Sɛlɛ 21:9 - BAEBOLO ANZƐƐ BULUKU NWUANZANWUANZA

⁹ Sɛlɛvolɛ ara raalɛ biala mɔɔ kɛzɛkye ɔ nwo kɛbɔ tuutuu ɛbɛla biala la ɛgua ɔ ze anyunlu aze. Ɔwɔ kɛ bɛto ye senle nu bɛyela ye.

Sɛlɛ 21:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:24

Ɛhye anzi siane nsa, awie hanle hilele Dwuda kɛ, “Teemaa, mɔɔ le ɛ ra ne aye ne ɛbɔ tuutuu ɛbɛla, na yenrenzɛ.” Dwuda zele kɛ, “Bɛva ye bɛrɛla bɛmaa yɛyela ye.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:14

Bɛzie Ɛnwomenlelielɛ Kenle ne, ɔboalekɛ ɔle nwuanzanwuanza. Awie biala mɔɔ anzie Kenle ne la, ɔwɔ kɛ bɛku ye. Awie biala mɔɔ kɛyɛ gyima wɔ nu la, ɔwɔ kɛ bɛye ye bɛfi ye menli avinli.

Ayezaya Buluku ne 33:14

Ɛtanevolɛma mɔɔ wɔ Zayɔn la ahonle ɛdu, ɛzulolɛ kpole ɛha bɛdabɛ mɔɔ bɛnze Nyamenle la, bɛ nwo ɛlɛwozo bɛ. Bɛse, “Nwane bɔbɔ yɛɛ wɔ yɛ avinli mɔɔ kɛhola senle gbolamgbolam nu tɛnla a? Nwane a wɔ yɛ avinli mɔɔ kɛhola senle mɔɔ ɛnnu ɛlɛ la anu tɛnla a?”

Yizikeɛle Buluku ne 9:6

Bɛhu mrenya mgbanyinli, mgbavolɛ nee mbɛlɛra, ngakula nee mraalɛ kɔsɔɔti, noko bɛmmafa bɛ sa bɛka awie biala mɔɔ lɛ nzonlɛ ne wɔ ɔ nwoma azo la. Bɛbɔ ɔ bo wɔ me ɛleka nwuanzanwuanza ne.” Yemɔti bɛbɔle ɔ bo wɔ mgbanyima ne mɔ mɔɔ gyi Ɛzonlenlɛ Sua ne anyunlu la anwo zo.

Sɛlɛ 19:29

“Bɛmmamaa bɛ mra mraalɛ bɔ tuutuu ɛbɛla bɛgua bɛ nyunlu aze, anrɛɛ tuutuulilɛ kɛva azɛlɛ ne na amumuyɛ kɛyi ye tɛkɛɛ.

Sɛlɛ 20:14

Saa nrenya gya raalɛ na eza ɔfa ɔ ye ɔ nli a, ɔle amumuyɛ ɛbɛla. Bɛgua bɛ senle nu bɛyela bɛ, amaa zɛhae amumuyɛ ɛbɛla ne azi aze wɔ bɛ avinli.

Malakae Buluku ne 2:3

Mebahwi bɛ bo zo amra anyunlu, na meava bɛ azubɔlɛ nane ne mɔ ebinli meakpuda bɛ nyunlu, na meaye bɛ meavi me nye zo.

Mɛla 22:21

ɛnee bɛva raalɛ ne bɛvinde bɛhɔ ɔ ze anuhɔlɛ lɔ na mrenya mɔɔ wɔ suakpole ne azo la ɛzi ye awolɛ ɛhu ye, ɔboalekɛ yebɔ anyiemgba ɛbɛla wɔ Yizilayɛ, ɔbɔle adwɔmane wɔ ɔ ze sua nu kolaa na bɛagya ye. Bɛyɛ ye zɔhane bɛva bɛdu munzule biala abo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Dwɔhyua Buluku ne 7:15

Sonla mɔɔ bɛkɛhye ye kɛ ninyɛne ne mɔ bie wɔ ye ɛkɛ ne la, bɛbayela ye nee debie biala mɔɔ ɔlɛ la. Ɔluakɛ yemaa anyiemgba ɛha Yizilayɛma, yɛɛ eza yedo me mɛla ne.”

Dwɔhyua Buluku ne 7:25

Akee Dwɔhyua bizale Ekan kɛ, “Duzu ati a wɔva ngyegyelɛ ɛhye wɔdo yɛ nwo ɛ? Ɛdɛnkɛma bava bie ado ɛ nwo ɛnɛ.” Na Yizilayɛma zile Ekan awolɛ manle ɔwule. Eza bɛzile ye sua nu amra amuala awolɛ bɛhunle bɛ na bɛyelale bɛ nee debie biala mɔɔ bɛlɛ la.

1 Sam 2:17

Yemɔti Yilae amra ne mɔ ɛtane ne yɛle kpole bole zolɛ wɔ Ɛdɛnkɛma anye zo, ɔboalekɛ bɛambu Ɛdɛnkɛma azubɔlɛ ninyɛne ne mɔ bie.

1 Sam 2:34

Saa ɛ mra mrenya nwiɔ ne, Hɔfenae nee Fenɛhaze gulu nu wu kenle ko a yɛɛ ɛkɛnwu kɛ edwɛkɛ biala mɔɔ meha la bayɛ zɔhane a.