Sɛlɛ 2:13 - BAEBOLO ANZƐƐ BULUKU NWUANZANWUANZA

¹³ Ɔwɔ kɛ bɛfa ngyenle bɛgua bɛ ma azubɔdeɛ ne mɔ amuala anu. Ɔnle kɛ bɛmaa ngyenle mɔɔ kile bɛ nee bɛ Nyamenle ne ngyekyeleɛ ne la kpa bɛ ma azubɔdeɛ nu. (Bɛva ngyenle bɛboka bɛ azubɔdeɛ biala.)

Sɛlɛ 2:13 ပူးပေါင်းရင်းမြစ်များ

2 Edk 13:5

Bɛdabɛ bɛze ye wienyi kɛ Yizilayɛ Ɛdɛnkɛma Nyamenle ne vale Yizilayɛ belemgbunlililɛ ne manle Devidi nee ɔ bo zo amra, na ɔ nee ye yɛle ngyekyeleɛ kɛ bɛbali ebia ne wɔ mekɛ mɔɔ ɛnlɛ awieleɛ la.

Ɛzela Buluku ne 7:22

Bɛmaa ye bolɛ ɛdwu dwɛtɛ fufule mɔɔ ye ɛnlomboɛ to tone nu kilo apenle nsa, ɛya nna la, abɛlɛ mɔɔ ɛsuzu a ɔto kilo apenle bulu, nwanye litili apenle nwiɔ, nwole litili apenle nwiɔ, yɛɛ ngyenle dɔɔnwo biala mɔɔ bɛkɛhyia nwolɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:35

na fa bɛ bɔ nu, kɛmɔ bɛyɛ nwole evuanlɛ la yɛ ɛyɛlɛ. Fa ngyenle gua nu maa ɔ nye ɛde na ɔyɛ nwuanzanwuanza.

Yizikeɛle Buluku ne 43:24

Bɛva bɛ bɛrɛla Ɛdɛnkɛma anyunlu na sɛlɛvolɛma ne ɛkponde ngyenle bɛ nwo zo na bɛva bɛbɔ ɛyelalɛ azu bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:19

“Azubɔdeɛ nwuanzanwuanza biala mɔɔ sonle bolɛ, mɔɔ Yizilayɛma kɛva kɛmaa medame Ɛdɛnkɛma la, mefa memaa wɔ, ɛ mra mrenya nee ɛ mra mraalɛ kɛ ɔle bɛ ɛdeɛ dahuu. Ɛhye le ngyekyeleɛ mɔɔ me nee wɔ nee ɛ bo zo amra ɛkyekye mɔɔ bɛntulu ye ɛlɛ a.”

Edwɛkpa ne kɛmɔ Mateyu hɛlɛle la 5:13

“Bɛmɛ a bɛle azɛlɛ ye azo ngyenle a. Ngyenle mɔɔ kɛda la bɛyɛ ye menlemenle bieko a ɔnyɛ boɛ. Bɛfa bɛyɛ ɛhwee a ɔnyɛ boɛ. Bɛto bɛgua na menli tietia zolɛ.

Kɔlɔ 4:6

Bɛmaa bɛ nloa edwɛkɛ ɛyɛ fɛ na ɔyɛ anyelielɛ, na bɛnwu nyelebɛnloa kpalɛ mɔɔ ɔwɔ kɛ bɛfa bɛye awie biala edwɛkɛ nloa la.