Sɛlɛ 26:17 - BAEBOLO ANZƐƐ BULUKU NWUANZANWUANZA

¹⁷ Mebava me nye meawula bɛ nyunlu, meamaa bɛ kpɔvolɛma ali bɛ nwo zo konim. Menli ne mɔɔ kyi bɛ la bazie bɛ, na bɛbanriandi wɔ mekɛ mɔɔ awie ɛndoa bɛ la.

Sɛlɛ 26:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:12

Ɔvi ɛnɛ mɔɔ kɔ la, debie biala mɔɔ ɛkɛlua ye azɛlɛ ye azo la ɛnrɛyɛ kpalɛ ɛnrɛmaa wɔ ɛlɛ; ɛkɛdɔ ɛ bɔ nu na mgbɔsamgbɔsa adɔ ɛ nwo wɔ azɛlɛ ye azo.”

1 Arl 8:33

“Saa wɔ menli Yizilayɛma yɛ anzosesebɛ na ɛmaa bɛ kpɔvolɛma di bɛ nwo zo konim, na nzinlii bɛsia bɛtoa ɛ bo zo, na bɛba Ɛzonlenlɛ Sua ye anu bɛbakpa wɔ kyɛlɛ, na bɛsɛlɛ wɔ kɛ ɛva ɛhyɛ bɛ a,

2 Arl 13:3

Ɛdɛnkɛma vale Yizilayɛma anwo ɛya, ɔlua zo ɔyele bɛ ɔmanle Selea Belemgbunli Hazeeyɛle nee ɔ ra Bɛneheedade manle bɛlile bɛ nwo zo konim wɔ mekɛ biala mɔɔ bɛkɛnyia konle la.

2 Arl 13:7

Ɛnee Gyɛhowahaze ɛnlɛ ɛlɔnema mɔɔ ko maa ye kɛ ɛlɔnema mɔɔ tɛnla mgbɔnwɔ zo ko la abulanlu, menli mɔɔ fa ehwili ko la bulu yɛɛ ɛlɔnema mɔɔ dua aze la apenle bulu ala. Ɔboalekɛ ɛnee Seleama ɛhu Yizilayɛ ɛlɔnema ne amuala; bɛdinle bɛ kɛ sianlɛ.

Edwɛndolɛ Buluku ne 44:10

Wɔmaa yɛnriandi yɛ kpɔvolɛma ne anyunlu, na yɛ kpɔvolɛma ɛve yɛ nwo ninyɛne.

Edwɛndolɛ Buluku ne 53:5

Bɛmɛ a ɛzulolɛ kpole ɛha bɛ la. ɛzulolɛ mɔɔ bɛtɛnwunle bie ɛlɛ la ɛha bɛ! Ɔluakɛ Nyamenle babubu bɛdabɛ mɔɔ bɛnzonle ye la mbowule nu; nyiane bahu bɛ, ɔluakɛ Nyamenle ɛkpo bɛ.

Edwɛndolɛ Buluku ne 53:6

O anrɛɛ Yizilayɛma ngoanelielɛ vi Zayɔn ara! Saa Nyamenle maa ye menli ne eza kpazi a, Yizilayɛma anye balie na bɛali fɛlɛko

Mrɛlɛbulɛ Buluku ne 28:1

Amumuyɛma nriandi mekɛ mɔɔ awie ɛndoa bɛ la, na tenlenema akɛnra yɛ se kɛ awenade.

Ayezaya Buluku ne 30:17

Bɛ nuhua apenle ko yia kpɔvolɛma ko a bɛbagua ɛbɔ nu, na saa kpɔvolɛma nnu nwunlonwunla bɛ a, bɛbanriandi; bɛ bie ɛnrɛha kɛ bɛ fɛlɛnra ne anzɛɛ bɛ sɛkɛlɛneɛ ne mɔɔ bɛkpɔnla ye boka ne azo la ala.

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Gyɛlɛmaya Buluku ne 19:7

Ɛke a mebazɛkye adwenle ngyehyɛlɛ biala mɔɔ Dwudama nee Gyɛlusalɛmma ɛhyehyɛ la. Mebamaa bɛ kpɔvolɛma nee menli mɔɔ kpondɛ bɛ la asa adɔ bɛ nwo zo ahu bɛ. Mebamaa anwomanyunlu nloma nee ɛbɔ nu nanemgbole ali bɛ avunli.

Gyɛlɛmaya Buluku ne 44:11

“Yemɔti, medame Tumivolɛ Ɛdɛnkɛma, Yizilayɛ Nyamenle ne, mese: Bɛ ɛtane ne ati mebava me nye meawula bɛ nyunlu na meabɔ Dwuda bɔkɔɔ.

