Sɛlɛ 24:9 - BAEBOLO ANZƐƐ BULUKU NWUANZANWUANZA

⁹ Kpanwo zɔhane mɔ le Aalɔn nee ɔ mra mrenya ne mɔ ɛdeɛ, yɛɛ ɔwɔ kɛ bɛdi ye wɔ ɛleka mɔɔ le nwuanzanwuanza la, ɔboalekɛ ɔle azubɔdeɛ mɔɔ bɛyela bɛmaa Ɛdɛnkɛma la anu bie Ɔle nwuanzanwuanza kpalɛ kpalɛ na dahuu ɔle sɛlɛvolɛma ne mɔ ɛdeɛ.”

Sɛlɛ 24:9 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:21

Aalɔn nee ɔ mra mrenya ne mɔ a ɔwɔ kɛ nea sɔ kɛnlaneɛ ne mɔɔ wɔ Ndanlɛ Sua ne anu mgbɛnu ɛdanlɛ ne mɔɔ wɔ Ngyekyeleɛ Ɛlɛka ne anyunlu la a, yɛɛ ɔwɔ kɛ ɔsɔ ɔgyinla me nyunlu ɛkɛ ɔvi nɔsolɛ toonwo alehyenlɛ. Yizilayɛma nee bɛ bo zo amra ɔwɔ kɛ sie mɛla ɛhye dahuu.

Sɛlɛ 10:12

Mosisi zele Aalɔn nee ɔ mra mrenya nwiɔ ne mɔɔ ɛha la, Ɛlieza nee Yetamaa kɛ, “Bɛva ma azubɔdeɛ ne mɔɔ bɛyelale bɛbɔle azu bɛmanle Ɛdɛnkɛma la abo ne mɔɔ ɛha la, bɛmmafa mgbɔvonle bɛwula nu, na bɛli wɔ azukponle ne anwo ɛkɛ, ɔluakɛ ɔle nwuanzanwuanza kpalɛ kpalɛ.

Sɛlɛ 10:17

“Duzu ati a bɛanli ɛtane azubɔdeɛ ne wɔ ɛleka nwuanzanwuanza ne ɛ? Ɔboalekɛ ɔle debie nwuanzanwuanza kpalɛ kpalɛ mɔɔ bɛvale bɛmanle bɛ, amaa bɛazoa menli ne ɛtane ne mɔ na bɛahɔyɛ nwolɛ mgbɔdalɛ nzɛlɛlɛ wɔ Ɛdɛnkɛma anyunlu.

Sɛlɛ 21:22

Ɔkola ɔdi ye Nyamenle ne aleɛ nwuanzanwuanza nee aleɛ nwuanzanwuanza kpalɛ ne bie,

Sɛlɛ 24:10

Nrenya bie wɔ Yizilayɛma avinli, ɔ ze le Yigyibitinli, yɛɛ ɔ nli le Yizilayɛnli. Bɛfɛlɛ ɔ nli Hyɛlomete. Hyɛlomete ɔ ze a le Debelae, mɔɔ vi Dan abusua ekpunli ne anu la. Ɔrale kɛ kenle ko nrenya ne nee Yizilayɛnli bie nyianle butule; nrenya ne bɔle Nyamenle sasa, na bɛhyele ye bɛhɔmanle Mosisi.

Sɛlɛ 3:17

Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”

Sɛlɛ 6:11

Akee ɔbakpa ye adɛladeɛ ne mɔ yeagua, yeava adɛladeɛ gyɛne yeawula, na yeava nzonle ne yeahɔ azokoɛleɛ ne kandiba ɛleka mɔɔ le bɔkɔbɔkɔ la.

Sɛlɛ 6:16

Aalɔn nee ɔ mra mrenya ne mɔ bali mɔɔ kɛha la. Ɔnle kɛ bɛfa mgbɔvonle bɛwula nu na bɛali, yɛɛ ɔwɔ kɛ bɛdi ye ɛleka mɔɔ te la. Ɛdɛnkɛma Ndanlɛ Sua ne alie ne anwo a ɔwɔ kɛ bɛdi zɔhane aleɛ ne a.

