Sɛlɛ 26:1 - BAEBOLO ANZƐƐ BULUKU NWUANZANWUANZA

¹ Ɛdɛnkɛma zele Mosisi kɛ, “Bɛmmayɛ mmonle nee ananze yɛɛ bɛmmasi mpila biala, yɛɛ bɛmmase bolɛ bɛsie ye bɛ azɛlɛ ne azo kɛ bɛbɔ bɛ ti aze bɛamaa bɛ, ɔluakɛ medame a mele Ɛdɛnkɛma bɛ Nyamenle ne a.

Sɛlɛ 26:1 ပူးပေါင်းရင်းမြစ်များ

2 Arl 17:10

Bɛyɛle bɛ bozonle raalɛ Ahyela ne ananze na bɛvale awolɛ bɛsisile mpila bɛzieziele ananze ne mɔ zolɛ, wɔ awoka zo nee mbaka bo.

2 Arl 17:16

Bɛbulule Ɛdɛnkɛma bɛ Nyamenle ne mɛla mɔɔ ɔvale ɔmanle bɛ la kɔsɔɔti azo, na bɛvale ninyɛne bɛholole bɛguale nlankɛ nyinli ananze nwiɔ bɛzonlenle bɛ. Eza bɛyɛle bɛ bozonle raalɛ Ahyela ne ananze, na bɛzonlenle anwomanyunlu ninyɛne nee bozonle Beeyale.

2 Arl 17:8

bɛzukoale bɛyɛle ninyɛne mɔɔ menli mɔɔ Ɛdɛnkɛma dule bɛ azɛlɛ ne azo la yɛ la bie. Ɛdɛnkɛma dule menli mɔɔ wɔ azɛlɛ ne azo la wɔ mekɛ mɔɔ Yizilayɛma ba la. Eza bɛlile amaamuo mɔɔ bɛ arelemgbunli ne mɔ hyehyɛle manle bɛ la angome azo.

Edwɛndolɛ Buluku ne 78:58

Bɛvale bɛ ɛleka mɔɔ bɛsonle la bɛhanle ye ɛya; bɛvale bɛ ananze mɔɔ bɛguale la bɛfutule ye ahonle.

Edwɛndolɛ Buluku ne 97:7

Bɛdabɛ mɔɔ bɛsonle ananze la anyunlu ɛgua aze; bɛdabɛ mɔɔ bɛfa mmonle bɛtu bɛ nwo la anyunlu ɛgua aze; nyamenle kɔsɔɔti bɔ bɛ ti aze maa ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:23

Bɛmmafa dwɛtɛ fufule bɛyɛ awozonle bɛboka me nwo, anzɛɛ bɛmmafa ezukoa nvutuke bɛyɛ awozonle bɛmaa bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:24

bɛmmabɔ bɛ ti aze bɛmaa bɛ nyamenle ne mɔ yɛɛ bɛmmasonle bɛ, anzɛɛ bɛmmayɛ bɛ ɛzonlenlɛ ne mɔ bie. Bɛzɛkye bɛ na bɛbubu bɛ ɛzonlenlɛ mpila ne mɔ dwɔkɔdwɔkɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:17

“Bɛmmagua awozonle ananze biala bɛmaa bɛ nwo na bɛsonle bɛ.

Ayezaya Buluku ne 2:20

Mekɛ ne anu menli bavuandi bɛ dwɛtɛ fufule nee ezukoa nvutuke mmonle ne mɔ mɔɔ bɛyɛ bɛmaa bɛ nwo na bɛsonle bɛ la agua. Bɛbagyakyi bɛ bɛamaa abotokila nee akpanlɛ ne mɔ.

Sɛlɛ 19:4

“Bɛmmagyakyi me bɛkɔsonle awozonle na bɛyɛ ananze mmonle biala bɛmaa bɛ nwo. Medame a mele Ɛdɛnkɛma bɛ Nyamenle ne a.

Sɛlɛ 25:55

Ɔluakɛ mame, Yizilayɛma amuala le sonvolɛma. Bɛle me sonvolɛma mɔɔ me nee bɛ vi Yigyibiti azɛlɛ zo rale a: medame a mele Ɛdɛnkɛma bɛ Nyamenle ne a.”

Sɛlɛ 7:33

Ɛzɔlɛ ɛhye le sɛlɛvolɛ ne nee Aalɔn amra ne mɔ mɔɔ to anzonudwolɛ azubɔdeɛ mogya ne gua azukponle ne anwo la ɛdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:52

bɛvoa menli mɔɔ de azɛlɛ ne azo la. Bɛzɛkye bɛ awolɛ nee mbulalɛ mmonle ne mɔ nee ɛleka mɔɔ bɛsɔ bɛ la kɔsɔɔti.

Ɛzoanvolɛma Gyima ne 17:29

Saa yɛle ɔ mra a, ɛnee ɔnle kɛ yɛdwenle kɛ Nyamenle le abɔdeɛ bie mɔɔ le kɛ ezukoa nvutuke anzɛɛ dwɛtɛ fufule anzɛɛ bolɛ ananze bie mɔɔ sonla ɔdaye yeva ye adwenle yehyehyɛ na yeyɛ la.

Mɛla 27:15

“ ‘Munzule ɛha sonla ne mɔɔ kɛgua anzɛɛ kɛze ananze, anzɛɛ debie biala mɔɔ le bɛkyi maa Ɛdɛnkɛma na ɔkɛvea ɔkɛzonle ye la; ɔle sonla asa anloa gyima yɛɛ Ɛdɛnkɛma kyi.’ “Menli ne amuala baha kɛ, ‘Amen!’

Mɛla 5:6

‘Mame a mele Ɛdɛnkɛma bɛ Nyamenle ne mɔɔ yele bɛ vile akɛlɛzonlenlɛ nu wɔ Yigyibiti azɛlɛ zo rale la.

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.

Maanlebuvolɛma Buluku ne 18:30

Danema ne vale Maeka ananze nyamenle ne mɔ ziele yɛle bɛ ɛdeɛ. Na Mosisi ara nrenya Gɛhyɔn ara Dwɔnatan nee ɔ mra mrenya ne mɔ yɛle Dan abusua ekpunli ne sɛlɛvolɛma hɔkpulale mekɛ mɔɔ bɛvale maanle ne donvula la.