Sɛlɛ 24:16 - BAEBOLO ANZƐƐ BULUKU NWUANZANWUANZA

¹⁶ Awie mɔɔ kɛbɔ Nyamenle sasa la, bɛbahu ye. Menli ne amuala bazi ye awolɛ ahu ye. Saa ɔle ɛyɛvolɛ o, ɔle Yizilayɛnli o, ɔwɔ kɛ bɛku ye kɛ yebɔ Nyamenle sasa a.

Sɛlɛ 24:16 ပူးပေါင်းရင်းမြစ်များ

2 Sam 6:2

Ɔ nee bɛ hɔle Beeyala mɔɔ wɔ Dwuda la kɛ bɛkava Nyamenle Ngyekyeleɛ Ɛlɛka ne mɔɔ Tumivolɛ Ɛdɛnkɛma duma a la zo, mɔɔ ye belemgbunli ebia a gyi abɔdeɛ ne mɔ mɔɔ lɛ ndɛbalɛ la azo la bɛara.

Edwɛndolɛ Buluku ne 139:20

Bɛfa adwenle ɛtane bɛtendɛ bɛtia wɔ; wɔ kpɔvolɛma ne tendɛ ɛtane tia wɔ.

Edwɛndolɛ Buluku ne 74:10

O Nyamenle, kenlenzu yɛɛ kpɔvolɛ ne kɛgyakyi agolobɛnwo ye a? Asoo ɔwɔ kɛ kpɔvolɛ ne sɛkye wɔ duma bɔkɔɔ?

Edwɛndolɛ Buluku ne 74:18

O Ɛdɛnkɛma, kakye ɛhye, nee kpɔvolɛ ne agolobɛnwo ne, menli mɔɔ ɛnze Nyamenle la sɛkye wɔ duma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:7

“Bɛmmabɔ medame Ɛdɛnkɛma bɛ Nyamenle ne duma mgbane mgbane, ɔluakɛ medame Ɛdɛnkɛma, menrɛmaa mɔɔ bɔ me duma mgbane mgbane la ɛnrɛva ɔ nwo dwɔɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:28

“Bɛmmatendɛ bɛtia Nyamenle anzɛɛ bɛmmawa sonla mɔɔ sie bɛ menli ne la amonle.

Sɛlɛ 20:2

“Ka kile Yizilayɛma kɛ: Yizilayɛnli biala anzɛɛ ɛyɛvolɛ biala mɔɔ de Yizilayɛma avinli, mɔɔ kɛva ɔ ra kɛbɔ azu kɛmaa bozonle Molɛke la, bɛhu ye. Bɛdabɛ mɔɔ bɛwɔ maanle ne anu la ɛzi ye awolɛ ɛhu ye.

Edwɛkpa ne kɛmɔ Mateyu hɛlɛle la 12:31

Zɔhane ati meka meahile bɛ, bɛbava ɛtane mɔɔ menli yɛ, nee mgbane mgbane mɔɔ bɛkeha la bɛahyɛ bɛ; na mɔɔ kɛha ɛtane kɛtia Sunsum Nwuanzanwuanza ne la, bɛnrɛva bɛnrɛhyɛ ye.

Edwɛkpa ne kɛmɔ Mateyu hɛlɛle la 26:66

Na kɛ bɛdwenle nwo bɛse ɛ?” Bɛbuale kɛ, “Ɔfɛta ewule.”

Edwɛkpa ne kɛmɔ Maake hɛlɛle la 14:64

Bɛde ye munzule edwɛkɛ ne. Kɛ bɛse ɛ?” Na bɛ muala bɛbuale ye ewule fɔlɛ kɛ bɛhu ye.

Dw 19:7

Dwuuma ne buale ye kɛ, “Yɛlɛ mɛla, na mɛla ne kile kɛ ɔwɔ kɛ ɔwu, ɔboalekɛ ɔyɛ ɔ nwo kɛ ɔle Nyamenle Ara.”

Ɛzoanvolɛma Gyima ne 26:11

Mekɛ dɔɔnwo ne ala memanle bɛdeanle bɛ wɔ nyianu azua ne mɔ anu, na membɔle mɔdenle kɛ memaa bɛ ngome bɛaha ɛtane bɛatia bɛ ɛzonlenlɛ ne. Me nye bolole bɛ nwo kpalɛ manle ɔrale kɛ akee mekɔ azuamgbole zo wɔ maanle maanle zo yɛɛ mekɔkye bɛ meba a.

Ɛzoanvolɛma Gyima ne 7:58

Bɛhwenle ye bɛ nee ye hɔle suakpole ne kandiba, na bɛzile ye awolɛ. Dasevolɛma ne mɔ yeyele bɛ adɛladeɛ manle kpavolɛ bie mɔɔ bɛfɛlɛ ye Sɔɔlo la lɛle.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

Gyemise Kɛlata ne 2:7

Asoo tɛ sukoavolɛma a ka duma kpalɛ ne mɔɔ bɛfa bɛfɛlɛ bɛ la anwo edwɛkɛ ɛtane ɛtane la?