Sɛlɛ 22:4 - BAEBOLO ANZƐƐ BULUKU NWUANZANWUANZA

⁴ “Aalɔn abo zo sonla biala mɔɔ le kokobɛvolɛ anzɛɛ anwo twihwi nzule la ɛnlɛ adenle ɛnli aleɛ nwuanzanwuanza ne mɔ bie, kyesɛ ɔ nwo ɛza na ɔ nwo ɛde. Eza awie mɔɔ kɛva ɔ sa kɛha funli anzɛɛ awie mɔɔ anla boɛ la, evinli ɛha ye.

Sɛlɛ 22:4 ပူးပေါင်းရင်းမြစ်များ

Sɛlɛ 11:39

“Saa nane biala mɔɔ bɛdi la bie wu na ɛdawɔ mɔɔ ɛkɛva ɛ sa ɛkɛha ye la, evinli baha wɔ toonwo nɔsolɛ nu.

Sɛlɛ 15:17

Debie biala, tɛladeɛ, nwoma anzɛɛ ɛdanlɛ biala mɔɔ nlanzule ne bie kɛpe nuhua la, ɔwɔ kɛ bɛkpo, yɛɛ nwolɛ ɛnrɛde toonwo nɔsolɛ.

Sɛlɛ 2:10

Aleɛ ma azubɔdeɛ ne mɔɔ kɛha la le Aalɔn nee ɔ mra ne mɔ ɛdeɛ. Ɔle ma ɛyelalɛ azubɔdeɛ mɔɔ bɛva bɛmaa Ɛdɛnkɛma a, na nwolɛ te kpole kpalɛ.

Sɛlɛ 2:3

Esamo ne mɔɔ kɛha la le Aalɔn nee ɔ mra ne mɔ ɛdeɛ. Ɔle ɛyelalɛ azubɔdeɛ mɔɔ bɛva bɛmaa Ɛdɛnkɛma na nwolɛ te kpole kpalɛ a.

Sɛlɛ 21:1

Ɛdɛnkɛma zele Mosisi kɛ, “Tendɛ kile Aalɔn amra sɛlɛvolɛma ne na ka kile bɛ kɛ ɔnle kɛ bɛ biala gua ɔ nwo evinli. Saa awie wu a, ɔnle kɛ bɛ biala kɔ funli ne anwo,

Sɛlɛ 21:22

Ɔkola ɔdi ye Nyamenle ne aleɛ nwuanzanwuanza nee aleɛ nwuanzanwuanza kpalɛ ne bie,

Hagae Buluku ne 2:13

Na Hagae bizale bɛ kɛ, “Saa awie mɔɔ ɛva ɔ sa ɛha funli na ɔ nwo ɛnde la fa ɔ sa ka ninyɛne ɛhye mɔ bie a, ɔmaa ɔyɛ aleɛ mɔɔ anwo ɛnde la ɔ?” Sɛlɛvolɛma ne mɔ buale kɛ, “Ɛhɛe, ɔyɛ aleɛ mɔɔ anwo ɛnde la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:19

“Azubɔdeɛ nwuanzanwuanza biala mɔɔ sonle bolɛ, mɔɔ Yizilayɛma kɛva kɛmaa medame Ɛdɛnkɛma la, mefa memaa wɔ, ɛ mra mrenya nee ɛ mra mraalɛ kɛ ɔle bɛ ɛdeɛ dahuu. Ɛhye le ngyekyeleɛ mɔɔ me nee wɔ nee ɛ bo zo amra ɛkyekye mɔɔ bɛntulu ye ɛlɛ a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:9

Azubɔdeɛ nwuanzanwuanza kpalɛ kpalɛ ne mɔ mɔɔ bɛanyela bɛ wɔ azukponle ne azo, bɛ azubɔdeɛ biala, bɛ ma azubɔdeɛ ne mɔ, mɔɔ bɛva bɛmaa me la le nwuanzanwuanza maa wɔ nee ɛ mra mrenya ne mɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:20

“Awie biala mɔɔ evinli ɛha ye, na ɔtɛnuanle ɔ nwo la tɛbɔ evinli nu. Bɛnva ye kɛ ɔle Nyamenle menli ne mɔ ko, ɔluakɛ yegua Ɛdɛnkɛma Ndanlɛ Sua ne anwo evinli.