Sɛlɛ 25:9 - BAEBOLO ANZƐƐ BULUKU NWUANZANWUANZA

⁹ Na soa maa bɛhɔbɔ aweɛne tendenle ne wɔ ɛvolɛ zɔhane siane nsuu ne kenle bulu ne azo, wɔ maanle ne anu amuala; kenle ne le mgbɔdalɛ kenle.

Sɛlɛ 25:9 ပူးပေါင်းရင်းမြစ်များ

Edwɛndolɛ Buluku ne 89:15

O Ɛdɛnkɛma, nyilalɛ ɛha bɛdabɛ mɔɔ bɛfa edwɛndolɛ bɛtea nu bɛfɛlɛ wɔ, nee bɛdabɛ mɔɔ bɛdua wɔ ahunlunyele wienyi ne anu la.

Edwɛndolɛ Buluku ne 89:16

Nyilalɛ ɛha bɛdabɛ mɔɔ bɛfa wɔ duma ne bɛtu bɛ nwo, na bɛyeyɛ wɔ tenleneyɛlɛ ne la.

Ayezaya Buluku ne 27:13

Mekɛ ne anu bɛbabɔ aweɛne tendenle kpole ne anu, na bɛdabɛ mɔɔ bɛminlinle bɛhɔle Aselea azɛlɛ zo, nee bɛdabɛ mɔɔ bɛvoanle bɛ bɛmanle bɛhɔle Yigyibiti azɛlɛ zo la bara na bɛarazonle Ɛdɛnkɛma wɔ Boka Nwuanzanwuanza ne azo wɔ Gyɛlusalɛm.

Sɛlɛ 16:20

“Saa Aalɔn wie Nwuanzanwuanza Nu Nwuanzaanwu Ɛleka ne, Ɛdɛnkɛma Ndanlɛ Sua ne nee azukponle ne mɔ ati mgbɔdalɛ nzɛlɛlɛ ne yɛ a, akee ɔbava abɔnkye ne mɔɔ bɛtɛkunle ye la yeamaa Ɛdɛnkɛma.

Sɛlɛ 16:29

“Akee ɔbayɛ mɛla mɔɔ wɔ ɛkɛ ne dahuu ɔmaa bɛ a; siane nsuu ne kenle bulu ne azo, ɔwɔ kɛ bɛkye ɛhɔne mɔɔ bɛdabɛ o, nyɛvolɛ mɔɔ nee bɛ de la o, biala ɛnyɛ gyima a.

Sɛlɛ 16:30

Ɔluakɛ kenle ɛhye anu yɛɛ bɛyɛ bɛ ti mgbɔdalɛ nzɛlɛlɛ, bɛanlua bɛ, bɛade bɛ nwo bɛavi bɛ ɛtane ne mɔ anwo, na bɛ nwo ayɛ bɔkɔbɔkɔ wɔ Ɛdɛnkɛma anyunlu a.

Sɛlɛ 23:24

“Ka kile Yizilayɛma kɛ, ‘Siane nsuu ne kenle ne mɔɔ lumua la, ɔwɔ kɛ bɛdie bɛ ɛnwomenle. Ɔle ngakyelɛ ɛnwomenlelielɛ kenle mɔɔ ɔwɔ kɛ bɛbɔ aweɛne ndendenle bɛfa bɛmaa menli ne bayia nu yɛ nzɛlɛlɛ a.

Sɛlɛ 23:27

“Siane nsuu ɛhye ala kenle bulu ne le mgbɔdalɛ nzɛlɛlɛ kenle. Ɔle mekɛ mɔɔ ɔwɔ kɛ bɛyia nuhua bɛyɛ nzɛlɛlɛ a. Ɔwɔ kɛ bɛkye ɛhɔne na bɛfa ɛyelalɛ azubɔdeɛ bɛbɛlɛ Ɛdɛnkɛma.

Sɛlɛ 25:8

“Akee bɛbadia ɛvolɛ nsuu nsuu fane nsuu, mɔɔ ye dodo le ɛvolɛ abulanla nee ngɔnla la.

Sɛlɛ 27:17

Saa ɔdule ɛya ne ɔmanle Ɛdɛnkɛma wɔ ɛvolɛ abulanlu ɛvoyia ne anloa a, ye bolɛ ne gyi kɛmɔ ɔgyi ye ala la.

Sɛlɛ 27:24

Ɛvolɛ abulanlu ɛvoyia ne dwu a, ɔwɔ kɛ bɛsiane azɛlɛ ne bɛmaa ɔ menle ne mɔɔ dɔnenle ye na azɛlɛ ne le ye agyadeɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:10

Wɔ fɛlɛkolilɛ nu noko, Siane Fofolɛ Ɛvoyia ne mɔ nee ɛvoyia ngakyile ne mɔ ɛlilɛ nu, bɛwu aweɛne ndendenle ne mɔ anu bɛgua ɛyelalɛ azubɔdeɛ ne mɔ azo, nee bɛ anzonudwolɛ azubɔdeɛ ne mɔ azo, na mebaboa bɛ. Medame a mele Ɛdɛnkɛma bɛ Nyamenle ne a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 36:4

Wɔ Ninyɛne Ɛzianenlɛ Ɛvolɛ ne anu, mekɛ mɔɔ bɛsiane ninyɛne mɔɔ bɛdɔnenle bɛ la bɛkɔmaa bɛ menle mɔ la dwu a, bɛbava Zilɔfɛhade amra mraalɛ agyadeɛ ne mɔ bɛahɔboka mbusua ekpunli ne mɔɔ nuhua mrenya ɛgyigya bɛ la ɛdeɛ ne mɔ anwo, na yɛmɛ yɛ abusua ekpunli ne aminli agyadeɛ ɛhye mɔ.”

Wulo 10:18

Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se, “Bɛ ne ɛdwu ewiade muleɛ muala azo; bɛ edwɛkɛ ɛdwu azɛlɛ ye kodoka biala anu.”

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

1 Tɛs 1:8

Ɔluakɛ tɛ Awulae anwo nrɛlaleɛ ne angome yɛɛ vi bɛ ɛkɛ ne dwule Masidonea nee Akaya a, na eza bɛ diedi mɔɔ wɔ Nyamenle anu la noko ɛdwu menli mɔɔ wɔ ɛleka muala la anzo nu. Ɛhye ati, ɔngyia kɛ yɛkɛha nwolɛ edwɛkɛ bɔbɔ.

Dwɔhyua Buluku ne 6:4

Ɛbamaa sɛlɛvolɛma nsuu ava mboane mɛne nsuu ayɛ aweɛne na bɛali Ngyekyeleɛ Ɛlɛka ne anyunlu. Kenle ne mɔɔ tɔ zolɛ nsuu la, ɛ nee wɔ ɛlɔnema ne bɛdia kilikili bɛbɔ sua bɔdenle ne mgbɔlɔka fane nsuu. Mekɛ ɛhye amuala ɛnee sɛlɛvolɛma ne ɛlɛwu bɛ aweɛne ne mɔ anu.