Sɛlɛ 26:25 - BAEBOLO ANZƐƐ BULUKU NWUANZANWUANZA

²⁵ Mebamaa ɛlɔnema ara bɛ nwo zo na bɛahu bɛ bɛadua me ngyekyeleɛ ne mɔɔ bɛtulu ye la abo zo. Saa bɛnriandi bɛkɔfea bɛ azuamgbole zo a, mebava ewule meado bɛ nwo, meamaa bɛ kpɔvolɛma asa aha bɛ.

Sɛlɛ 26:25 ပူးပေါင်းရင်းမြစ်များ

2 Sam 24:15

Yemɔti Ɛdɛnkɛma manle ewule nzane dɔle Yizilayɛma anwo, ɔvi nwonlomɔ ne toonwo ɔhɔkpulale kenle ne mɔɔ ɔdaye Ɛdɛnkɛma ɔhilele la. Na ɔvi Dan mɔɔ kɔkpula Biyɛhyiba la, menli apenle ngoko abulasuu wule.

1 Arl 8:33

“Saa wɔ menli Yizilayɛma yɛ anzosesebɛ na ɛmaa bɛ kpɔvolɛma di bɛ nwo zo konim, na nzinlii bɛsia bɛtoa ɛ bo zo, na bɛba Ɛzonlenlɛ Sua ye anu bɛbakpa wɔ kyɛlɛ, na bɛsɛlɛ wɔ kɛ ɛva ɛhyɛ bɛ a,

1 Arl 8:37

“Saa ɛhɔne anzɛɛ ewule nzane ba azɛlɛ ye azo, anzɛɛ ahumu nee abɛbɛ sɛkye bɛ aleɛ, saa bɛ kpɔvolɛma bɔbɔ fa konle batoa bɛ, anzɛɛ anwonyane bɔ bie mɔ na bɛbasɛlɛ wɔ wɔ ɛke a,

2 Arl 17:3

Aselea Belemgbunli Hyalemanizɛ vale konle doale ye. Hohyia manle ɔ sa zo na ɔduale adwule ɔmanle Hyalemanizɛ ɛvolɛ biala.

2 Edk 24:24

Ɛnee Selea ɛlɔnema ne anwo le ekyi bɔbɔ ɛdeɛ, noko bɛrale la, Ɛdɛnkɛma yele Dwuda ɛlɔnema ɛwolaa ne manle bɛlile bɛ nwo zo konim, ɔboalekɛ Dwudama ɛkpo Ɛdɛnkɛma, bɛ ze mɔ Nyamenle ne. Ɛnee adenle mɔɔ Ɛdɛnkɛma luale zo deanle Dwowahye la ɛne.

Edwɛndolɛ Buluku ne 94:1

O Ɛdɛnkɛma, nzenralɛ Nyamenle, wɔmɔ nzenralɛ Nyamenle, kile wɔ tumi!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:3

Mosisi nee Aalɔn buale kɛ, “Hibuluma Nyamenle ne nee yɛ ɛyɛ nyianu; yɛsɛlɛ wɔ, maa yɛ adenle maa yɛdia kenle nsa adenle yɛhɔ fienemgbole ne anu yɛhɔbɔ azu yɛmaa Ɛdɛnkɛma yɛ Nyamenle ne, anrɛɛ ɔkɛde ewule ɔkɛkponde yɛ nwo ɔkɛhu yɛ anzɛɛ ɔkɛhwe yɛ nwo dadeɛ.”

Ayezaya Buluku ne 1:20

Na saa bɛkpo na bɛte atua a bɛbawu dadeɛ nloa. Medame Ɛdɛnkɛma a meha a.”

Ayezaya Buluku ne 65:12

mebaye bɛ meamaa bɛawu dadeɛ nloa, bɛbahu bɛ muala, ɔboalekɛ menvɛlɛle bɛ la bɛambua me, mendendɛle mengilele bɛ, na bɛandie. Bɛyɛle mɔɔ le ɛtane wɔ me nye zo la na bɛkpale nu bɛyɛle mɔɔ me nye ɛnlie nwolɛ la.

