Sɛlɛ 26:30 - BAEBOLO ANZƐƐ BULUKU NWUANZANWUANZA

³⁰ Eza mebazɛkye bɛ ɛleka ne mɔ mɔɔ bɛkɔsonle la, na meabubu bɛ ɛyɛlɛ evuanlɛ azukponle ne mɔ, na meavuandi bɛdabɛ bɛ avunli meagua bɛ mmonle avunli ne mɔ azo, na meahyi bɛ bɔkɔɔ.

Sɛlɛ 26:30 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:13

ɔluakɛ yɛsɛkye suakpole ye, ɔboalekɛ bɛ ɛtaneyɛlɛ ne ɛyɛ kpole yɛɛ bɛ ɛtane ne mɔ anwo ngehanleɛ ɛdwu Ɛdɛnkɛma anyunlu, na yezoa yɛ kɛ yɛrazɛkye suakpole ye.”

1 Arl 13:2

Na Nyamenle kpɔmanvolɛ ne luale Ɛdɛnkɛma anloa edwɛkɛ zo deanle azukponle ne na ɔzele kɛ, “O azukponle, wɔmɔ azukponle! Kɛ Ɛdɛnkɛma se la ɛne: Bɛbawo ralɛ nrenya wɔ Belemgbunli Devidi sua nu; bɛbavɛlɛ ye Dwosaya, na ɛ nwo zo yɛɛ ɔbahu ahɔmenle mɔɔ ɛkpu ɛyɛlɛ wɔ wɔ zo la, na yeayela menli mbowule wɔ zolɛ.”

1 Arl 13:32

Ɔluakɛ edwɛkɛ mɔɔ Ɛdɛnkɛma manle ɔhanle wɔ Bɛtɛle mɔɔ fane azukponle ne nee Samɛlea azuamgbole ɛleka mɔɔ bɛsonle la anwo la kɔsɔɔti bayɛ zɔhane.”

2 Arl 23:16

Dwosaya nleɛnleanle nu na ɔnwunle kɛ sɛka bie mɔ wɔ boka ne azo lɔ. Ɔmanle bɛzale avunli zɔhane mɔ mbowule na ɔyelale bɛ wɔ azukponle ne azo. Ɔvale ɛhye ɔzɛkyele azukponle ne ɔmanle mɔɔ Nyamenle kpɔmanvolɛ ne hanle ye dɛba wɔ mekɛ mɔɔ Belemgbunli Gyɛlɔbowam ɛnee gyi azukponle ne anyunlu la yɛle nɔhalɛ.

2 Arl 23:20

Ɔhunle ahɔmenle ne mɔ kɔsɔɔti wɔ bɛ azukponle ne mɔ mɔɔ bɛfa bɛyɛ bɛ ɛzonlenle la azo na ɔyelale menli mbowule wɔ azukponle ne mɔ azo. Akee ɔziale ɔhɔle Gyɛlusalɛm.

2 Arl 23:8

Ɔmanle bɛ nee sɛlɛvolɛma mɔɔ wɔ Dwuda maanle ne anu la amuala rale Gyɛlusalɛm na ɔzɛkyele azukponle biala mɔɔ bɛyɛle maanle ne anu, ɔvi Giba mɔɔ kɔdwu Biyɛhyiba la. Eza ɔmanle bɛbubule azukponle ne mɔ mɔɔ bɛsisile bɛmanle mmonle ne mɔ mɔɔ ɛnee wɔ anlenkɛ kpole ne mɔɔ Dwɔhyua, mɔɔ le suakpole ne azo neavolɛ ne zile la anloa la. Mmonle zɔhane, saa ɛlɛwolo suakpole ne azo anuhɔlɛ kpole ne anu a ɛnee ɔwɔ bɛne zo.

2 Edk 23:17

Menli ne amuala hɔle bozonle Beeyale ne ɛzonlenlɛ sua ne anwo na bɛhɔbubule ye bɛguale, bɛbubule ye azukponle ne mɔ nee ye ananze ne mɔ na bɛhunle Beeyale kɔmenle Matan wɔ bozonle ne azukponle ne mɔ anyunlu ɛkɛ.

2 Edk 31:1

Mɔɔ ɛhye mɔ amuala wiele la, Yizilayɛma mɔɔ rale la hɔle Dwuda azuamgbole ne mɔ azo, bɛhɔbubule mpila ne mɔ mɔɔ bɛsisi, bɛ bozonle raalɛ Ahyela ne ananze ne mɔ, ɛleka ne mɔ mɔɔ menli mɔɔ ɛnze Nyamenle la sonle la, nee azukponle ne mɔ kɔsɔɔti mɔɔ wɔ Dwuda nee Bɛngyaman maanzinli ne mɔ anu, nee Yifelaem nee Manasɛ maanzinli ne mɔ anu la amuala. Akee awie biala hɔle ye sua zo.

Edwɛndolɛ Buluku ne 106:40

Akee Ɛdɛnkɛma vale ye menli ne anwo ɛya, na ɔkpole ye agyadeɛ.

Edwɛndolɛ Buluku ne 89:38

Noko wɔva wɔ belemgbunli ne mɔɔ wɔkpa nu wɔye ye la anwo ɛya, wɔkpo ye na wɔvuandi ye wɔdo.

