Sɛlɛ 24:5 - BAEBOLO ANZƐƐ BULUKU NWUANZANWUANZA

⁵ “Fa esamo kilo bulu nee nwiɔ fɔtɔ to kpanwo ahunguma bulu nee nwiɔ.

Sɛlɛ 24:5 ပူးပေါင်းရင်းမြစ်များ

1 Arl 18:31

Akee Yilaegya sesale awolɛ bulu nee nwiɔ; ko biala gyi ɛkɛ maa Yizilayɛ abusua ekpunli ko. Mbusua bulu nee nwiɔ ɛhye a le Gyekɔbo amra ne mɔ. Gyekɔbo ɛhye a Ɛdɛnkɛma donle ye Yizilayɛ la.

1 Edk 23:29

Bɛdabɛ yɛɛ ɔwɔ kɛ bɛnea kpanwo ne mɔɔ bɛva bɛbɔ azu bɛmaa Nyamenle la azo a, ɔwɔ kɛ bɛnea esamo ne mɔɔ bɛva bɛbɔ azu, kpanwo ne mɔɔ mgbɔvonle ɛnle nu, esamo ne mɔɔ bɛva ɔlivi nwole bɛfete, yɛɛ azubɔdeɛ ne mɔɔ bɛdondo la azo a. Eza ɔwɔ kɛ bɛsuzu na bɛtila Ɛzonlenlɛ Sua ne azubɔdeɛ ne mɔ anloa.

1 Edk 9:32

Bɛdabɛ mɔɔ bɛvi Kohate abusua nu la a yɛ kpanwo ngunguma bulu nee nwiɔ ne mɔɔ Ɛnwomenlelielɛ Kenle biala bɛfa bɛgua ɛkponle zo bɛbɔ azu bɛmaa Nyamenle la a.

2 Edk 13:11

Bɛbɔ ɛyelalɛ azu bɛmaa Ɛdɛnkɛma nwonlomɔ nee nɔsolɛ biala na bɛkpu ɛyɛlɛ evuanlɛ, bɛfa kpanwo nwuanzanwuanza ne bɛgua ezukoa nvutuke ɛkponle ne azo, bɛnea ezukoa nvutuke kɛnlaneɛ mbaka ne mɔ azo, amaa ahɛnlaneɛ mɔɔ gyigyi zo la ada nɔsolɛ biala. Ɔluakɛ yɛyɛ mɔɔ Ɛdɛnkɛma yɛ Nyamenle ne ɛze yɛ la, na bɛmɛ, bɛkpo ye.

Nihɛmaya Buluku ne 10:33

Yɛbava ninyɛne yɛara yɛamaa bɛava bɛayɛ ɛhye mɔ wɔ Ɛzonlenlɛ Sua ne anu bɛamaa Nyamenle: kpanwo nwuanzanwuanza ne, dahuu aleɛ ma azubɔdeɛ ne, nane mɔɔ kenle ko biala bɛbayela bɛabɔ azu la, Ɛnwomenlelielɛ Kenle ne azubɔlɛ ninyɛne, Siane Fofolɛ ɛvoyialilɛ ninyɛne, yɛɛ azubɔlɛ nwuanzanwuanza mɔɔ ɛha la anwo ninyɛne, azubɔlɛ mɔɔ bɛfa bɛanrinzi Yizilayɛma ɛtane ne mɔ la anwo ninyɛne, yɛɛ debie biala mɔɔ bɛhyia nwolɛ wɔ Ɛzonlenlɛ Sua ne anu la.

