Sɛlɛ 20:5 - BAEBOLO ANZƐƐ BULUKU NWUANZANWUANZA

⁵ mebava me nye meazie ahenle nee ye mbusuafoɔ anyunlu, na meaye bɛ nee bɛdabɛ mɔɔ bɛdoale ye bɛhɔbɔle tuutuu ɛbɛla mgbane ne wɔ bozonle Molɛke abo la amuala meavi bɛ menli avinli.

Sɛlɛ 20:5 ပူးပေါင်းရင်းမြစ်များ

2 Edk 21:11

Yeanga ɛhye angome, eza ɔyɛle ɛleka ne mɔ mɔɔ menli mɔɔ ɛnze Nyamenle la sonle la, na ɔmanle Gyɛlusalɛm amuala yɛle ɛtane tiale Ɛdɛnkɛma; ɔminlinle Dwudama bɔkɔɔ.

Edwɛndolɛ Buluku ne 106:39

Ɛhye ati bɛ nyɛleɛ manle evinli hanle bɛ, na bɛluale bɛ nyɛleɛ zo bɛbɔle nyamenlezonlenlɛ nu tuutuu ɛbɛla.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:5

Bɛmmabɔ bɛ ti aze bɛmaa bɛ anzɛɛ bɛmmasonle bɛ. Ɔluakɛ medame Ɛdɛnkɛma bɛ Nyamenle ne, mele nungule Nyamenle. Mefa bɛ ze mɔ ɛtane ne mɔ anwo ndeanlɛ metea bɛdabɛ mɔɔ bɛkpɔ me la toonwo ɔkɔdwu awolɛndoazo nsa ne nee nna ne azo,

Gyɛlɛmaya Buluku ne 3:2

Bɛnlea awoka ne mɔ azo lɔ! Nienwu yɛɛ bɛ nee bɛ ɛtɛdale a? Bɛdɛnlɛdɛnlanle adehane bɛhendɛle bɛ kulovolɛma, kɛ Arelabenli mɔɔ ɛhɔ nzia wɔ fienemgbole nu la. Bɛbɔ tuutuu ɛbɛla atisesebɛ nu wɔ azɛlɛ ne azo bɛva evinli bɛha ye.

Gyɛlɛmaya Buluku ne 32:39

Mebamaa bɛ adwenle ayɛ ko, bɛ adenle ayɛ ko, amaa bɛazulo me dahuu wɔ bɛdabɛ mumua ne nee bɛ mra mɔɔ li bɛ nzi la kpalɛyɛlɛ ti.

Gyɛlɛmaya Buluku ne 44:11

“Yemɔti, medame Tumivolɛ Ɛdɛnkɛma, Yizilayɛ Nyamenle ne, mese: Bɛ ɛtane ne ati mebava me nye meawula bɛ nyunlu na meabɔ Dwuda bɔkɔɔ.

Hozia Buluku ne 2:13

Mebadea ye wɔ mekɛ mɔɔ ɔ rɛle vile me na ɔhɔkpunle ɛyɛlɛ ɔmanle ye awozonle Beeyale ne mɔ, na ɔvale anwoneɛ ɔzieziele ɔ nwo ɔdoale ye kulovolɛma la; kɛ medame Ɛdɛnkɛma mese la ɛne.

Hozia Buluku ne 2:5

ɔluakɛ bɛ nli le tuutuunli. Raalɛ ne mɔɔ nrenzɛle bɛ la ɛbɔ anyiemgba ɛbɛla. Ɔluakɛ ɔhanle kɛ, “Metoa me kulovolɛma mɔɔ maa me aleɛ nee nzule, mboane enrinli nee lenen, ɔlivi nwole, yɛɛ nwanye la.”

Sɛlɛ 17:10

“Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Sɛlɛ 17:7

Zɔhane ati ɔnle kɛ awie biala ku nane bɔ azu maa mbɔnkye awozonle ne mɔ na bɛbɔ tuutuu ɛbɛla mgbane biala. Ɛhye bayɛ mɛla amaa bɛ mekɛ biala, wɔ bɛ awolɛndoazo muala anu.

Sɛlɛ 20:4

Na saa bɛdabɛ mɔɔ bɛde maanle ne anu la ye bɛ nye kɛ asɛɛ bɛannwu kɛ yeva ɔ ra yebɔ azu yemaa bozonle Molɛke na bɛangu ye a,

Sɛlɛ 20:6

“Saa awie kɔbiza ɔ nwo wɔ sonla mɔɔ tendɛ nwomenle nloa azo la ɛkɛ, anzɛɛ ɔkɔ bayivolɛ bie ɛkɛ ɔkɔbiza ɔ nwo anzɛɛ ɔ nee bɛ kɔbɔ tuutuu ɛbɛla a, mebava me nye meazie ɔ nyunlu na meaye ye meavi ye menli ne avinli.