Sɛlɛ 22:9 - BAEBOLO ANZƐƐ BULUKU NWUANZANWUANZA

⁹ “Yemɔti bɛli me mɛla zo na anrɛɛ bɛkɛli ɛzonle na bɛkɛwu kɛ bɛvonle me mɛla ne a; medame a mele Ɛdɛnkɛma mɔɔ maa bɛ nwo te a.

Sɛlɛ 22:9 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:43

Kenle biala mɔɔ Aalɔn nee ɔ mra mrenya ne mɔ ɛlɛba me nyunlu wɔ Ndanlɛ Sua ne anu anzɛɛ bɛlɛkɔ azukponle ne anwo wɔ Ɛleka Nwuanzanwuanza ne bɛahɔyɛ bɛ sɛlɛvolɛ gyima ne la, ɔwɔ kɛ bɛwula zɔhane adɛladeɛ ne mɔ, anrɛɛ bɛkɛli ɛzonle na bɛkɛwu. Ɛhye le mɛla mɔɔ wɔ ɛkɛ ne dahuu maa Aalɔn nee ɔ bo zo amra a.

Sɛlɛ 16:13

Ɛkɛ ne, ɔbava ɛyɛlɛ ne yeagua senle ne anu wɔ Ɛdɛnkɛma anyunlu, amaa ɛyɛlɛ ne esike ne aheda Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la azo, amaa yeannwu ye na yeawu.

Sɛlɛ 16:2

Ɛdɛnkɛma zele Mosisi kɛ, “Ka kile ɛ diema nrenya Aalɔn kɛ ɔmmaba Ɛleka Nwuanzanwuanza ne mɔɔ wɔ mgbɛnu ɛdanlɛ ne akunlu Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la anwo dahuu. Saa ɔyɛ ye zɔhane a, ɔbawu, ɔluakɛ mebaye me nwo meahile wɔ amungu ne mɔɔ wɔ Anwunvɔnezelɛ Ebia ne azo la anu.

Sɛlɛ 18:30

Yemɔti bɛli me edwɛkɛ zo, na bɛmmayɛ nyɛleɛ ɛtane ne mɔ bie, na bɛbu munzule amaamuo ne mɔɔ menli mɔɔ lumuale azɛlɛ ne azo la bule la bie. Bɛmmayɛ ye zɔhane bɛgua bɛ nwo evinli. Medame a mele Ɛdɛnkɛma bɛ Nyamenle ne a.”

Sɛlɛ 22:16

Ɔwɔ kɛ bɛnea ninyɛne ne mɔ boɛ, amaa bɛanli ninyɛne nwuanzanwuanza ne mɔ bie, bɛandwe munzule nee fɔlɛlilɛ bɛammaa bɛ nwo; ɔluakɛ medame a mele Ɛdɛnkɛma mɔɔ mete bɛ nwo a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:22

Ɔvi ɛnɛ mɔɔ kɔ la, ɔnle kɛ Yizilayɛnli biala bikye Ndanlɛ Sua ne anwo na ɔyɛ ɛtane ɔtwe ewule ndeanlɛ ɔmaa ɔ nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:32

Sumunli kenle ala mɔɔ bɛlumua bɛva nuhua kpalɛ kpalɛ ne bɛmaa medame Ɛdɛnkɛma la, saa bɛdi a bɛnli fɔlɛ, yɛɛ bɛmmagua Yizilayɛma azubɔdeɛ nwuanzanwuanza ne mɔ anwo evinli, kɛ bɛkɛlumua bɛkɛli bie kolaa na bɛava nuhua kpalɛ kpalɛ ne bɛahɔmaa Ɛdɛnkɛma. Saa bɛyɛ ye zɔhane a, bɛkɛhu bɛ.”

Edwɛkpa ne kɛmɔ Mateyu hɛlɛle la 23:17

Anyenzinliravolɛma ahɔnwɔne! Boni a hyia a, ezukoa nvutuke ne anzɛɛ Ɛzonlenlɛ Sua ne mɔɔ maa ezukoa ne anwo te la?

Mɛla 11:1

“Zɔhane ati bɛhulo Ɛdɛnkɛma bɛ Nyamenle ne na bɛli ye mɛla nee ye ngyehyɛlɛ ne mɔ azo dahuu.