Gyɛlɛmaya Buluku ne 19:7

Ɛke a mebazɛkye adwenle ngyehyɛlɛ biala mɔɔ Dwudama nee Gyɛlusalɛmma ɛhyehyɛ la. Mebamaa bɛ kpɔvolɛma nee menli mɔɔ kpondɛ bɛ la asa adɔ bɛ nwo zo ahu bɛ. Mebamaa anwomanyunlu nloma nee ɛbɔ nu nanemgbole ali bɛ avunli.

Gyɛlɛmaya Buluku ne 24:10

Mebava konle, ɛhɔne, yɛɛ ewule meazi bɛ zo toonwo meamaa bɛ bo zo abɔ tɔɔ wɔ azɛlɛ ne mɔɔ menvale memanle bɛ nee bɛ ze mɔ la azo.”

Gyɛlɛmaya Buluku ne 50:28

(Menli vi Babelonia azɛlɛ zo nriandi ba Gyɛlusalɛm, baka kɛ Ɛdɛnkɛma, yɛ Nyamenle ne ɛzi ɛli debie mɔɔ Babeloniama vale yɛle ye Ɛzonlenlɛ Sua ne la anwo nzenralɛ la.)

Gyɛlɛmaya Buluku ne 51:11

“Bɛzi atwɛ ne mɔ! Bɛgyela bɛ enyinlike ne mɔ!” Ɛdɛnkɛma ɛne. Yemaa Medea arelemgbunli anwosesebɛ, ɔluakɛ yeva yezie ɔ nyunlu kɛ ɔsɛkye Babelonia, yeava yeali mɔɔ bɛyɛle bɛtiale ye Ɛzonlenlɛ Sua ne la anwo nzenralɛ.

Gyɛlɛmaya Buluku ne 9:16

Mebakponde bɛ wɔ maanle maanle mɔɔ bɛdabɛ anzɛɛ bɛ ze mɔ bɔbɔ ɛtɛtele bɛ aluma ɛlɛ la azo; mebamaa ɛlɔnema ara bɛ nwo zo toonwo kɔkpula kɛ menwɔwie bɛ bo zo bɔ la.”

Gyɛlɛmaya Awolɛyelɛ 2:21

Wɔ gua ne mɔ azo lɔ, mgbanyinli nee ngakula avunli ngome; me mbɛlɛra nee me mgbavolɛ ɛdɔ dadeɛ nloa; wɔ ɛya mekɛ ne ɛdwu, wɔhu bɛ, wɔanvavi bie.

Yizikeɛle Buluku ne 14:17

“Anzɛɛ saa metwe konle mebato maanle zɔhane anu, na memaa adenle kɛ bɛhu menli nee nyɛmoa mɔɔ wɔ nu la amuala a,

Yizikeɛle Buluku ne 20:37

“Mebanlea bɛ boɛ na meaholo bɛ nwo zo meamaa bɛali me ngyekyeleɛ ne azo.

Yizikeɛle Buluku ne 29:8

Yemɔti Awulae Nyamenle ne se, “Mebava konle meara bɛ nwo zo, na bɛahu menli nee nane kɔsɔɔti,

Yizikeɛle Buluku ne 33:2

Ɔse, “Sonla ra, ka kile wɔ menli ne na se bɛ kɛ: Saa mefa konle meto maanle anzɛɛ azɛlɛ bie azo, na menli mɔɔ wɔ maanle ne anu la ye bɛ sonla ko kɛ bɛ sinzavolɛ,

Yizikeɛle Buluku ne 5:17

Mebamaa ɛhɔne nee nanemgbole arahu bɛ mra, na meamaa ewulenzane, konle nee kpolera adɔ bɛ avinli ahu bɛ. Medame, Ɛdɛnkɛma a mese a!”

Yizikeɛle Buluku ne 6:3

Ka kile bɛ kɛ: Bɛmɛ Yizilayɛ awoka, bɛdie Awulae Nyamenle ne edwɛkɛ ne. Awulae Nyamenle ne se, bɛmɛ awoka mgbole nee ngyikyi, mbɔnza nee ahuma, bɛnlea na medame, ɛhɛe, medame, mebava konle meadoa bɛ, na meazɛkye bɛ ɛleka ne mɔ mɔɔ bɛsonle la.

