Sɛlɛ 26:13 - BAEBOLO ANZƐƐ BULUKU NWUANZANWUANZA

¹³ Medame a mele Ɛdɛnkɛma bɛ Nyamenle ne, mɔɔ menyele bɛ menvile Yigyibiti azɛlɛ zo a, amaa bɛanyɛ Yigyibitima ahanra. Meye bɛ kɔme kpomgbolo ne memaa bɛnyia bɛ ti.

Sɛlɛ 26:13 ပူးပေါင်းရင်းမြစ်များ

Edwɛndolɛ Buluku ne 116:16

O Ɛdɛnkɛma, mele wɔ sonvolɛ; mele wɔ sonvolɛ, wɔ sonvolɛ raalɛ ara nrenya. Wɔzianyi me nwɔnzɔnwɔnzɔ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:8

Ɛdɛnkɛma manle Yigyibiti belemgbunli ne ahonle yɛle se. Ɔbulule debie biala azo na ɔdoale Yizilayɛma wɔ mekɛ mɔɔ ɛnee bɛlua adenle nu konimlilɛ nu bɛlɛkɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Ayezaya Buluku ne 51:23

Mebava meawula menli mɔɔ ɛlɛsisi bɛ, mɔɔ ɛha ɛhile bɛmɛ Yizilayɛma kɛ, ‘Bɛbutu bɛmaa yɛtietia bɛ nwo zo,’ na bɛva bɛ nzi bɛyɛ ndɛtɛlɛ bɛtietia zo la, na bɛ nzi ɛyɛ guabile mɔɔ bɛdua zolɛ la asa anu.”

Ayezaya Buluku ne 9:3

Wɔmaa maanlema anwo ɛzo, wɔmaa bɛ anyelielɛ ɛyɛ kpole; bɛdi fɛlɛko wɔ ɛ nyunlu kɛ menli mɔɔ ɛbu bɛyɔba na bɛ nye ɛlie, kɛ menli mɔɔ ɛnyia afedeɛ na bɛlɛkyɛ la.

Gyɛlɛmaya Buluku ne 2:20

“Mekɛ tendenle mɔɔ ɛze ɛhɔ la, bɛdele nyɛma, bɛdɛlale anhwe, na bɛhanle kɛ, ‘Yɛnrɛzonle wɔ!’ Ɛhɛe, boka tendenle biala azo nee baka buzuu biala abo, bɛbutule kɛ tuutuu.

Gyɛlɛmaya Buluku ne 28:2

“Medame Tumivolɛ Ɛdɛnkɛma, Yizilayɛ Nyamenle ne, mebubu Babelonia belemgbunli ne gyɛnvayile ne anu.

Gyɛlɛmaya Buluku ne 28:4

Eza mebava Gyɛhɔyakem ara nrenya Gyɛhɔyakɛn, Dwuda belemgbunli ne, nee menli mɔɔ bɛhyele bɛ Dwuda bɛhɔle nlɔnu wɔ Babelonia la amuala meazia meara, ɔluakɛ mebabubu Babelonia belemgbunli ne gyɛnvayile ne. Medame Ɛdɛnkɛma a mese a.”

Yizikeɛle Buluku ne 30:18

Awozinli bava Tapanehizi wɔ mekɛ mɔɔ menwɔzɛkye Yigyibiti nee ye anwosesebɛ ne mɔɔ ɔfa ɔtu ɔ nloa anu la. Amungu bava ye na bɛahye ye mralɛ mraalɛ ne mɔ nuokɛ.

Yizikeɛle Buluku ne 34:27

Ɛbɔ nu mbaka bazo ma amaa bɛ, na azɛlɛ ne amaa bɛ aleɛ ahye, na bɛ nwo adɔ bɛ wɔ bɛ maanle ne anu. Saa meye bɛ kɔme kpomgbolo, na medie bɛ mefi menli mɔɔ ɛva bɛ ɛyɛ bɛ ahanra la asa anu a, bɛbanwu kɛ medame a mele Ɛdɛnkɛma a.

Hozia Buluku ne 11:4

Menvale ahunlunyeleyɛlɛ nee ɛhulolɛ menlile bɛ ti, menyele bɛ kɔme kpomgbolo, na membutule memanle bɛ aleɛ.

Sɛlɛ 25:38

Mame a mele Ɛdɛnkɛma bɛ Nyamenle ne mɔɔ nee bɛ vi Yigyibiti azɛlɛ zo rale kɛ mebava Keena azɛlɛ ne meamaa bɛ na meayɛ bɛ Nyamenle la a.

Sɛlɛ 25:42

Ɔluakɛ bɛle me sonvolɛma mɔɔ me nee bɛ vi Yigyibiti azɛlɛ zo rale a. Ɔnle kɛ bɛtɔne bɛ ahanra.

Sɛlɛ 25:55

Ɔluakɛ mame, Yizilayɛma amuala le sonvolɛma. Bɛle me sonvolɛma mɔɔ me nee bɛ vi Yigyibiti azɛlɛ zo rale a: medame a mele Ɛdɛnkɛma bɛ Nyamenle ne a.”

Nahum Buluku ne 1:13

Mebaye Aseleama kpomgbolo ne me menli ne akɔme na meabubu Aseleama kpanwu ne mɔ anu.”