19

Azɛlɛ ne bamaa bɛ nzoleɛ dɔɔnwo, bɛbali bɛ ko ayi, na bɛ nwo adɔ bɛ.

Sɛlɛ 25:21

Medame, Ɛdɛnkɛma, mebamaa me nyilalɛ ara bɛ nwo zo wɔ ɛvolɛ ne mɔɔ tɔ zolɛ nsia ne la anu, amaa bɛanyia aleɛ mɔɔ sa bɛ di la dedee ɛvolɛ nsa.

Zɛkalaya Buluku ne 8:12

Bɛbalua bɛ aleɛ anzonudwolɛ nu; vanye mbaka bazo, na azɛlɛ ne amaa bɛ aleɛ ahye, yɛɛ ɛbɔlɛ badɔ amaa bɛ. Mebamaa menli ɛhye mɔ abo zo amra mɔɔ ɛha la anyia ninyɛne ɛhye mɔ amuala.

Edwɛkpa ne kɛmɔ Mateyu hɛlɛle la 5:45

amaa bɛayɛ bɛ Ze mɔɔ wɔ anwuma la amra. Ɔluakɛ yemɔ, ɔmaa ye ezule tɔ na ye ewia fi maa ɛtanevolɛma nee kpalɛyɛlɛma amuala.

Ɛzoanvolɛma Gyima ne 14:17

Noko dahuu ɔdua ye ninyɛne kpalɛ mɔɔ ɔyɛ la azo ɔkile ɔ nwo ɔkile bɛ: ɔmaa bɛ ezule, yɛɛ ɛbuhenle ne dwu a ɔmaa bɛ aleɛ na ɔmaa bɛ nye die.”

Mɛla 11:13

“Saa bɛdi mɛla mɔɔ melɛfa meamaa bɛ la azo, bɛkulo Ɛdɛnkɛma bɛ Nyamenle ne, bɛfa bɛ ahonle muala nee bɛ ɛkɛla muala bɛsonle ye a,

Mɛla 11:14

ɔbadɔ ezule yeagua azɛlɛ ne azo wɔ bɛ ɛlobɔ nloa. Alumua ezule ne badɔ yɛɛ amozi ezule ne noko badɔ, amaa bɛanyia aleɛ dɔɔnwo nee nwanye nee nwole.

Mɛla 28:12

Ɛdɛnkɛma babuke anwuma, yeamaa bɛ ezule wɔ ye ɛlobɔ nloa na yeayila bɛ sa anloa gyima yeamaa bɛanyia bie bɛabɔ maanle maanle dɔɔnwo bosea, noko bɛmɛ, bɛnrɛbiza bosea ɛlɛ.

Gyemise Kɛlata ne 5:7

Yemɔti, mediema, bɛzi abotane bɛhɔkpula Kenle ne mɔɔ Awulae kɛra la. Bɛnlea ɛyazonlɛnli ne, ɔkendɛ ɔmaa azɛlɛ ye maa ye nzoleɛ ngɛnlɛma, ɔsi abotane ɔkendɛ ɔmaa fɔsɛlɛ ne nee bokile ne tɔ zolɛ.

Yekile 11:6

Bɛlɛ tumi bɛto anwuma nu mɔɔ ezule ɛndɔ mekɛ tendenle biala mɔɔ bɛlɛka Nyamenle nrɛlaleɛ ne la. Eza bɛlɛ azɛlɛ ye azo nzule biala anwo zo tumi, bɛkola bɛkakyi ye bɛmaa ɔyɛ mogya; yɛɛ bɛlɛ tumi bɛfa ewule ngakyile biala bɛbato azɛlɛ ye azo wɔ mekɛ biala mɔɔ bɛkulo la.