Ayezaya Buluku ne 27:9

Yemɔti debie mɔɔ Yizilayɛma yɛ a bɛkɛva bɛ ɛtane bɛkɛhyɛ bɛ la a le ɛhye: saa bɛbubu awozonle azukponle ne mɔ, bɛti bɛ motomoto kɛ munlutu, bɛbubu bɛ bozonle raalɛ Ahyela ne sɛkɛlɛneɛ anzɛɛ ɛyɛlɛ ɛkpunlɛ azukponle ne mɔ mɔɔ biala ɛnle ɛkɛ ne bieko la a, bɛkɛva bɛ ɛtane ne mɔ kɔsɔɔti bɛkɛhyɛ bɛ.

Gyɛlɛmaya Buluku ne 14:19

Ɛdɛnkɛma, yemɔti wɔye Dwudama bɔkɔɔ? Asoo ɛkyi Zayɔnoma? Duzu ati a wɔboda yɛ kpole zɛhae mɔɔ yɛyɛ ayile a yɛ nwo ɛnza ɛ? Yɛkpondɛle anzonudwolɛ, noko kpalɛ amba, yɛkpondɛle anwonzalɛ, na nea, ɛzulolɛ a rale a.

Gyɛlɛmaya Buluku ne 16:18

Bɛva bɛ bɛkyi mmonle ninyɛne ne mɔ bɛzɛkye me azɛlɛ ne. Bɛkyi nyɛleɛ ngome a bɛyɛ ye azɛlɛ ne azo a, yemɔti mebadua bɛ amumuyɛ nee bɛ ɛtane mɔɔ bɛlɛyɛ ye ɛkɛ ne la anwo kakɛ mɔnwo.”

Yizikeɛle Buluku ne 16:39

Mebaye bɛ meamaa bɛ kulovolɛma ne, na bɛabubu bɛ azua nee bɛ ekpumgbunli ne mɔ. Bɛbaza bɛ bɛalie bɛ ndanlɛ nee bɛ anwoneɛ ngɛnlɛma ne mɔ, na bɛamaa bɛalɛ bɛ nwo zɔ.

Yizikeɛle Buluku ne 43:7

Ɔse, “Sonla ra, me belemgbunli ebia ne nee ɛleka mɔɔ mefa me gyakɛ mesiezie la ɛne. Mebadɛnla Yizilayɛma avinli dahuu. Yizilayɛma ɛnrɛzɛkye me duma nwuanzanwuanza ne bieko. Bɛdabɛ Yizilayɛma o, anzɛɛ bɛ arelemgbunli o, bɛ biala ɛnrɛva bɛ tuutuulilɛ nee bɛ arelemgbunli avunli ɛnrɛgua me duma nwuanzanwuanza ne anwo evinli.

Yizikeɛle Buluku ne 6:13

Bɛ avunli bayɛ bɛ awozonle ne mɔ avunli, bɛ azukponle ne mɔ azo, awoka mgbole nee ngyikyi ne mɔ azo, bɛ egyane ne mɔ abo, bɛ oku mbaka bubuzuu ne mɔ abo, yɛɛ bɛ ɛleka biala mɔɔ bɛzonlenle la totɔɔ, na bɛanwu kɛ medame a mele Ɛdɛnkɛma a.

Hozia Buluku ne 10:2

Bɛnli nɔhalɛ, yemɔti ɔwɔ kɛ bɛdi bɛ ɛtane ne mɔ anwo ɛzonle. Ɛdɛnkɛma babubu bɛ azukponle ne mɔ, na yeazɛkye bɛ mpila ne mɔ.

Sɛlɛ 20:23

Eza bɛmmadi menli mɔɔ bɛmɛ bɛ ti melɛtu bɛ la maamɛla ne mɔ azo; ɔluakɛ bɛyɛle ɛhye mɔ amuala, yemɔti a mengyile bɛ a.

Sɛlɛ 26:11

Me nee bɛ badɛnla yɛɛ menrɛkpo bɛ ɛlɛ.

Sɛlɛ 26:15

saa bɛbulu me mɛla ne mɔ azo, na bɛkpo me ngyehyɛlɛ ne mɔ, na yemɔti bɛnrɛyɛ mɔɔ meze bɛ la amuala, na bɛtulu me ngyekyeleɛ ne a,

Emɔzo Buluku ne 6:8

Ɛdɛnkɛma, Tumivolɛ Nyamenle ne se, “Medame Awulae Nyamenle, meka me ngome me nwo kɛ: Mekyi Yizilayɛma mgbanyizonleyɛlɛ ne, mekpo bɛ azua mgbole ne mɔ mɔɔ bɛbɔ nwolɛ bane la. Mebava bɛ suakpole ne nee zolɛ debie biala meamaa kpɔvolɛma!”

Emɔzo Buluku ne 7:9

Ɛleka ne mɔ mɔɔ Ayezeke zonlenle la, mebazɛkye bɛ. Mebazɛkye Yizilayɛ ɛleka nwuanzanwuanza ne mɔ. Mebamaa belemgbunli Gyɛlɔbowam abo zo amra amuala awu dadeɛ nloa.”

Mɛla 32:19

“Ɛdɛnkɛma nwunle ye na ɔkpole bɛ, ɔboalekɛ ɔ mra mrenya nee mraalɛ hanle ye ɛya.