Sɛlɛ 20:7 - BAEBOLO ANZƐƐ BULUKU NWUANZANWUANZA

⁷ Zɔhane ati bɛmaa bɛ nwo ɛde saanwu, ɔluakɛ medame a mele Ɛdɛnkɛma bɛ Nyamenle ne a.

Sɛlɛ 20:7 ပူးပေါင်းရင်းမြစ်များ

Sɛlɛ 11:44

Ɔluakɛ medame a mele Ɛdɛnkɛma bɛ Nyamenle ne a. Bɛmaa bɛ nwo ɛde nwuanzaanwu, ɔluakɛ mele nwuanzanwuanza. Ɔnle kɛ bɛfa debie biala mɔɔ kola fo anwuma na eza ɔtwenle ɔ nwo aze wɔ azɛlɛ ye azo la bɛgua bɛ nwo evinli.

Sɛlɛ 11:45

Ɔluakɛ medame a mele Ɛdɛnkɛma mɔɔ menyele bɛ menvile Yigyibiti azɛlɛ zo a, amaa meayɛ bɛ Nyamenle. Yemɔti bɛmaa bɛ nwo ɛde nwuanzaanwu, ɔluakɛ mele nwuanzanwuanza.”

Sɛlɛ 19:2

“Ka kile Yizilayɛma amuala kɛ: Ɔwɔ kɛ bɛmaa bɛ nwo te, ɔluakɛ Medame, Ɛdɛnkɛma bɛ Nyamenle, mele nwuanzanwuanza.

Sɛlɛ 21:15

Saa yeanyɛ ye zɔhane a ɔ mra mɔɔ ɔbawo bɛ la, biala anwo ɛnrɛde, ɔluakɛ medame a mele Ɛdɛnkɛma mɔɔ mete ɔ nwo a.”

Sɛlɛ 21:23

noko ɔnle kɛ ɔbikye mgbɛnu ɛdanlɛ ne anzɛɛ azukponle ne, ɔboalekɛ ɔ nwo lɛ dɛne. Ɔyɛ ye zɔhane a ɛnee yeva evinli yeha ɛleka nwuanzanwuanza ne, ɔluakɛ medame a mele Ɛdɛnkɛma mɔɔ memaa bɛ nwo te a.”

Sɛlɛ 21:8

Ɔwɔ kɛ ɛtu ye ɛsie ahane ɛmaa Nyamenle, ɔluakɛ ɔdaye a ɔfa aleɛ ɔbɔ azu ɔmaa wɔ Nyamenle ne a; ɔwɔ kɛ ɔ nwo te maa wɔ, ɔluakɛ medame, Ɛdɛnkɛma, mɔɔ mete ɛ nwo la, mele nwuanzanwuanza.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:4

Nyamenle kpale nu yele yɛ ziele ɛkɛ manle Kelaese kolaa na yeabɔ ewiade, amaa yɛ nwo ade nwuanzaanwu mɔɔ fɔlɛlilɛ biala ɛnle yɛ nu wɔ ɔ nyunlu a. Ɔlua ye ɛhulolɛ ne ati

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tɛs 4:3

Nyamenle ɛhulolɛdeɛ a le kɛ bɛ nwo kɛde na bɛkɛhwe bɛ nwo bɛkɛvi adwɔmane ɛbɔlɛ nwo.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

Dwɔhyua Buluku ne 24:19

Dwɔhyua zele menli ne mɔ kɛ, “Bɛnrɛhola Ɛdɛnkɛma sonle! Ɔle Nyamenle Nwuanzanwuanza yɛɛ ɔnrɛva bɛ ɛtane ɔnrɛhyɛ bɛ. Ɔngulo ahola ɛzilɛ,

Dwɔhyua Buluku ne 3:5

Dwɔhyua zele menli ne kɛ, “Bɛdu bɛ nwo bɛzie ahane bɛmaa Ɛdɛnkɛma, ɔboalekɛ ɛhyema Ɛdɛnkɛma bayɛ nwanwane ninyɛne ahile bɛ.”