Nihɛmaya Buluku ne 10:34

Ɛvolɛ biala, yɛdayɛ Yizilayɛma, sɛlɛvolɛma, yɛɛ Livaema, yɛbagua nzeleba yɛanwu mbusua mɔɔ ɔwɔ kɛ fa ɛyɛne ba maa bɛfa bɛyela nyɛmoa mɔɔ bɛfa bɛabɔ azu bɛamaa Ɛdɛnkɛma yɛ Nyamenle ne, kɛmɔ mɛla ne kile la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:30

Bɛva ɛkponle ne bɛzie me Ngyekyeleɛ Ɛlɛka ne anyunlu ɛkɛ ne na bɛva kpanwo mɔɔ dahuu bɛkɛva bɛkɛbɔ azu bɛkɛmaa me la bɛgua zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:36

ɛkponle ne nee nwolɛ ninyɛne kɔsɔɔti, nee kpanwo ne mɔɔ bɛfa bɛbɔ azu bɛmaa Nyamenle la;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:23

na ɔvale kpanwo ne mɔɔ bɛva bɛbɔ azu bɛmaa Ɛdɛnkɛma la ɔguale zolɛ, kɛmɔ Ɛdɛnkɛma zele ye la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:4

Fa ɛkponle ne sie nu na fa nwolɛ ninyɛne ne mɔ kɔsɔɔti gua zolɛ. Eza fa kɛnlaneɛ baka ne sie nu na fa ahɛnlaneɛ ne mɔ siezie zolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:7

“Bɛva ɛdanlɛ buluwu bɛgua ɛkponle ne mɔɔ bɛfa kpanwo mɔɔ bɛva bɛbɔ azu bɛmaa Ɛdɛnkɛma la bɛgua zolɛ la azo, na bɛva ahyɛnze ne mɔ, ɛyɛlɛ ɛyelalɛ ahyɛnze kuloonwu ne mɔ, azubɔdeɛ ahyɛnze kuloonwu ne mɔ, yɛɛ nwanye azubɔdeɛ dwora ne mɔ bɛziezie zolɛ. Ɔwɔ kɛ kpanwo ne boa ɛkponle ne azo dahuu.

Edwɛkpa ne kɛmɔ Mateyu hɛlɛle la 12:4

Se Devidi hɔle Nyamenle Sua ne anu na ɔhɔvale azu kpanwo ne bie ɔlile, wɔ mekɛ mɔɔ adenle ɛnla ɛkɛ kɛ awie di bie kyesɛ sɛlɛvolɛma ala la.

Ɛzoanvolɛma Gyima ne 26:7

Ɛwɔkɛ ne ati yɛɛ yɛ mbusua ekpunli bulu nee nwiɔ ye gua ɛzonlenlɛ zo alehyenlɛ nee aledwolɛ, kɛ saa bɛkɛnyia ye a. Na anyelazo ɛhye ala ati, Nana, yɛɛ Dwuuma ɛlɛto me ɛzonle zɛhae a.

Kɛlata mɔɔ bɛhɛlɛle bɛhɔmanle Hibuluma la 9:2

Bɛzile ndanlɛ sua ko, ye findezo mgbɛnu ne bɛfɛlɛ ye Ɛleka Nwuanzanwuanza. Ɛkɛ a kɛnlaneɛ baka ne, ɛkponle ne nee kpanwo ne mɔɔ bɛfa bɛbɔ azu bɛmaa Nyamenle la wɔ a.

Gyemise Kɛlata ne 1:1

Kɛlata ɛhye vi Gyemise, Nyamenle nee Awulae Gyisɛse Kelaese akɛlɛ ne ɛkɛ. Mebiza Nyamenle menli ne mɔɔ ɛde ɛkponde aleɛabo la amuala kɔsɔɔti ahye.

1 Sam 21:6

Yemɔti sɛlɛvolɛ ne manle Devidi kpanwo nwuanzanwuanza ne bie, ɔluakɛ ɛnee kpanwo mɔɔ wɔ ɛkɛ ne la ala a le mɔɔ bɛva bɛbɔ azu bɛmaa Ɛdɛnkɛma na bɛva bɛzie Ɛdɛnkɛma anyunlu la. Saa bɛye bɛfi azukponle ne azo a, ɔwɔ kɛ bɛfa fofolɛ wuluwulu bɛsie ɔ bo zo ne.

1 Sam 21:7

(Kenle ko ne ɛnee Sɔɔlo mboaneneavolɛ kpanyinli ne wɔ ɛkɛ, bɛfɛlɛ ye Dowɛge, ɔvi Yidɔm. Ɔhɔle kɛ ɔkayɛ gyima bie wɔ Ɛdɛnkɛma duma nu.)