Sɛlɛ 6:9

“Ka kile Aalɔn nee ɔ mra ne mɔ kɛ: Mɛla mɔɔ wɔ ɛyelalɛ azubɔdeɛ nwo la ɛne. Ɔwɔ kɛ ɛyelalɛ azubɔdeɛ ne da azukponle ne azo anyevinle ne nɔe ne toonwo alehyenlɛ, yɛɛ ɔwɔ kɛ azukponle ne azo senle ne sɔ bɔ ye.

Sɛlɛ 8:3

Boɔboa menli ne kɔsɔɔti anloa wɔ Ɛdɛnkɛma Ndanlɛ Sua ne anlenkɛ ne anloa.”

Sɛlɛ 8:31

Na Mosisi zele Aalɔn nee ɔ mra ne mɔ kɛ, “Bɛdo nane ne wɔ Ɛdɛnkɛma Ndanlɛ Sua ye anuhɔlɛ lɔ, na bɛli bɛboka kpanwo ne mɔɔ wɔ kɛndɛne ne mɔɔ sɛlɛvolɛwulalɛ azubɔlɛ ninyɛne ne mɔ wɔ nu la, kɛmɔ menzele bɛ la kɛ, ‘Aalɔn nee ɔ mra ne mɔ a bali a.’

Malakae Buluku ne 1:12

Na bɛmɛ, saa bɛka kɛ ‘Ɛdɛnkɛma azukponle ne anwo ɛnde yɛɛ kpanwo ne ɛnle kpalɛ’ a ɛnee bɛgua azukponle ne anwo evinli.

Edwɛkpa ne kɛmɔ Mateyu hɛlɛle la 12:4

Se Devidi hɔle Nyamenle Sua ne anu na ɔhɔvale azu kpanwo ne bie ɔlile, wɔ mekɛ mɔɔ adenle ɛnla ɛkɛ kɛ awie di bie kyesɛ sɛlɛvolɛma ala la.

Edwɛkpa ne kɛmɔ Maake hɛlɛle la 2:26

Wɔ Sɛlɛvolɛ Kpanyinli Abayata mekɛ zo, Devidi hɔle Nyamenle sua ne anu na ɔ nee ye menli ne mɔ lile kpanwo ne mɔɔ bɛva bɛbɔ azu bɛmaa Nyamenle la. Yɛ mɛla ne kile kɛ ɔwɔ kɛ sɛlɛvolɛma angome ala a di zɛhae kpanwo ne a. Noko Devidi lile bie, eza ɔvale bie ɔmanle menli mɔɔ ɔ nee bɛ lua la lile. Asoo bɛtɛtele ɛhye?”

Edwɛkpa ne kɛmɔ Luku hɛlɛle la 6:4

Ɔhɔle Nyamenle sua ne anu na ɔhɔvale kpanwo ne mɔɔ bɛva bɛbɔ azu bɛmaa Nyamenle la, ɔlile bie na ɔvale bie ɔmanle ye menli ne mɔ lile. Noko yɛ mɛla ne tua kɛ awie gyɛne mmadi bie kyesɛ sɛlɛvolɛma ne mɔ ala.”

1 Sam 21:6

Yemɔti sɛlɛvolɛ ne manle Devidi kpanwo nwuanzanwuanza ne bie, ɔluakɛ ɛnee kpanwo mɔɔ wɔ ɛkɛ ne la ala a le mɔɔ bɛva bɛbɔ azu bɛmaa Ɛdɛnkɛma na bɛva bɛzie Ɛdɛnkɛma anyunlu la. Saa bɛye bɛfi azukponle ne azo a, ɔwɔ kɛ bɛfa fofolɛ wuluwulu bɛsie ɔ bo zo ne.