Sɛlɛ 24:7 - BAEBOLO ANZƐƐ BULUKU NWUANZANWUANZA

⁷ Fa ɛyɛlɛ evuanlɛ gua ɛhonlone ko biala anwo fa kile kɛ ɔle aleɛ mɔɔ bɛva bɛbɔ azu bɛmaa Ɛdɛnkɛma a.

Sɛlɛ 24:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:16

Mekɛ biala mɔɔ nyangondonle kɛdo anwomanyunlu la, mebahakye zɛhae damɛnlangoate ngyekyeleɛ ye mɔɔ me nee azɛlɛ ye azo abɔdeɛ muala ɛkyekye la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:14

Kenle zɔhane bayɛ ngakyelɛ kenle amaa bɛ, na bɛbazie ye kɛ Ɛdɛnkɛma Ɛvoyia kenle. Awolɛndoazo kɔsɔɔti bazie kenle ne na bɛali ɛvoyia ne.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:9

Na ɔbayɛ kɛ sɛkɛlɛneɛ mɔɔ wɔ bɛ sa anwo na yeayɛ kɛ ngakyedeɛ wɔ bɛ nwoma azo, amaa Ɛdɛnkɛma mɛla ne ala bɛ nloa, ɔluakɛ ɔlua tumi kpole zo, Ɛdɛnkɛma ɛye bɛ ɛvi Yigyibiti.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:14

Akee Ɛdɛnkɛma zele Mosisi kɛ, “Kɛlɛ ɛhye wɔ buluku nu maa ɔyɛ ngakyelɛ na kenga kile Dwɔhyua kɛ: Mebanunu Amalɛkema abo zo bɔkɔɔ wɔ aleɛabo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:12

Akee bɛva awolɛ nwiɔ ne bɛsosɔ ɛzonlenlɛ tɛladeɛ yifɔdo ne abati nwiɔ ne bɛmaa bɛyɛ Yizilayɛ mbusua ekpunli bulu nee nwiɔ ne ngakyedeɛ. Wɔ adenle ɛhye anu, dahuu Aalɔn bazoa bɛ aluma ɔ bati nwiɔ ne, amaa medame Ɛdɛnkɛma meava meahakye me menli ne.

Ayezaya Buluku ne 43:23

Bɛtɛfale bɛ mboane bɛtɛbayɛle ɛyelalɛ azubɔdeɛ bɛtɛmanle me, yɛɛ bɛtɛfale azubɔlɛ bɛtɛdile me eni. Metɛfale azubɔlɛ metɛyɛle kpomgbolo metɛkpolole bɛ, yɛɛ metɛgyegyele bɛ wɔ ɛyɛlɛ evuanlɛ nwo.

Sɛlɛ 2:1

“Saa awie fa ma ara kɛ ɔfa yearabɔ azu yeamaa Ɛdɛnkɛma a, ɔwɔ kɛ ɔpe ɔyɛ ye esamo. Ɔwɔ kɛ ɔgua ɔlivi nwole zolɛ na ɔgua ɛyɛlɛ evuanlɛ nu,

Sɛlɛ 2:2

na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 2:9

Akee sɛlɛvolɛ ne bava bie ahile kɛ bɛva bɛra kɛ ɔle azubɔdeɛ, na yeayela ye wɔ azukponle ne azo, kɛ azubɔdeɛ mɔɔ bɛva senle bɛbɔ la, na ye evuanlɛ sɔ Ɛdɛnkɛma anye.

Dw 6:35

Gyisɛse buale bɛ kɛ, “Mame a mele ngoane kpanwo ne a. Mɔɔ kɛra me nwo la, ɛhɔne ɛnrɛhu ye ɛlɛ, yɛɛ mɔɔ kɛlie me kɛli la, nzuhɔne ɛnrɛhu ye ɛlɛ.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Ɛzoanvolɛma Gyima ne 10:31

na ɔzele me kɛ, ‘Kɔnileɛse! Wɔ nzɛlɛlɛ ɛdwu Nyamenle anyunlu na yenwu wɔ ahunlunyele gyima ne amuala.

Ɛzoanvolɛma Gyima ne 10:4

Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.