Sɛlɛ 24:14 - BAEBOLO ANZƐƐ BULUKU NWUANZANWUANZA

¹⁴ “Bɛva ahenle ne mɔɔ bɔle sasa ne la bɛvinde azokoɛleɛ ne kandiba lɔ, na bɛdabɛ mɔɔ bɛdele ye sasabɔlɛ ne la, biala ɛva ɔ sa ɛdo nrenya ne anwoma azo ɛli daselɛ, na akee ɛlɔne ne amuala ɛzi ye awolɛ ɛhu ye.

Sɛlɛ 24:14 ပူးပေါင်းရင်းမြစ်များ

1 Arl 21:10

Bɛkpondɛ agbamgbanvolɛ kɛyɛ nwiɔ mɔɔ kɛhola kɛgyinla ɔ nyunlu kɛdo ye ɛzonle la ɛha ye kɛ, ‘Wɔdindi Ɛdɛnkɛma anyunlu; eza wɔwa belemgbunli amonle.’ Bɛwie a bɛva ye bɛhɔ kandiba ne na bɛzi ye awolɛ bɛhu ye.”

Sɛlɛ 13:46

Saa ewule ne mɔɔ wɔ ɔ nwo la ɛtɛkɔle a, ɔ nwo ɛnrɛde ɛlɛ. Kɛmɔ ɔ nwo ɛnde la ati, ɔwɔ kɛ ɔte ɔ nwo ɔkɔtɛnla kpɔda bie abo wɔ azokoɛleɛ ne kandiba.

Sɛlɛ 20:2

“Ka kile Yizilayɛma kɛ: Yizilayɛnli biala anzɛɛ ɛyɛvolɛ biala mɔɔ de Yizilayɛma avinli, mɔɔ kɛva ɔ ra kɛbɔ azu kɛmaa bozonle Molɛke la, bɛhu ye. Bɛdabɛ mɔɔ bɛwɔ maanle ne anu la ɛzi ye awolɛ ɛhu ye.

Sɛlɛ 20:27

“Nrenya anzɛɛ raalɛ biala mɔɔ tendɛ nwomenle nloa azo anzɛɛ le bayivolɛ la, ɔwɔ kɛ bɛku ye. Bɛzi bɛ awolɛ bɛhu bɛ, na bɛ mogya gua bɛdabɛ bɛ ti zo.”

Sɛlɛ 24:13

Ɛdɛnkɛma zele Mosisi kɛ,

Dw 8:59

Bɛsesale awolɛ kɛ bɛto bɛazi ye, na Gyisɛse veale ɔ nwo na ɔvile Ɛzonlenlɛ Sua ne anu ɔhɔle.

Mɛla 17:5

bɛva ye bɛvinde suakpole ne anlenkɛ kpole ne anzi na bɛzi raalɛ anzɛɛ nrenya zɔhane awolɛ bɛhu ye.

Mɛla 17:7

Bɛdabɛ mɔɔ bɛkɛli daselɛ ne la, bɛmɛ a ɔwɔ kɛ bɛdumua bɛbɔ ɔ bo kɛ bɛku ye kolaa na akee menli mɔɔ ɛha la arazɔ nu bɛahu ye a. Zɛhae adenle zo yɛɛ ɔwɔ kɛ bɛfa na bɛye munzule ne bɛfi bɛ avinli a.

Mɛla 21:21

Saa ɔba ye zɛhae a, bɛdabɛ mɔɔ bɛwɔ suakpole ne azo la ɛrazi ye awolɛ ɛhu ye, amaa bɛakpa munzule bɛavi sua ne azo. Yizilayɛma kɔsɔɔti bade na bɛazulo.

Mɛla 22:21

ɛnee bɛva raalɛ ne bɛvinde bɛhɔ ɔ ze anuhɔlɛ lɔ na mrenya mɔɔ wɔ suakpole ne azo la ɛzi ye awolɛ ɛhu ye, ɔboalekɛ yebɔ anyiemgba ɛbɛla wɔ Yizilayɛ, ɔbɔle adwɔmane wɔ ɔ ze sua nu kolaa na bɛagya ye. Bɛyɛ ye zɔhane bɛva bɛdu munzule biala abo.

Dwɔhyua Buluku ne 7:25

Akee Dwɔhyua bizale Ekan kɛ, “Duzu ati a wɔva ngyegyelɛ ɛhye wɔdo yɛ nwo ɛ? Ɛdɛnkɛma bava bie ado ɛ nwo ɛnɛ.” Na Yizilayɛma zile Ekan awolɛ manle ɔwule. Eza bɛzile ye sua nu amra amuala awolɛ bɛhunle bɛ na bɛyelale bɛ nee debie biala mɔɔ bɛlɛ la.