Sɛlɛ 26:16 - BAEBOLO ANZƐƐ BULUKU NWUANZANWUANZA

¹⁶ mɔɔ mebava meayɛ bɛ la ɛne: Mebamaa ɛzulolɛ kpole bie araheda bɛ nwo zo, meamaa ewule mɔɔ maa nwonane wie la, nee ebunlu fufule aha bɛ, azi bɛ nye na yeahu bɛ. Bɛbalua ma na bɛnrɛnyia bie, ɔluakɛ bɛ kpɔvolɛma barali.

Sɛlɛ 26:16 ပူးပေါင်းရင်းမြစ်များ

1 Arl 8:37

“Saa ɛhɔne anzɛɛ ewule nzane ba azɛlɛ ye azo, anzɛɛ ahumu nee abɛbɛ sɛkye bɛ aleɛ, saa bɛ kpɔvolɛma bɔbɔ fa konle batoa bɛ, anzɛɛ anwonyane bɔ bie mɔ na bɛbasɛlɛ wɔ wɔ ɛke a,

Dwobu Buluku ne 18:11

“Ɛzulolɛ bɔ ye mgbɔlɔka, na ɔfoa ye ndinlizo.

Dwobu Buluku ne 20:25

Bɛtwe ye bɛfi sonlabaka ne anu, ɔ ti memeamemea ne fi ye bɔnyema ne anu finde; na ɛzulolɛ kpole ka ye.

Dwobu Buluku ne 31:8

ɛnee maa menlua, na sonla gyɛne ɛli; mɔɔ melua la, maa bɛdudu bɛgua.

Edwɛndolɛ Buluku ne 109:6

Ye amumuyɛnli bie maa ɔho ɔtia me kpɔvolɛ ne, maa awie ɛdo ye ɛzonle ɛva ye ɛhɔ edwɛkɛlilɛ.

Edwɛndolɛ Buluku ne 73:19

Ndɛndɛ ne ala ɛnee bɛ bo zo ɛbɔ, bɛ bo zo ɛminli ɛzulolɛ ɛzulolɛ bie.

Edwɛndolɛ Buluku ne 78:33

Yemɔti ɔmanle bɛ mekɛ zenle waa kɛ ɛnwomenle, na ɔpɛle bɛ ngoane sinli ɛzulolɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:26

Ɔzele bɛ kɛ, “Saa bɛtie medame Ɛdɛnkɛma, bɛ Nyamenle ne me ne, bɛyɛ debie mɔɔ sɔ me nye, bɛdi me mɛla nee me ngyehyɛlɛ ne mɔ azo a, ewule ngakyile mɔɔ memanle ɔrale Yigyibitima anwo zo la, menrɛmaa bie ɛnrɛra bɛ nwo zo; ɔluakɛ medame a mele Ɛdɛnkɛma mɔɔ metondo bɛ ewule a.”

Mrɛlɛbulɛ Buluku ne 3:33

Ɛdɛnkɛma maa munzule tɔ amumuyɛma awuke nu, na ɔyila tenlenema awuke.

Ayezaya Buluku ne 10:4

Bɛyɛ bɛ nwo ɛhwee a ɔnrɛyɛ boɛ, kyesɛ bɛboka menli mɔɔ bɛhye bɛ nuokɛ la anwo anzɛɛ bɛboka bɛdabɛ mɔɔ bɛhu bɛ la anwo. Ɛhye mɔ anzi, Ɛdɛnkɛma ɛya ne ɛnrɛdwo; ɔbahɔ zolɛ yeadenrɛ ɔ sa yeadea bɛ.

Ayezaya Buluku ne 62:8

Ɛdɛnkɛma ɛva ye tumi kpole ne, Nee ye anwosesebɛ ne ɛha ndane kɛ, “Menrɛva bɛ aleɛ ma Menrɛmaa bɛ kpɔvolɛma ɛnrɛli bieko. Nyɛvolɛ ɛnrɛnlo bɛ nwanye Mɔɔ bɛdabɛ bɛvɛ dedee bɛyɛ la ɛlɛ.

Ayezaya Buluku ne 7:2

Mɔɔ bɛhanle bɛhilele Devidi sua nu amra kɛ ɛlɔnema vi Selea ɛraboka Yifelaem anwo la, Ehaze nee ye menli ne kɔsɔɔti ahonle dule na bɛ nwo wozole bɛ kɛ ɛbɔ nu mbaka mɔɔ anwoma ɛlɛbɔ nu la.

Gyɛlɛmaya Buluku ne 12:13

Me menli ne ɛgua hwiiti, na bɛde mbowundile; bɛvɛ toonwo, na bɛvua asakpane. Ɔlua me ɛya kpole ne ati, bɛ bɛyɔba bayɛ anyiemgba.”

Gyɛlɛmaya Buluku ne 15:3

Mebamaa ninyɛne mgbole nna asisi bɛ nwo zo azɛkye bɛ, medame Ɛdɛnkɛma a mese a. Bɛbahu bɛ konle nu, ahwea batete bɛ avunli, nloma basuso bɛ nwonane, yɛɛ nanemgbole bali bɛ nwonane bɔkɔɔ.

Gyɛlɛmaya Buluku ne 15:8

Memaa azɛlɛ ne azo ahunlanvolɛ mraalɛ ɛzo ɛdɛla ɛnweazo anwea. Mezɛkye mgbavolɛ ewia henlema memaa mrɛladane ɛyɛ anwunvɔne; memaa bɛ ɛbolɛ ɛde, ɛzulolɛ ɛha bɛ arɛlevilɛ nu.

