Sɛlɛ 20:6 - BAEBOLO ANZƐƐ BULUKU NWUANZANWUANZA

⁶ “Saa awie kɔbiza ɔ nwo wɔ sonla mɔɔ tendɛ nwomenle nloa azo la ɛkɛ, anzɛɛ ɔkɔ bayivolɛ bie ɛkɛ ɔkɔbiza ɔ nwo anzɛɛ ɔ nee bɛ kɔbɔ tuutuu ɛbɛla a, mebava me nye meazie ɔ nyunlu na meaye ye meavi ye menli ne avinli.

Sɛlɛ 20:6 ပူးပေါင်းရင်းမြစ်များ

Edwɛndolɛ Buluku ne 73:27

Na nea, bɛdabɛ mɔɔ bɛ nee wɔ bɛ avinli twe la baminli; ɛmaa bɛdabɛ mɔɔ bɛnli nɔhalɛ bɛmmaa wɔ la abo zo bɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:17

“Saa raalɛ ne ɔ ze kpo kɛ ɔnrɛmaa ɔnrɛgya ye a, ɔwɔ kɛ nrenya ne tua ezukoa mɔɔ nee raalɛ belamunli ati asoa sɛ la maa ɔ ze.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:18

“Bɛhu raalɛ biala mɔɔ ye ngonyia la.

Ayezaya Buluku ne 8:19

Saa menli ka kile bɛ kɛ, “Bɛhɔbiza bɛ nwo wɔ menli mɔɔ tendɛ nwomenle nloa azo anzɛɛ nyɛnema mɔɔ su peapea na bɛtendɛ bɛ nzo abo la ɛkɛ a,” ɛnee bɛkpondɛ bɛaha kɛ ɔnle kɛ menli biza edwɛkɛ wɔ bɛ Nyamenle ne ɛkɛ ɔ? Asoo ɔle kpalɛ kɛ bɛkɛbiza anyewɔzoamra ati wɔ mɔwuamra ɛkɛ ɔ?

Gyɛlɛmaya Buluku ne 44:11

“Yemɔti, medame Tumivolɛ Ɛdɛnkɛma, Yizilayɛ Nyamenle ne, mese: Bɛ ɛtane ne ati mebava me nye meawula bɛ nyunlu na meabɔ Dwuda bɔkɔɔ.

Yizikeɛle Buluku ne 6:9

bɛdabɛ mɔɔ bɛvi ɛsalɛ la ahakye me wɔ maanle maanle zɔhane mɔ mɔɔ hyele bɛ nuokɛ hɔle la avinli. Mebaha bɛ ahonle ɛtane ne mɔ mɔɔ manle bɛdele me nwo atua la aze na meazi bɛ nye ne mɔ mɔɔ bɛfa bɛkpondɛ awozonle bɛsonle bɛ la; na bɛ nwo bayɛ nyiane kpole wɔ bɛ ngome bɛ nye zo wɔ amumuyɛ nee bɛkyi ninyɛne ne mɔ mɔɔ bɛyɛ la ati.

Hozia Buluku ne 4:12

Bɛkɔ baka dosinli nwo abisa yɛɛ bɛdabɛ bɛ kpɔma bɔbɔ bɔ bɛ munzule. Ɔluakɛ tuutuulilɛ sunsum ɛva bɛ ɛminli, ɛmaa bɛgyakyi bɛ Nyamenle ne ɛzonlenlɛ na bɛlɛdi awozonlezonlenlɛ nu tuutuu. Bɛbɔ azu wɔ awoka mgbole zo na bɛfa bɛ azubɔdeɛ bɛkɔ awoka ngyikyi ne mɔ azo, yɛɛ

Sɛlɛ 17:10

“Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Sɛlɛ 19:26

“Bɛmmadi nane biala mɔɔ mogya ne gyi nu la. Ɔnle kɛ bɛye ngonyia anzɛɛ bɛbɔ ayɛne ɛbɛla biala.

Sɛlɛ 19:31

“Bɛmmabiza bɛ nwo wɔ menli mɔɔ tendɛ nwomenle nloa azo la anzɛɛ nyɛnema ɛkɛ. Bɛmmakpondɛ bɛ bo zo bɔbɔ na evinli aha bɛ; medame a mele Ɛdɛnkɛma bɛ Nyamenle ne a.

Sɛlɛ 20:27

“Nrenya anzɛɛ raalɛ biala mɔɔ tendɛ nwomenle nloa azo anzɛɛ le bayivolɛ la, ɔwɔ kɛ bɛku ye. Bɛzi bɛ awolɛ bɛhu bɛ, na bɛ mogya gua bɛdabɛ bɛ ti zo.”

Sɛlɛ 20:5

mebava me nye meazie ahenle nee ye mbusuafoɔ anyunlu, na meaye bɛ nee bɛdabɛ mɔɔ bɛdoale ye bɛhɔbɔle tuutuu ɛbɛla mgbane ne wɔ bozonle Molɛke abo la amuala meavi bɛ menli avinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:39

Nyɛma fufutuu ne mɔ bayɛ ngakyelɛ debie mɔɔ mekɛ biala mɔɔ bɛkɛnwu bɛ la, bɛbahakye me mɛla ne mɔ na bɛali zolɛ; na bɛangakyi bɛ nzi bɛanzi me, bɛanyɛ mɔɔ bɛdabɛ bɛkulo la.

Ɛzoanvolɛma Gyima ne 16:16

Kenle ko yɛlɛkɔ ɛleka mɔɔ bɛyɛ nzɛlɛlɛ la, yɛyiale kanranli bɛlɛra bie mɔɔ di ahɔne na ɔlua ye munzule ɛbɔlɛ zo ɔ menle mɔ ɛnyia bɛ nwo ninyɛne nee ezukoa la.