Sɛlɛ 20:2 - BAEBOLO ANZƐƐ BULUKU NWUANZANWUANZA

² “Ka kile Yizilayɛma kɛ: Yizilayɛnli biala anzɛɛ ɛyɛvolɛ biala mɔɔ de Yizilayɛma avinli, mɔɔ kɛva ɔ ra kɛbɔ azu kɛmaa bozonle Molɛke la, bɛhu ye. Bɛdabɛ mɔɔ bɛwɔ maanle ne anu la ɛzi ye awolɛ ɛhu ye.

Sɛlɛ 20:2 ပူးပေါင်းရင်းမြစ်များ

1 Arl 11:7

Ɔzile Mowabe bozonle anwo ɛzulolɛ ne mɔɔ bɛfɛlɛ ye Kimɔhye la yɛɛ Amɔn bozonle anwo ɛzulolɛ ne mɔɔ bɛfɛlɛ ye Molɛke la mmonle azua wɔ boka ne mɔɔ wɔ Gyɛlusalɛm aduduleɛ la azo.

2 Arl 17:17

Bɛvale bɛ mra mrenya nee mraalɛ bɛmanle bɛyelale bɛ bɛbɔle azu bɛmanle awozonle, bɛbizale bɛ nwo wɔ menli mɔɔ tendɛ nwomenle nloa zo nee bɛdabɛ mɔɔ bɛtwe adunyi la ɛkɛ, na bɛvale bɛ mekɛ kɔsɔɔti bɛyɛle mɔɔ ɛnzɔ Ɛdɛnkɛma anye la, na bɛmanle Ɛdɛnkɛma vale ɛya.

2 Arl 23:10

Belemgbunli Dwosaya eza zɛkyele Tofɛte amonle sua ne mɔɔ wɔ Henɔm Bɔnza ne anu la, amaa awie anyela ɔ ra raalɛ anzɛɛ nrenya wɔ ɛkɛ ne ambɔ azu ammaa bozonle Molɛke.

2 Edk 28:3

ɔkpunle ɛyɛlɛ ɔbɔle azu wɔ Henɔm Bɔnza, na ɔyelale ɔ mra mrenya ɔbɔle azu. Ɔbɔle ɛbɛla mgbane mgbane ne mɔ mɔɔ menli mɔɔ ɛnee de azɛlɛ ne azo la bɔle a Ɛdɛnkɛma dule bɛ vile Yizilayɛma anyunlu la bie.

2 Edk 33:6

Ɔyelale ɔ mra mrenya ɔbɔle azu wɔ Henɔm Bɔnza. Ɔhwenle adunyi, ɔyele ngonyia, yɛɛ ɔ nee nyɛne nee menli mɔɔ tendɛ nwomenle nloa zo la dule. Ɔyɛle ɛtane kpole ɔtiale Ɛdɛnkɛma ɔmanle ɔvale ɛya.

Edwɛndolɛ Buluku ne 106:38

Bɛhanle mogya mɔɔ ɛnze nwolɛ bie la bɛguale, bɛ mra mrenya nee mraalɛ mogya, bɛvale bɛbɔle azu bɛmanle Keena awozonle, na bɛvale mogya bɛzɛkyele azɛlɛ ne.

Gyɛlɛmaya Buluku ne 32:35

Bɛzile azukponle wɔ Henɔm Bɔnza bɛmanle bozonle Beeyale, bɛvale bɛ mra mrenya nee bɛ mra mraalɛ bɛbɔle azu zolɛ bɛmanle bɛ bozonle Molɛke. Meanzoa bɛ kɛ bɛyɛ ɛhye, yɛɛ meanga nwolɛ ɛlalɛ bɔbɔ ɛlɛ kɛ memaa bɛayɛ bɛkyi debie zɔhane na Dwudama alua zolɛ ayɛ ɛtane.”

