Sɛlɛ 21:1 - BAEBOLO ANZƐƐ BULUKU NWUANZANWUANZA

¹ Ɛdɛnkɛma zele Mosisi kɛ, “Tendɛ kile Aalɔn amra sɛlɛvolɛma ne na ka kile bɛ kɛ ɔnle kɛ bɛ biala gua ɔ nwo evinli. Saa awie wu a, ɔnle kɛ bɛ biala kɔ funli ne anwo,

Sɛlɛ 21:1 ပူးပေါင်းရင်းမြစ်များ

Yizikeɛle Buluku ne 44:25

“Sɛlɛvolɛ biala ɛngɔ funli nwo ɔmmaa evinli ɛnga ye; noko akee saa ɔ ze anzɛɛ ɔ nli, ɔ ra nrenya anzɛɛ ɔ ra raalɛ, ɔ diema nrenya anzɛɛ ɔ diema raalɛ mɔɔ ɛtɛkɔle agyalɛ la wu a, ɔkola ɔmaa evinli ka ye.

Hozia Buluku ne 5:1

“Bɛdie edwɛkɛ ɛhye, bɛmɛ sɛlɛvolɛma! Bɛyɛ ɛnzonlɛ, bɛmɛ Yizilayɛma! Bɛdie, bɛmɛ arelemgbunli! Ɔluakɛ ndɛnebualɛ ne gyi bɛ nwo zo. Ɔluakɛ bɛyɛ bɛ nwo kɛ ngane wɔ Mezepa, bɛyɛ kɛ avonle mɔɔ bɛdo wɔ Teebɔ Boka ne azo la,

Sɛlɛ 19:28

Ɔnle kɛ bɛbodɛboda bɛ nwo bɛkile bɛ nyanelilɛ wɔ awie mɔɔ ɛwu la ati anzɛɛ bɛbobɔ ngonlɛ biala; medame a mele Ɛdɛnkɛma a.

Sɛlɛ 21:11

Bɛdu ye bɛzie ahane bɛmaa ye Nyamenle ne, yemɔti ɔnle kɛ ɔfi me ndanlɛ sua nwuanzanwuanza ne anu ɔfinde ɔkɔ ɛleka mɔɔ funli wɔ la ɔkɔgua ɔ nwo evinli ɔmaa bie ka ye Nyamenle ne ɛleka nwuanzanwuanza ne. Saa ɔ ze anzɛɛ ɔ nli bɔbɔ a wule a, ɔnle kɛ ɔkɔ ɛkɛ; medame a mele Ɛdɛnkɛma a.

Malakae Buluku ne 2:1

Tumivolɛ Ɛdɛnkɛma se, “Akee bɛmɛ sɛlɛvolɛma, bɛ mɛla a le ɛhye:

Malakae Buluku ne 2:4

Ɛhye yɛɛ bamaa bɛanwu kɛ medame yɛɛ meva mɛla ɛhye memaa bɛ a, amaa ngyekyeleɛ mɔɔ me nee Livae yɛkyekyele la anzɛkye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:11

“Awie biala mɔɔ kɛva ɔ sa kɛha funli la ɛnee evinli ɛha ye toonwo kenle nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:14

“Saa awie wu ndanlɛ sua nu a, awie mɔɔ ye ewule nu ɔwɔ ɛkɛ ne anzɛɛ awie mɔɔ kɛwolo ndanlɛ sua ne anu la ɛnee evinli ɛha ye toonwo kenle nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:16

Saa awie fa ɔ sa ka sonla mɔɔ bɛhu ye anzɛɛ ɛwu ɔ ti anwo ewule wɔ ɛbɔ nu anzɛɛ saa awie fa ɔ sa ka sonla funli bowule anzɛɛ ɔfa ɔ sa ɔka sɛka a, ɛnee evinli ɛha ye toonwo kenle nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:2

“Ka kile Yizilayɛma kɛ, bɛye kokobɛvolɛ biala, awie biala mɔɔ anwo twihwi, yɛɛ awie biala mɔɔ ɔluakɛ yeva ɔ sa yeha funli la ati evinli ɛha ye la bɛvi bɛ avinli wɔ azokoɛleɛ ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:6

Ɔ ti enrinli ne a le sɛkɛlɛneɛ kɛ yedu ɔ nwo yemaa Nyamenle a, yemɔti ɔnle kɛ ɔbikye funli ɔmaa evinli ka ye. Saa ɔ ze, ɔ nli, ɔ diema nrenya anzɛɛ ɔ diema raalɛ bɔbɔ wu a, ɔnle kɛ ɔbikye nwolɛ.