Sɛlɛ 23:8 - BAEBOLO ANZƐƐ BULUKU NWUANZANWUANZA

⁸ Bɛbava azubɔdeɛ bɛara bɛamaa bɛayela bɛabɔ azu bɛamaa Ɛdɛnkɛma toonwo kenle nsuu. Kenle nsuu ne azo bɛbayia nu bɛazonle; bɛnrɛyɛ gyima ɛsesebɛ kenle ko ne.

Sɛlɛ 23:8 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:16

Kenle ne mɔɔ lumua la, bɛyia na bɛzonle, yɛɛ kenle nsuu ne azo bɛyia na bɛzonle. Kenle nwiɔ zɔhane ɔnle kɛ bɛyɛ gyima, debie mɔɔ bɛdi la, yemɔ ala a ɔwɔ kɛ bɛyɛ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:6

Bɛli kpanwo mɔɔ mgbɔvonle ɛnle nu la kenle nsuu, ye kenle nsuu ne azo bɛli ɛvoyia ne bɛwula Ɛdɛnkɛma anyunlunyia.

Yizikeɛle Buluku ne 45:23

Kenle nsuu ne amuala mɔɔ ɛnee bɛlɛdi ɛvoyia ne la, belemgbunli ne bava nlankɛ ndonrandonra nsuu, mboane nyinli nsuu mɔɔ biala anwo ɛnlɛ dɛne la yeamaa bɛabɔ ɛyelalɛ azu. Eza kenle ko biala ɔbava abɔnkye nyinli ko yeayɛ ɛtane azubɔdeɛ.

Sɛlɛ 23:7

Kenle ne mɔɔ lumua la, bɛbayia nu bɛazonle; bɛmmayɛ gyima ɛsesebɛ biala.

Sɛlɛ 23:9

“Saa bɛba azɛlɛ ne mɔɔ Ɛdɛnkɛma ɛlɛfa amaa bɛ la azo na bɛbu bɛ abɛlɛ a, bɛva mɔɔ bɛkɛlumua bɛkɛbu la bɛhɔmaa sɛlɛvolɛ ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:18

Kenle ne mɔɔ lumua ɛvoyialilɛ ne anyunlu la, ɔwɔ kɛ bɛyia nu bɛyɛ nzɛlɛlɛ, ɔnle kɛ bɛyɛ gyima ɛsesebɛ biala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:25

Ye kenle nsuu ne azo bɛyia nu bɛyɛ nzɛlɛlɛ; bɛmmayɛ gyima ɛsesebɛ biala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:26

“Kenle ne mɔɔ lumua Bɛyɔba Ɛvoyia ne anyunlu la, saa bɛfa ma fofolɛ bɛarɛlɛ Ɛdɛnkɛma a, bɛlumua bɛyia nu bɛyɛ nzɛlɛlɛ, yɛɛ bɛmmayɛ gyima ɛsesebɛ biala.

Mɛla 16:8

Ɔwɔ kɛ bɛdi ɛdɔkɛ mɔɔ mgbɔvonle ɛnle nu la kenle nsia, na kenle nsuu ne azo bɛayia bɛazonle Ɛdɛnkɛma bɛ Nyamenle ne. Kenle ko ne ɔnle kɛ bɛyɛ gyima biala.