Sɛlɛ 20:16 - BAEBOLO ANZƐƐ BULUKU NWUANZANWUANZA

¹⁶ Saa raalɛ twe bikye nane bie na ɔmaa ɔfa ye a, bɛhu raalɛ ne nee nane ne; bɛ mogya ne gua bɛ ti zo.

Sɛlɛ 20:16 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:13

Bɛbazi ye awolɛ anzɛɛ bɛbado ye ɛda na awie biala ɛnrɛzɔ ye, saa sonla anzɛɛ nane o, ɔwɔ kɛ ɔwu.’ Na saa bɛbɔ aweɛne tendenle ne anu tendenle ko a, bɛvo boka ne azo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:28

“Saa ɛnlankɛ nyinli fa ye mɛne wɔ awie, nrenya anzɛɛ raalɛ ku ye a, ɔwɔ kɛ bɛsi ye awolɛ bɛku ye, ɔnle kɛ bɛdi ye nane; ɔnle kɛ bɛyɛ ɔ menle ne ɛhwee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:32

Saa ɛnlankɛ nyinli ne ku kanranli, nrenya anzɛɛ raalɛ a, ɔwɔ kɛ ɔ menle ne tua dwɛtɛ fufule abulasa maa kanranli ne amenle na bɛsi ɛnlankɛ ne awolɛ bɛku ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:19

“Bɛhu nrenya biala mɔɔ nee nane kɛla la.

Sɛlɛ 18:23

Eza ɔnle kɛ bɛ nee nane biala da, bɛfa ye na bɛgua bɛ nwo evinli, yɛɛ ɔnle kɛ raalɛ biala maa adenle maa nane fa ye; ɔle ɛtane kpole.

Sɛlɛ 20:15

Saa nrenya nee nane da, ɔfa ye a, bɛhu ye, na bɛhu nane ne.

Sɛlɛ 20:17

“Saa nrenya fa ɔ diema raalɛ mɔɔ le ɔ ze ara anzɛɛ ɔ nli ara a, bɛ mu nwiɔ bɛgua bɛ nyunlu aze. Ɔle anyiemgba debie, yemɔti ɔwɔ kɛ bɛye bɛ bɛfi bɛ mediema ne mɔ anu. Nrenya ne ɛbɔ ɔ diema raalɛ ne anyiemgba, yemɔti ye amumuyɛ ne zo ye.

Kɛlata mɔɔ bɛhɛlɛle bɛhɔmanle Hibuluma la 12:20

Ɔboalekɛ ɛnee mɛla ne mɔɔ bɛvale bɛmanle bɛ kɛ, “Saa nane bɔbɔ agyakɛ tia boka ne anwo a, bɛzi ye awolɛ bɛhu ye” la, bɛngola nu sɔ.