Gyɛlɛmaya Buluku ne 7:31

Wɔ Henɛm Bɔnza ne anu, bɛzi azukponle na bɛdo ye Tofɛte, amaa bɛayela bɛ mra mrenya nee bɛ mra mraalɛ bɛabɔ azu wɔ senle ne anu. Meanze bɛ kɛ bɛyɛ ɛhye, yɛɛ yeamba me adwenle nu bɔbɔ.

Yizikeɛle Buluku ne 20:26

Memanle bɛvale bɛ belamunli mralɛ bɛyelale bɛ bɛbɔle azu, na bɛluale bɛ ahyɛlɛ ninyɛne zo bɛzɛkyele bɛ nwo. Menyɛle ɛhye menganle bɛ ɛzulolɛ, amaa bɛanwu kɛ medame a mele Ɛdɛnkɛma a.

Yizikeɛle Buluku ne 20:31

Bɛhu bɛ mra mrenya bɛyela bɛ bɛbɔ azu bɛmaa awozonle bɛgua bɛ nwo evinli toonwo a yeradwu ɛnɛ a. Yizilayɛma, na akee mame yɛɛ bɛbabiza me bɛanwu mɔɔ ɔwɔ kɛ bɛyɛ la ɔ? Suzuamgba ala mɔɔ medame a mele Awulae Nyamenle ne la, mese, menrɛmaa adenle menrɛmaa bɛnrɛbiza me edwɛkɛ biala.

Yizikeɛle Buluku ne 23:37

Ɔluakɛ bɛdo awuvolɛvalɛ mɛla ne, yɛɛ mogya wɔ bɛ sa anwo. Bɛva bɛ awozonle ɛzonlenlɛ bɛzɛkye agyalɛ, na bɛva mralɛ mrenya mɔɔ me nee bɛ wole la bɛbɔ azu bɛmaa awozonle bɛmaa bɛdo bɛli.

Yizikeɛle Buluku ne 23:39

Ɔluakɛ kenle ko ne ala mɔɔ bɛhunle bɛ mra ne mɔ bɛmanle bɛ awozonle ne mɔ la, bɛrale me Ɛzonlenlɛ Sua ne anu bɛraguale ɛkɛ ne evinli. Na nea, debie mɔɔ bɛyɛle la ɛne.

Sɛlɛ 17:13

“Eza ɔwɔ kɛ Yizilayɛnli biala anzɛɛ ɛyɛvolɛ biala mɔɔ wɔ bɛ avinli mɔɔ di ɛbɔlɛ ku nane nee nloma mɔɔ bɛdi la, twi mogya ne gua na ɔfe ɛnwea ɔkeda zolɛ.

Sɛlɛ 17:15

“Awie biala mɔɔ kɛli nane mɔɔ ɔdaye ɔ ngome yewu anzɛɛ nanemgbole bie ɛtete ye la, saa ɔle Yizilayɛnli o, ɔle ɛyɛvolɛ o, ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ, ɛnee bɔ zo mɔɔ ɔ nwo ɛde a.

Sɛlɛ 17:8

“Eza ka kile bɛ kɛ: Yizilayɛnli biala, anzɛɛ ɛyɛvolɛ biala mɔɔ wɔ bɛ avinli mɔɔ kɛbɔ ɛyelalɛ azu anzɛɛ kɛbɔ azu ngakyile biala,

Sɛlɛ 18:21

Ɔnle kɛ bɛtu bɛ mra ne mɔ anu biala bɛsie ahane bɛmaa kɛ bɛyela ye bɛbɔ azu bɛmaa bozonle Molɛke. Bɛyɛ ɛhye a, ɛnee bɛbɔ bɛ Nyamenle ne anyiemgba. Medame a mele Ɛdɛnkɛma a.

Sɛlɛ 20:1

Ɛdɛnkɛma zele Mosisi kɛ,

Sɛlɛ 20:27

“Nrenya anzɛɛ raalɛ biala mɔɔ tendɛ nwomenle nloa azo anzɛɛ le bayivolɛ la, ɔwɔ kɛ bɛku ye. Bɛzi bɛ awolɛ bɛhu bɛ, na bɛ mogya gua bɛdabɛ bɛ ti zo.”

