Sɛlɛ 26:32 - BAEBOLO ANZƐƐ BULUKU NWUANZANWUANZA

³² Mebazɛkye azɛlɛ ne, na ɔbazi bɛ kpɔvolɛma mɔɔ de zolɛ la anwo.

Sɛlɛ 26:32 ပူးပေါင်းရင်းမြစ်များ

1 Arl 9:8

Sua ɛhye babubu agua, na ɔbazi awie biala mɔɔ baraze ɛke la anwo na yeaha kɛ, ‘Duzu ati a Ɛdɛnkɛma ɛmaa Ɛzonlenlɛ Sua ye nee azɛlɛ ye ɛyɛ zɛhae ɛ?’

Ayezaya Buluku ne 24:1

Bɛnlea, Ɛdɛnkɛma bazɛkye ewiade amuala yeayɛ ye mgbane yeado ye ɛkɛ. Ɔbadu azɛlɛ ne anye yeafonyia na yeakponde menli mɔɔ de zo la amuala.

Ayezaya Buluku ne 5:6

Meto ye ɛkɛ ne mgbane, bɛnrɛbɔ nuhua ndile, yɛɛ bɛnrɛpepɛ vanye mbaka ne mɔ azo. Ndile nee mbowule bafifi ava ye. Eza menrɛmaa ezule ɛnrɛdɔ ɛnrɛgua zolɛ.”

Ayezaya Buluku ne 5:9

Tumivolɛ Ɛdɛnkɛma ɛha ndane ɛmaa mede kɛ, “Nɔhalɛ, azua dɔɔnwo bayɛ azuadu; azua mgbole ngɛnlɛma ne mɔ, awie ɛnrɛdɛnla nuhua.

Ayezaya Buluku ne 6:11

Na membizale kɛ, “O Awulae, kenlenzu?” Ɔbuale kɛ, “Kɔkpula kɛ azuamgbole ne mɔ kɛbɔ, mɔɔ awie ɛnde zolɛ na azua mɔɔ bɛda nu la kɛyɛ azuadu mɔɔ awie ɛnde biala anu, na azɛlɛ ne kɛdɔ mgbane la.

Ayezaya Buluku ne 64:10

Wɔ azuamgbole nwuanzanwuanza ne mɔ azo ɛhakyi ɛsɛlɛ. Gyɛlusalɛm ɛhakyi ɛsɛlɛ, awie fee ɛnle zolɛ.

Gyɛlɛmaya Buluku ne 12:11

Bɛzɛkye azɛlɛ ne, bɛyɛ ye mgbane bɛdo ɛkɛ; yezɛkye ɔla ɛkɛ ɔlɛkendɛ me. Azɛlɛ ne amuala ɛhakyi ɛsɛlɛ, na ɔnvane awie biala anwo.

Gyɛlɛmaya Buluku ne 18:16

Bɛmaa bɛ maanle ne anu ɛyɛ ɛzulolɛ, menli te ye duma a bɛkpobi ye. Awie biala mɔɔ kɛva ɛkɛ ne la ahonle tu na ɔkpusu ɔ ti.

Gyɛlɛmaya Buluku ne 19:8

Mebazɛkye suakpole ɛhye meamaa menli azulo ɛkɛ. Awie biala mɔɔ kɛze ɛke la akunlu badu na yeahɔsɔ ɔ ti, ɔluakɛ mebazɛkye ye meamaa yeayɛ ɛzulolɛ.

Gyɛlɛmaya Buluku ne 25:11

Azɛlɛ ɛhye kɔsɔɔti bazɛkye ayɛ mgbane, na maanle maanle ɛhye mɔ azonle Babelonia belemgbunli ne ɛvolɛ abulasuu.

Gyɛlɛmaya Buluku ne 25:18

Gyɛlusalɛm nee Dwuda azuamgbole, bɛ arelemgbunli nee bɛ mgbanyima nlonle, amaa menli ne ayɛ mgbane, na azuamgbole ne mɔ ayɛ azuadu mɔɔ menli finde zolɛ a bɛbɔ mgbatike na bɛava bɛ duma bɛawa amonle, kɛmɔ ɛnɛ nee ɛnɛ ala ɔde la.

Gyɛlɛmaya Buluku ne 25:38

Ɔlua nzisima konle konle ne mɔ ati Ɛdɛnkɛma bava ɛya kpole avinde kɛ awenade vi kpɔkɛ bo finde la yearabɔ bɛ maanle ne, na bɛ azɛlɛ ne adɔ mgbane.

