Sɛlɛ 22:22 - BAEBOLO ANZƐƐ BULUKU NWUANZANWUANZA

²² Nane mɔɔ anye ɛzi, nane mɔɔ ɛbubu, nane mɔɔ anwo ɛdudu anzɛɛ nane mɔɔ anwo twihwi nzule anzɛɛ nane mɔɔ anwo ɛgua asa anzɛɛ ɛlɔ ngɛkɛba la, ɔnle kɛ bɛfa bɛbɛlɛ Ɛdɛnkɛma anzɛɛ bɛfa bie ɛleka biala bɛyela bɛbɔ azu wɔ azukponle ne azo bɛmaa Ɛdɛnkɛma.

Sɛlɛ 22:22 ပူးပေါင်းရင်းမြစ်များ

Sɛlɛ 1:13

Akee ɔva nzule ɔnrinzi nane ne akunlu ne nee ye ndwɛlɛ ne mɔ anwo. Sɛlɛvolɛ ne ɛva bɛ muala na ɔyela bɛ wɔ azukponle ne azo. Ɛhye le ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:9

Akee ahenle ne ɛva nzule ɛnrinzi nane ne akunlu ninyɛne ne nee ye ndwɛlɛ ne mɔ anwo. Na sɛlɛvolɛ ne ɛyela ɔ muala wɔ azukponle ne azo kɛ ɔle ɛyelalɛ azubɔlɛ. Azubɔlɛ zɛhae mɔɔ bɛfa senle bɛbɔ la evuanlɛ sɔ Ɛdɛnkɛma anye.

Sɛlɛ 22:20

Ɔnle kɛ bɛfa debie biala mɔɔ anwo lɛ dɛne la, ɔluakɛ bɛyɛ ye zɔhane a Ɛdɛnkɛma ɛnrɛlie ɛnrɛdo nu.

Sɛlɛ 22:21

Saa awie babɔ anzonudwolɛ azu yeamaa Ɛdɛnkɛma, kɛ ɔfa yeaye ye ɛwɔkɛ anzɛɛ ɔfa yeabɔ ahonle fufule nu azu, na ɔlɛ nane mɔɔ vi ye nlankɛ anzɛɛ ye nyɛmoa ne mɔ anu a, ɔwɔ kɛ nane ne di munli, mɔɔ ɔ nwo ɛnlɛ dɛne biala, amaa bɛalie ye bɛado nu.

Sɛlɛ 22:23

Ɛnlankɛ anzɛɛ boane mɔɔ ye foa ko ɛleka bie wale bo zolɛ anzɛɛ le ezinraa bo zolɛ la, bɛkola bɛfa bɛyɛ ahonle fufule nu ahyɛlɛ azubɔdeɛ, na saa bɛfa bɛaye ɛwɔkɛ a, yemɔ bɛnlie.

Sɛlɛ 3:3

Akee ɔyeye nane ne akunlu ne anwo ɛnlome kɔsɔɔti,

Sɛlɛ 3:5

Aalɔn amra mrenya ne mɔ bayela bɛ wɔ ɛyɛne ne mɔɔ wɔ azukponle ne azo la azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Malakae Buluku ne 1:8

Asoo saa bɛfa nane mɔɔ anye ɛzi la bɛba kɛ bɛva bɛbɔ azu bɛmaa me a, ɛnee bɛdabɛ bɛnea a bɛtɛbɔle munzule? Yɛɛ saa bɛfa nane mɔɔ ɛbubu anzɛɛ ewule ɛha ye la bɛba kɛ bɛva bɛbɔ azu bɛmaa me a, asoo ɛnee bɛtɛbɔle munzule? Bɛva ninyɛne zɔhane mɔ bɛhɔhyɛ bɛ amɛnlado ne. Asoo bɛnea a ɔ kunlu kɛdwo bɛ nwo anzɛɛ ɔ nye kɛlie bɛ nwo?”