Gyɛlɛmaya Awolɛyelɛ 1:5

Ye kpɔvolɛma ɛvo ɔ nwo zo, bɛkpazi bɛdɛla ye, ɔboalekɛ Ɛdɛnkɛma ɛmaa yenwu amaneɛ wɔ ye ɛtane bebelebe ti; ɔ mra ne mɔ ɛgyakyi ye ɛhɔ, kpɔvolɛ ne ɛhye bɛ nuokɛ.

Gyɛlɛmaya Awolɛyelɛ 2:4

Yeva ye ɛda ne yezu yɛ, yeva ye tumi ne yetia yɛ kɛ kpɔvolɛ; yehu bɛdabɛ mɔɔ yɛ nye die bɛ nwo wɔ Gyɛlusalɛm la kɔsɔɔti, yewola ye ɛya ne yegua kɛ senle.

Yizikeɛle Buluku ne 15:7

Mebava me nye meawula bɛ nyunlu kpalɛ, mɔɔ saa bɛ bie mɔ nriandi fi senle ne anu bɔbɔ a, senle ala a bayela bɛ a, na bɛanwu kɛ medame a mele Ɛdɛnkɛma a, na mefa me nye mewula ɛ nyunlu a ɛnee meva me nye mewula ɛ nyunlu.

Sɛlɛ 17:10

“Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Mɛla 28:25

“Ɛdɛnkɛma bamaa bɛ kpɔvolɛma ali bɛ nwo zo konim. Bɛbava bɛ nyunlu bɛahɔ na bɛava bɛ nzi bɛara. Na ɔbayɛ ewiade amra amuala nwanwane kɛ ɛhye ɛzi bɛ nwo zo a.

Dwɔhyua Buluku ne 7:4

Yemɔti Yizilayɛ ɛlɔnema kɛyɛ apenle nsa ala a hɔle Eyae a, na bɛannyia gyinlagyakɛ. Bɛnriandile bɛvile Eyae.

Maanlebuvolɛma Buluku ne 2:14

Yemɔti Ɛdɛnkɛma vale Yizilayɛma anwo ɛya kpole. Ɔmanle ɛlɔne ratetale bɛ, bole bɛ, wuale bɛ ninyɛne, na ɔyele bɛ ɔmanle bɛ kpɔvolɛma mɔɔ ɛbɔ ɛyia bɛ la. Na Yizilayɛma yɛle anwunvɔne somaa wɔ bɛ sa nu.

Maanlebuvolɛma Buluku ne 3:14

Na Yizilayɛma zonlenle Mowabe Belemgbunli Ɛgelɔn ɛvolɛ bulu nee mɔtwɛ.

Maanlebuvolɛma Buluku ne 3:8

Yemɔti Ɛdɛnkɛma vale Yizilayɛma anwo ɛya kpole kpalɛ. Ɔsɛmanle bɛ ɔwulale Kuhyan Relehyateeyem, mɔɔ le Mɛsɔpɔteemea belemgbunli ne asa anu. Na Yizilayɛma zonlenle Kuhyan Relehyateeyem toonwo ɛvolɛ mɔtwɛ.

Maanlebuvolɛma Buluku ne 6:2

Medeanema asa homonle Yizilayɛma anwo zo kpalɛ. Yizilayɛma zulole Medeanema manle ɔhɔdwule kɛ bɛhyele bɛ nwo ɛhane, bɛsisile ɛvealeka dɔɔnwo wɔ awoka ne mɔ azo, na bɛvunvunle mbɔne wɔ awolɛ nu bɛveale nu.

1 Sam 12:15

Na saa bɛandie Ɛdɛnkɛma ane na bɛbulu ye mɛla ne mɔ azo a, ɔ nee bɛ nee bɛ belemgbunli ne bali.

1 Sam 31:1

Filisitiama nee Yizilayɛma honle wɔ Gelebowa Boka. Bɛhunle Yizilayɛma somaa ne ala wɔ ɛkɛ. Mɔɔ hale la nee Belemgbunli Sɔɔlo nee ɔ mra mrenya ne mɔ nriandile.

1 Sam 4:10

Na Filisitiama honle ɛsesebɛ lile Yizilayɛma anwo zo konim bɛmanle bɛguale ndwɛlɛ aze. Bɛbiale Yizilayɛma mogya takaa; bɛhunle Yizilayɛ ɛlɔnema ne anu apenle ngoko abulasa.