Gyɛlɛmaya Buluku ne 33:10

Ɛdɛnkɛma se, “Ɛke mɔɔ bɛlɛka kɛ, ‘Yezɛkye, sonla anzɛɛ nane ɛnle zolɛ,’ ɛhɛe, wɔ Dwuda azuamgbole ne mɔ nee Gyɛlusalɛm kpalɛ ne mɔ azo mɔɔ ɛyɛ nyanyoo, mɔɔ bɛnnwu anloma nee akɔlɛ la, bɛbade kɛ

Gyɛlɛmaya Buluku ne 44:2

Ɔse, “Medame Tumivolɛ Ɛdɛnkɛma, Yizilayɛ Nyamenle ne, mese: Bɛnwu munzule kpole mɔɔ memaa yedo Gyɛlusalɛmma nee Dwuda azuamgbole ne mɔ la. Bɛnlea, ɛnɛ bɛyɛ azuadu, yɛɛ awie ɛnde biala azo,

Gyɛlɛmaya Buluku ne 44:22

Ɛdɛnkɛma ɛnrɛdɛnla ɛnrɛnlea bɛ ninyɛndane ɛyɛlɛ nee bɛ bɛkyi ninyɛne ne mɔ mɔɔ bɛyɛle la bieko. Yemɔti a bɛ azɛlɛ ne ɛdɔ mgbane, ɛyɛ ewula, ɛyɛ amowa, mɔɔ awie ɛnde zolɛ, kɛmɔ kɛkala ɔde la.

Gyɛlɛmaya Buluku ne 9:11

Mebamaa Gyɛlusalɛm ahakyi ewula edukue, ɔbahakyi ɛzonlɛ dabelɛ. Mebamaa Dwuda azuamgbole adɔ mgbane, awie ɛnrɛdɛnla ɛkɛ.”

Gyɛlɛmaya Awolɛyelɛ 4:12

Ewiade arelemgbunli anlie anli, azɛlɛ ye azo sonla biala anlie anli, kɛ kpɔvolɛma kɛhola kɛwolo Gyɛlusalɛm nlenkɛ mgbole ne mɔ anu.

Gyɛlɛmaya Awolɛyelɛ 5:18

ɔluakɛ Zayɔn Boka ɛdɔ mgbane, ɛzonlɛ a duolua ɛkɛ ne didi a.

Yizikeɛle Buluku ne 5:15

“Saa me ɛya ne fo me na me sa sɔ wɔ nu kɛ metea wɔ a, maanle maanle mɔɔ ɛbɔ ɛyia wɔ la bazi wɔ amgbu, na yeayɛ kɔkɔbɔlɛ yeamaa bɛ. Medame Ɛdɛnkɛma a mese a!

Daneɛle Buluku ne 9:18

O me Nyamenle, gyele ɛ nzo tie yɛ. To ɛ nye nea mgbane mɔɔ yɛyɛ, nee suakpole ye mɔɔ bɛfa wɔ duma bɛfɛlɛ ye la, ɔluakɛ tɛ yɛ tenleneyɛlɛ ti yɛɛ yɛlɛbodo yɛazɛlɛ wɔ a, na wɔ anwunvɔnezelɛ kpole ne ati ɔ.

Daneɛle Buluku ne 9:2

Ɔlile ebia ne la ye ɛvolɛ ne mɔɔ lumua la ala anu, medame Daneɛle mɔɔ ɛnee melɛneɛnlea mbuluku nwuanzanwuanza ne mɔ anu na melɛdwenledwenle mɔɔ Ɛdɛnkɛma ɛlua Nyamenle kpɔmanvolɛ Gyɛlɛmaya anwo zo ɛha ɛdo ɛkɛ ne la, mendele ɔ bo kɛ Gyɛlusalɛm babɔ toonwo ɛvolɛ abulasuu.

Habakɛke Buluku ne 3:17

Feege mbaka ɛnrɛzo bɔbɔ ɛdeɛ, yɛɛ ma ɛnrɛra vanye mbaka zo, ɔlivi mbaka ɛnrɛzo bɔbɔ ɛdeɛ, yɛɛ aleɛ ɛnrɛvinde kpɔkɛ nu, mboane ne mɔ amuala bawu bɔbɔ ɛdeɛ, yɛɛ nlankɛ adunli ne mɔ badɔ mgbane,

Edwɛkpa ne kɛmɔ Luku hɛlɛle la 21:20

“Na saa bɛnwu kɛ ɛlɔnema ɛbɔ ɛyia Gyɛlusalɛm a, ɛnee bɛnwu ye kɛ ɔnrɛhyɛ biala na bɛazɛkye ye.

Mɛla 28:37

Na ɔbayɛ maanle ne mɔɔ bɛ nee bɛ bahɔ nu la anu amra azibɛnwo, na yeayɛ ɛrɛlɛ nee ɛfenle wɔ menli nloa.