Sɛlɛ 26:3 - BAEBOLO ANZƐƐ BULUKU NWUANZANWUANZA

³ “Saa bɛdi me mɛla ne mɔ azo na bɛyɛ me ngyehyɛlɛ ne mɔ a,

Sɛlɛ 26:3 ပူးပေါင်းရင်းမြစ်များ

Nihɛmaya Buluku ne 1:9

na saa bɛsia bɛdi me mɛla ne mɔ azo a, yemɔ saa kanza bɔbɔ bɛbɔle asande bɛhɔle maanle ti nee maanle bo a, mebaboɔboa bɛ nloa meava bɛ meahɔgua ɛleka ne mɔɔ medame meye mezie ɛkɛ ne memaa bɛ la, amaa me duma ne aha ɛkɛ ne dahuu.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:25

Bɛzonle me ngomekye, Ɛdɛnkɛma bɛ Nyamenle ne, na mebayila bɛ aleɛ nee bɛ nzule zo; eza mebaye anwondolɛ meavi bɛ avinli.

Ayezaya Buluku ne 1:19

Saa bɛkponle zo, bɛyɛ tieyɛ a, bɛbali debie kpalɛ biala mɔɔ wɔ azɛlɛ ne azo la bie.

Ayezaya Buluku ne 30:23

Akee Ɛdɛnkɛma bamaa ezule adɔ agua bɛ ma mɔɔ bɛlua la azo na bɛ bɛyɔba azo dɔɔnwo. Mekɛ ne anu bɛ nlankɛ bahɔ adidileka mɔɔ le mgbole la anu ahɔdidi.

Gyɛlɛmaya Buluku ne 11:4

Ɔle ngyekyeleɛ mɔɔ me nee bɛ ze mɔ kyekyele wɔ mekɛ mɔɔ me nee bɛ vi Yigyibiti maanle ne mɔɔ le kɛ senle tandane la anu rale la. Menzele bɛ kɛ bɛdie me ne na bɛyɛ mɔɔ menwɔze bɛ la amuala. Saa bɛyɛ ɛhye a bɛbayɛ me menli, na medame meayɛ bɛ Nyamenle.

Sɛlɛ 19:25

Na ye ɛvolɛ nnu ne azo bɛkola bɛdi nzoleɛ ne bie. Ɛhye bamaa mbaka ne mɔ azo dɔɔnwo amaa bɛ; medame a mele Ɛdɛnkɛma bɛ Nyamenle ne a.

Zɛkalaya Buluku ne 8:12

Bɛbalua bɛ aleɛ anzonudwolɛ nu; vanye mbaka bazo, na azɛlɛ ne amaa bɛ aleɛ ahye, yɛɛ ɛbɔlɛ badɔ amaa bɛ. Mebamaa menli ɛhye mɔ abo zo amra mɔɔ ɛha la anyia ninyɛne ɛhye mɔ amuala.

Malakae Buluku ne 3:10

Ɛkpɔ ne mɔ mɔɔ le me ɛdeɛ la, bɛva bɛ kɔsɔɔti bɛrɛla bɛragua ɛleka mɔɔ mesie me ninyɛne ne la, amaa aleɛ ara me sua nu. Bɛzɔ me bɛnlea wɔ ɛhye anwo na bɛnlea saa menrɛbuke anwuma nlenkɛ menrɛgua nwolɛ menrɛmaa bɛnrɛnyia nyilalɛ dɔɔnwo a.

Mɛla 7:12

“Saa bɛtie mɛla nee ngyehyɛlɛ ɛhye mɔ, bɛfa bɛsie na bɛdi zolɛ a, Ɛdɛnkɛma bɛ Nyamenle ne bali ye ngyekyeleɛ ne azo na yeahulo bɛ kpalɛ, kɛmɔ ɔvale ɔbɔle bɛ ze mɔ ɛwɔkɛ kɛ ɔkɛyɛ la.

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.