Sɛlɛ 22:13 - BAEBOLO ANZƐƐ BULUKU NWUANZANWUANZA

¹³ Na saa sɛlɛvolɛ ne ara raalɛ ne le kunlanvolɛ anzɛɛ ɔ hu ɛbɔ ye ewole, na ɔnlɛ ralɛ, na yezia yera ɔ ze sua nu a, ɔle kɛ mɔɔ ye ngakula nu ɔde la; ɔkola ɔdi ɔ ze aleɛ ne bie Noko awie gyɛne ɛdeɛ, ɔngola ɔnli bie.

Sɛlɛ 22:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:11

Akee Dwuda zele ɔ ra ne aye Teemaa kɛ, “Kɔdɛnla ɛ ze sua nu di wɔ kunlane ne, kɔdwu kɛ me ra Hyila kɛnyi la.” Ɔhanle ɛhye, ɔluakɛ ɛnee ɔsulo kɛ Hyila noko kɛwu kɛ ɔ mediema ne mɔ la. Yemɔti Teemaa hɔdɛnlanle ɔ ze sua nu.

Ɛzela Buluku ne 2:63

Amɛnlado ne zele bɛ kɛ bɛmmadi aleɛ nwuanzanwuanza ne mɔɔ bɛva bɛbɔ azu bɛmaa Nyamenle la bie kɔkpula mekɛ mɔɔ sɛlɛvolɛ bie ɛva “Yulem” nee “Tɛmem” ɛbiza Nyamenle la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:43

Na Ɛdɛnkɛma zele Mosisi nee Aalɔn kɛ, “Akpabɛnwo ne anwo ngyehyɛlɛ ɛne: Ɛyɛvolɛ biala ɛnli ye aleɛ ne bie,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:33

Bɛbali ninyɛne mɔɔ bɛvale bɛyɛle mgbɔdalɛ nzɛlɛlɛ ne wɔ bɛ sɛlɛvolɛ ɛwulalɛ ne anu la. Awie mɔɔ ɛnle sɛlɛvolɛ la ɛnle kɛ di aleɛ ne bie, ɔboalekɛ ɔle nwuanzanwuanza.

Yizikeɛle Buluku ne 44:8

Bɛannea me ninyɛne nwuanzanwuanza ne mɔ boɛ, na bɛva nyɛvolɛ kɛ bɛmɛ yɛɛ akee bɛnlea ninyɛne mɔɔ wɔ me Ɛleka Nwuanzanwuanza ne la azo a.

Sɛlɛ 10:14

Na nane ne akɛnra azo ne mɔɔ bɛdo ye ehono la nee ye ɛzɔlɛ ne mɔɔ bɛva bɛbɔ azu ne la, bɛli wɔ ɛleka mɔɔ te la Ɛdawɔ, ɛ mra ne mɔ, yɛɛ ɛ mra mraalɛ ne mɔ a ɔwɔ kɛ di a Ɔluakɛ bɛva bɛmaa kɛ ɛdawɔ nee ɛ mra mrenya ne mɔ afoa nu ɛdeɛ mɔɔ vi Yizilayɛma anzonudwolɛ azubɔdeɛ azubɔlɛ ne anu la

Sɛlɛ 22:10

“Ɔnle kɛ awie biala mɔɔ ɛmboka sɛlɛvolɛma abusua ekpunli ne anwo la di aleɛ nwuanzanwuanza ne bie. Sɛlɛvolɛ biala ɛyɛvolɛ mɔɔ ɔ nee ye de anzɛɛ ye sonvolɛ mɔɔ yebɔ ye ɛkpa la, ɔnle kɛ ɔdi aleɛ nwuanzanwuanza ne bie.

Sɛlɛ 22:12

Saa bɛgya sɛlɛvolɛ bie ara raalɛ bɛkɔ abusua ekpunli gyɛne nu a, ɔnle kɛ ɔdi aleɛ nwuanzanwuanza ne mɔɔ bɛva bɛbɔ azu la bie.

Mɛla 24:2

Saa ɔkɔ na nrenya fofolɛ gya ye,

1 Sam 21:7

(Kenle ko ne ɛnee Sɔɔlo mboaneneavolɛ kpanyinli ne wɔ ɛkɛ, bɛfɛlɛ ye Dowɛge, ɔvi Yidɔm. Ɔhɔle kɛ ɔkayɛ gyima bie wɔ Ɛdɛnkɛma duma nu.)