Hozia Buluku ne 11:6

Konle bava bɛ azuamgbole ne mɔ aze, abubu bɛ azuamgbole nlenkɛ mgbole ne mɔ.

Sɛlɛ 26:6

“Mebamaa bɛ nzo nu adwo bɛ wɔ azɛlɛ ne azo, na bɛalie bɛ ɛnwomenle, yɛɛ awie biala ɛnrɛha bɛ ɛzulolɛ. Mebaye nane mɔɔ ɛnle kpalɛ la amuala wɔ azɛlɛ ne azo yɛɛ konle ɛnrɛzi maanle ne anu.

Emɔzo Buluku ne 4:10

“Memanle ewulenzane ne mɔɔ rale Yigyibiti la bie rale bɛ nwo zo. Mengunle bɛ mgbavolɛ wɔ konle nu na mengyele bɛ mgbɔnwɔ ne mɔ nuokɛ. Memanle bɛ avunli kpɔlɔlera ne mɔ nvoanle bɔnlebɔnlenle bɛ bonyi nu wɔ bɛ azokoɛleɛ ɛkɛ ne, noko bɛanzia bɛamba me nwo ɛkɛ.

Habakɛke Buluku ne 3:5

Ewulenzane li ɔ nyunlu, ewulenzane li ɔ nzi.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:12

Memaa ewulenzane aradɔ bɛ avinli azɛkye bɛ, na meayɛ wɔ maanle mɔɔ le kpole na ɔ nwo yɛ se kpalɛ tɛla menli ɛhye mɔ la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:49

Menli mɔɔ wule la dodo le apenle ngoko bulu nee nna, ɛya nsuu. Menli mɔɔ wule Kɔla atuadelɛma ne anu la ɛmboka nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:3

Na Mosisi hanle hilele menli ne kɛ, “Ɛlɔnema mɔɔ wɔ bɛ avinli la ɛboɔboa bɛ nwo na yɛkɔ konle. Yɛkazenra Medeanema wɔ mɔɔ bɛyɛle bɛmanle Ɛdɛnkɛma la anwo.

Edwɛkpa ne kɛmɔ Luku hɛlɛle la 21:11

Azɛlɛ bakpusu, ɛhɔne nee ewule ngakyile bara ɛleka dɔɔnwo, sɛkɛlɛneɛ mgbole nee ninyɛne ɛzulolɛ ngakyile basisi anwomanyunlu.

Mɛla 28:21

Ɔbamaa ewule nee ewulenzane adɔ bɛ nwo kɔdwu kɛ bɛ muala bɛkɛwie wu wɔ azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo.

Mɛla 32:25

Bɛbadɔ dadeɛ nloa wɔ konle nu, bɛbanwu ɛzulolɛ bɛ sua kunlu. Bɛbahu mgbavolɛ nee mbɛlɛra, yɛɛ ngakula mɔɔ no nyɛfonlɛ nee mrelera.

Mɛla 32:35

Mekɛ mɔɔ bɛ gyakɛ kɛhoati la, medame a mebali nzenralɛ na meadua kakɛ a. Bɛ anwubɛnyunlu mekɛ ɛdwu, na bɛ awieleɛ ɛbikye.

Mɛla 32:41

saa mesi me konle dadeɛ memeamemea ne, na mese kɛ mebua ndɛne a, mebali me kpɔvolɛma ne nzenralɛ, na meadua menli mɔɔ kpɔ me la kakɛ.

Maanlebuvolɛma Buluku ne 15:11

Na Dwudama apenle nsa hɔle Yitam bodane ne bɔne ne mɔɔ Samesɛn wɔ nu la anu na bɛzele ye kɛ, “Ɛnze kɛ Filisitiama a sie yɛ ɔ? Na ɛhye noko mɔɔ wɔhɔhwe wɔra la abo a le duzu?” Samesɛn zele bɛ kɛ, “Amaamuo mɔɔ bɛbule bɛmanle me la yɛɛ menlea zolɛ mebu bie memaa bɛ a.”