Sɛlɛ 2:16 - BAEBOLO ANZƐƐ BULUKU NWUANZANWUANZA

¹⁶ Sɛlɛvolɛ ne bayela ma ne mɔɔ bɛgelegele nu la bie. Ɔle ɛyelalɛ azubɔdeɛ ɔmaa Ɛdɛnkɛma.

Sɛlɛ 2:16 ပူးပေါင်းရင်းမြစ်များ

Edwɛndolɛ Buluku ne 141:2

Maa me nzɛlɛlɛ ɛyɛ kɛ ɛyɛlɛ evuanlɛ wɔ ɛ nyunlu, na fa me sa mɔɔ memaa ye zo la kɛ nɔsolɛ azubɔlɛ.

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Sɛlɛ 1:9

Akee ahenle ne ɛva nzule ɛnrinzi nane ne akunlu ninyɛne ne nee ye ndwɛlɛ ne mɔ anwo. Na sɛlɛvolɛ ne ɛyela ɔ muala wɔ azukponle ne azo kɛ ɔle ɛyelalɛ azubɔlɛ. Azubɔlɛ zɛhae mɔɔ bɛfa senle bɛbɔ la evuanlɛ sɔ Ɛdɛnkɛma anye.

Sɛlɛ 2:12

Bɛkola bɛfa bɛ ma mɔɔ bɛkɛlumua bɛkɛnyia ye la bɛbɛlɛ Ɛdɛnkɛma kɛ bɛ azubɔdeɛ ɔ, noko ɔnle kɛ bɛfa bɛkɔ azukponle ne azo kɛ ɔle ɛyelalɛ azubɔdeɛ.

Sɛlɛ 2:14

Saa bɛfa ma mɔɔ bɛlumua bɛde la azubɔdeɛ bɛarɛlɛ Ɛdɛnkɛma a, ɔwɔ kɛ bɛ ma azubɔdeɛ ne yɛ ma amolɛ mɔɔ bɔ zo mɔɔ bɛbu anzɛɛ bɛde la; bɛhyehye ye ekyii na bɛgelegele nu.

Sɛlɛ 2:15

Ɔwɔ kɛ bɛgua nwole zolɛ na bɛfa ɛyɛlɛ evuanlɛ bɛgua zolɛ. Ɔle ma azubɔdeɛ.

Sɛlɛ 2:9

Akee sɛlɛvolɛ ne bava bie ahile kɛ bɛva bɛra kɛ ɔle azubɔdeɛ, na yeayela ye wɔ azukponle ne azo, kɛ azubɔdeɛ mɔɔ bɛva senle bɛbɔ la, na ye evuanlɛ sɔ Ɛdɛnkɛma anye.

Kɛlata mɔɔ bɛhɛlɛle bɛhɔmanle Hibuluma la 5:7

Mekɛ mɔɔ Gyisɛse wɔ ewiade ye anu la, ɔvale ɛzunlɛ nee nyane ɔdeɛdeanle nu ɔvale ye nzɛlɛlɛ ɔdole Nyamenle mɔɔ yemɔ ala a kɛhola kɛye ye kɛvi ewule nu la anyunlu. Kɛmɔ ɔhanle ɔ nwo aze na ɔvale ɔ nwo amuala ɔmanle la ati, Nyamenle diele ye.