Gyɛlɛmaya Buluku ne 20:4

Ɔluakɛ Ɛdɛnkɛma se: Mebamaa ɛ nwo aha ɛzulolɛ amaa ɛdawɔ ɛ nwo nee ɛ gɔnwo mɔ amuala. Bɛ kpɔvolɛma bahu bɛ kɔsɔɔti wɔ ɛdawɔ ɛ nye zo. Mebaye Dwudama amuala meamaa Babelonia belemgbunli ne. Ɔbahye bie mɔ nuokɛ ɔ nee bɛ ahɔ Babelonia na yeahu bie mɔ.

Gyɛlɛmaya Buluku ne 5:17

Bɛbali bɛ bɛyɔba ne nee bɛ aleɛ ne; bɛbahu bɛ mra mrenya nee bɛ mra mraalɛ. Bɛbahu bɛ mboane nee bɛ nlankɛ, na bɛazɛkye bɛ vanye mbaka nee bɛ feege mbaka. Bɛbabubu bɛ azuamgbole ne mɔ mɔɔ bɛbɔ nwolɛ bane na bɛ ti zɔ bɛ la.”

Yizikeɛle Buluku ne 24:23

Bɛbabɔ bɛ abɔtile ne mɔ, bɛawula mgbɔlaboa; bɛnrɛzu yɛɛ bɛnrɛli nyane. Bɛ ninyɛndane ne mɔ bamaa bɛanwa na bɛazu bɛ kunlu bɛakponle bɛahile bɛ nwo ngoko.

Yizikeɛle Buluku ne 33:10

Ɛdɛnkɛma zele me kɛ, “Na wɔmɔ, sonla ra, ka kile Yizilayɛma kɛ, mɔɔ wɔha la ɛne: ‘Yɛ mɛladonlɛ nee yɛ ɛtane ne mɔ ɛbu ɛzia yɛ; na ɛhye ati a yɛmkpazi a. Na kɛ ɔkɛyɛ na yɛanyia ngoane ɛ?’

Emɔzo Buluku ne 5:11

Yemɔti, kɛmɔ bɛsisi ehyianvolɛma na bɛwua bɛ hwiiti ne mɔ la ati bɛva awolɛ bɛsisi azua ngɛnlɛma, noko bɛnrɛla nuhua, yɛɛ bɛyɛ vanye egyinli ngɛnlɛma, noko bɛnrɛnlo bɛ ma ne mɔ anu nwanye.

Maeka Buluku ne 6:15

Bɛbalua, na bɛnrɛbu; bɛbabua ɔlivi ma, na bɛnrɛva ye nwole ne bie bɛnrɛkpokpa; bɛbabua vanye ma, na bɛnrɛnlo nuhua nwanye ne bie.

Hagae Buluku ne 1:6

Bɛlua ma dɔɔnwo, na bɛbu ekyi bie; bɛdi debie, noko bɛ ko ɛnyi; bɛno nwanye, noko bɛmbo; bɛkeda ndanlɛ, noko bɛ nwo ɛnyɛ wuluwulu, yɛɛ mɔɔ die ahatualɛ la die ezukoa ne gua kodoku mɔɔ abo le tokule la anu.

Zɛkalaya Buluku ne 14:12

Akee ewule mɔɔ Ɛdɛnkɛma bava ado maanle maanle mɔɔ kɛva konle kɛdoa Gyɛlusalɛm la anwo la ɛne: bɛ nwonane bakpɔlɔ wɔ mekɛ mɔɔ bɛde ngoane nu la, bɛ nye bakpɔlɔ bɛ nye mbɔne ne mɔ anu, yɛɛ bɛ tafinlima bakpɔlɔ bɛ nloa anu.

Malakae Buluku ne 2:3

Mebahwi bɛ bo zo amra anyunlu, na meava bɛ azubɔlɛ nane ne mɔ ebinli meakpuda bɛ nyunlu, na meaye bɛ meavi me nye zo.

Mɛla 28:51

Bɛbali bɛ nlankɛ ne mɔ na bɛali bɛ ɛya nu aleɛ muala, kɔkpula kɛ bɛ bo zo kɛbɔ la. Bɛnrɛgyakyi bɛ aleɛ ma ɛdwoba ko bɔbɔ, na yeayɛ nwanye nee nwole; bɛnrɛmaa bɛ nlankɛ ɛnrɛda yɛɛ bɛ mboane mralɛ ɛnrɛzo, kɔkpula kɛ bɛkɛminli bɛ bo zo bɔkɔɔ la.

Mɛla 32:25

Bɛbadɔ dadeɛ nloa wɔ konle nu, bɛbanwu ɛzulolɛ bɛ sua kunlu. Bɛbahu mgbavolɛ nee mbɛlɛra, yɛɛ ngakula mɔɔ no nyɛfonlɛ nee mrelera.

Kɛlata mɔɔ bɛhɛlɛle bɛhɔmanle Hibuluma la 10:31

Ɔkɛyɛ ɛzulolɛ ɛdeɛ, kɛ ɛkɛdɔ tease Nyamenle ne ɛhane nu a!

Maanlebuvolɛma Buluku ne 6:11

Na Ɛdɛnkɛma soanvolɛ radɛnlanle baka kpole bie abo wɔ Ɔfela. Baka ɛhye le Dwowahye, mɔɔ le Ebayizɛ abo zo amra ne mɔ bie la ɛdeɛ. Mekɛ ne anu ɛnee Ebayizɛ ara Gedɛyɔn vea nwanyeyɛlɛ sua ne anu ɛlɛwozo atoko.

1 Sam 2:33

Mebagyakyi ɛ bo zo amra ne anu ko mɔɔ ɔbazonle me kɛ me sɛlɛvolɛ. Ɔ nye bazi na yeaminli anyelazo muala, yɛɛ ɛ bo zo amra mɔɔ ɛha la kɔsɔɔti bawu dadeɛ nloa.