Sɛlɛ 26:26 - BAEBOLO ANZƐƐ BULUKU NWUANZANWUANZA

²⁶ Saa metua, mɔɔ bɛnnyia aleɛ la a, mraalɛ bulu babɔ nu ado kpanwo fonlomo ko anu, na bɛazuzu bɛava bɛarɛlɛ bɛ; bɛbali, na bɛ ko ɛnrɛyi ɛlɛ.

Sɛlɛ 26:26 ပူးပေါင်းရင်းမြစ်များ

2 Arl 6:25

Ɔlua ɛhye ati aleɛ wiele na ɛhɔne rale suakpole ne azo manle bɛdɔle asoaso tile dwɛtɛ fufule abulatwɛ yɛɛ bɛ anweɛ nyinli ngyikyi bie mɔɔ bɛfɛlɛ ye “Kaabe” la ɛkyɛ nu nna a bɛtɔ ko dwɛtɛ fufule nnu.

Edwɛndolɛ Buluku ne 105:16

Ɔmanle ɛhɔne zile azɛlɛ ne azo, ɔmanle bɛ aleɛ kɔsɔɔti wiele.

Ayezaya Buluku ne 3:1

Bɛnlea, Awulae Tumivolɛ Ɛdɛnkɛma ɛlɛye debie biala, aleɛ nee nzule, nee awie biala mɔɔ menli ne ati zɔ ye la avi Gyɛlusalɛm nee Dwuda.

Ayezaya Buluku ne 5:10

Ɔluakɛ vanye egyinli ala mɔɔ ye kpole kɛyɛ polu bulu nee nwiɔ nee foa ko la bazo ma mɔɔ ɛtwihwi nuhua nwanye a ɔkɛyɛ litili mɔtwɛ ala; yɛɛ saa bɛdua abɛlɛ ma litili ɛya ko abulatwɛ a bɛbanyia abɛlɛ ma litili bulu nee mɔtwɛ ala.”

Ayezaya Buluku ne 9:19

Tumivolɛ Ɛdɛnkɛma ɛya mɔɔ ɛva la ɛzɔ ɛyela azɛlɛ ne, na menli ne ɛyɛ kɛ ɛyɛne mɔɔ wɔ senle nu la; adiema bɔbɔ ɛnze ɔ diema anwunvɔne.

Ayezaya Buluku ne 9:20

Bɛto bɛ sa fema bɛfa, noko ɛhɔne ku bɛ, yɛɛ bɛdidi bɛkɔ bɛne zo, noko bɛ ko ɛnyi, awie ko biala di ɔ gɔnwo nwonane.

Gyɛlɛmaya Buluku ne 14:12

Saa bɛkye nwolɛ ɛhɔne bɔbɔ a, menrɛdie bɛ ɛzunlɛ, yɛɛ saa bɛfa ɛyelalɛ azubɔdeɛ anzɛɛ ma azubɔdeɛ bɛba me nyunlu a, me nye ɛnrɛzɔ ye. Mebava mealua konle, ɛhɔne, yɛɛ anwonyane nu meayela bɛ wee.”

Yizikeɛle Buluku ne 14:13

“Sonla ra, saa maanle bie anu amra yɛ ɛtane tia me, bɛgyakyi me bɛkɔsonle nyamenle gyɛne, na meka kɛ metea maanle zɔhane, mefa ɛhɔne nee sane mebato maanle ne anu, na mɔɔ menli nee nane ɛlɛwu la,

Yizikeɛle Buluku ne 4:10

Kenle ko biala ɛbali aleɛ ko ala, yɛɛ aleɛ ne mɔɔ ɛbali la ɛnlomboɛ ɔwɔ kɛ to tone nu gelamo ɛya nwiɔ abulasa.

Yizikeɛle Buluku ne 4:16

Na ɔvale ɔzɔle zolɛ kɛ, “Sonla ra, memaa ɛhɔne azi Gyɛlusalɛm. Bɛbava sulosulo bɛazuzu bɛ aleɛ na bɛali na bɛava arɛlebɔlɛ bɛazuzu bɛ nzule na bɛanlo.

Yizikeɛle Buluku ne 4:17

Mebayɛ ɛhye meamaa bɛ nzule asesa na bɛ aleɛ awie, bɛbava arɛlebɔlɛ bɛanleɛnlea bɛ nyunlu, na bɛ ndeanlɛ ne bamaa bɛanwa.”

Yizikeɛle Buluku ne 5:16

Mebamaa sane nee ɛhɔne ara bɛ nwo zo na bɛade ye nyane kɛ ɛda mɔɔ ɛlɛwowɔ bɛ azɛkye bɛ la.

Hozia Buluku ne 4:10

Bɛbali, na bɛ ko ɛnrɛyi. Bɛbali awozonle ɛzonlenlɛ nu tuutuu kɛ bɛkɛwo mralɛ dɔɔnwo na bɛnrɛwo mralɛ, ɔboalekɛ bɛhakyi bɛ nzi bɛzi medame Ɛdɛnkɛma, na bɛdoɔdoa nyamenle gyɛne gyɛne.”

Sɛlɛ 26:27

“Na saa ɛhye mɔ amuala anzi na eza bɛnrɛdie me ne, na bɛkpo me a,

Maeka Buluku ne 6:14

Bɛbali debie, na bɛ ko ɛnrɛyi, ɛhɔne bahu bɛ. Bɛnrɛhola ninyɛne fa sie, ɔ muala babɔ asande; yɛɛ mɔɔ bɛkɛbɔ mɔdenle bɛkɛva bɛkɛzie la mebamaa ɔ muala aminli konle nu.

Hagae Buluku ne 1:6

Bɛlua ma dɔɔnwo, na bɛbu ekyi bie; bɛdi debie, noko bɛ ko ɛnyi; bɛno nwanye, noko bɛmbo; bɛkeda ndanlɛ, noko bɛ nwo ɛnyɛ wuluwulu, yɛɛ mɔɔ die ahatualɛ la die ezukoa ne gua kodoku mɔɔ abo le tokule la anu.