Sɛlɛ 2:9 - BAEBOLO ANZƐƐ BULUKU NWUANZANWUANZA

⁹ Akee sɛlɛvolɛ ne bava bie ahile kɛ bɛva bɛra kɛ ɔle azubɔdeɛ, na yeayela ye wɔ azukponle ne azo, kɛ azubɔdeɛ mɔɔ bɛva senle bɛbɔ la, na ye evuanlɛ sɔ Ɛdɛnkɛma anye.

Sɛlɛ 2:9 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:18

Yela boane ne mumua wɔ azukponle ne azo bɔ azu maa medame Ɛdɛnkɛma. Azubɔlɛ ɛhye mɔɔ bɛfa senle bɛbɔ bɛmaa Ɛdɛnkɛma la sɔ me nye.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Sɛlɛ 1:9

Akee ahenle ne ɛva nzule ɛnrinzi nane ne akunlu ninyɛne ne nee ye ndwɛlɛ ne mɔ anwo. Na sɛlɛvolɛ ne ɛyela ɔ muala wɔ azukponle ne azo kɛ ɔle ɛyelalɛ azubɔlɛ. Azubɔlɛ zɛhae mɔɔ bɛfa senle bɛbɔ la evuanlɛ sɔ Ɛdɛnkɛma anye.

Sɛlɛ 2:16

Sɛlɛvolɛ ne bayela ma ne mɔɔ bɛgelegele nu la bie. Ɔle ɛyelalɛ azubɔdeɛ ɔmaa Ɛdɛnkɛma.

Sɛlɛ 2:2

na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 2:8

Ɔwɔ kɛ bɛfa ma azubɔdeɛ mɔɔ bɛva ninyɛne ɛhye mɔ bɛyɛ la bɛbɛlɛ Ɛdɛnkɛma. Saa bɛ nee bɛ ba a bɛva bɛmaa sɛlɛvolɛ ne na sɛlɛvolɛ ne ava ahɔ azukponle ne anwo.

Sɛlɛ 24:7

Fa ɛyɛlɛ evuanlɛ gua ɛhonlone ko biala anwo fa kile kɛ ɔle aleɛ mɔɔ bɛva bɛbɔ azu bɛmaa Ɛdɛnkɛma a.

Sɛlɛ 4:31

Ɔbayeye azubɔdeɛ ne akunlu ɛnlome ne amuala, kɛmɔ bɛyɛ anzonudwolɛ azubɔdeɛ la, na akee yeayela ye wɔ azukponle ne azo. Ye evuanlɛ sɔ Ɛdɛnkɛma anye. Sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva bɛkɛhyɛ ye.

Sɛlɛ 5:12

Ɔwɔ kɛ ɔfa ɔbɛlɛ sɛlɛvolɛ ne, na sɛlɛvolɛ ne avula ɔ sa ko, na yeayela ye wɔ azukponle ne azo yeaboka ɛyelalɛ. azubɔdeɛ mɔɔ le Ɛdɛnkɛma ɛdeɛ la anwo. Ɔle ɛtane azubɔdeɛ.

Sɛlɛ 6:15

Bɛ nuhua ko bavula ma azubɔdeɛ ne mɔɔ bɛdi bɛyɛ ye esamo na nwole nee ɛyɛlɛ evuanlɛ wɔ nu la ɔ sa ko, na yeayela ye wɔ azukponle ne azo. Ye evuanlɛ sɔ Ɛdɛnkɛma anye.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:26

Akee ɔvula ma azubɔdeɛ ne ɔ sa tukuu ko ɔyɛ ngakyedeɛ ɔyela ye wɔ azukponle ne azo, na ɔmaa raalɛ ne ɛnlo nzule ne.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.