Sɛlɛ 24:14

“Bɛva ahenle ne mɔɔ bɔle sasa ne la bɛvinde azokoɛleɛ ne kandiba lɔ, na bɛdabɛ mɔɔ bɛdele ye sasabɔlɛ ne la, biala ɛva ɔ sa ɛdo nrenya ne anwoma azo ɛli daselɛ, na akee ɛlɔne ne amuala ɛzi ye awolɛ ɛhu ye.

Sɛlɛ 24:16

Awie mɔɔ kɛbɔ Nyamenle sasa la, bɛbahu ye. Menli ne amuala bazi ye awolɛ ahu ye. Saa ɔle ɛyɛvolɛ o, ɔle Yizilayɛnli o, ɔwɔ kɛ bɛku ye kɛ yebɔ Nyamenle sasa a.

Sɛlɛ 24:23

Yemɔti Mosisi hanle mɛla ne amuala hilele Yizilayɛma amuala. Bɛvale nrenya ne mɔɔ bɔle sasa ne la bɛhɔle azokoɛleɛ ne kandiba ne na bɛzile ye awolɛ. Yizilayɛma yɛle mɔɔ Ɛdɛnkɛma luale Mosisi anwo zo hanle hilele bɛ la.

Ɛzoanvolɛma Gyima ne 7:43

Bɛzoale bɛ bozonle Molɛke ɛdanlɛ sua ne, yɛɛ bɛzoale bɛ ɛwɔlɔra bozonle Relɛfaa ɛdanlɛ sua ne noko; bɛdabɛ a bɛnwonle bɛ yɛɛ bɛzonlenle bɛ a. Yemɔti mebava bɛ meahɔ nlɔnu wɔ Babelɔn anzi lɔ.’

Mɛla 12:31

Bɛmmasonle Ɛdɛnkɛma bɛ Nyamenle ne, kɛmɔ menli zɔhane mɔ si sonle bɛ awozonle ne mɔ la. Ɔluakɛ ninyɛne mɔɔ Ɛdɛnkɛma kyi la angome a bɛyɛ bɛmaa bɛ awozonle ne mɔ a. Bɛyela bɛ mra mrenya nee mraalɛ bɔbɔ bɛmaa bɛ awozonle ne mɔ.

Mɛla 17:2

“Saa bɛwɔ bɛ azua mɔɔ Ɛdɛnkɛma bɛ Nyamenle ne bava amaa bɛ la azo na bɛte kɛ nrenya bie anzɛɛ raalɛ bie ɛyɛ ɛtane ɛtia Ɛdɛnkɛma bɛ Nyamenle ne, yebulu ngyekyeleɛ ne azo,

Mɛla 18:10

Bɛmmayela bɛ mra mraalɛ anzɛɛ mrenya bɛbɔ azu. Bɛ nuhua biala mmayɛ sunsum nu debie biala mɔɔ kile kɛ ɔbiza awie anwo edwɛkɛ, anzɛɛ ɔbɔ awie munzule, anzɛɛ ɔye ngonyia,

Mɛla 21:21

Saa ɔba ye zɛhae a, bɛdabɛ mɔɔ bɛwɔ suakpole ne azo la ɛrazi ye awolɛ ɛhu ye, amaa bɛakpa munzule bɛavi sua ne azo. Yizilayɛma kɔsɔɔti bade na bɛazulo.

Mɛla 22:21

ɛnee bɛva raalɛ ne bɛvinde bɛhɔ ɔ ze anuhɔlɛ lɔ na mrenya mɔɔ wɔ suakpole ne azo la ɛzi ye awolɛ ɛhu ye, ɔboalekɛ yebɔ anyiemgba ɛbɛla wɔ Yizilayɛ, ɔbɔle adwɔmane wɔ ɔ ze sua nu kolaa na bɛagya ye. Bɛyɛ ye zɔhane bɛva bɛdu munzule biala abo.